باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

لياۋنيڭ بالەت ءبيى ۇيىرمەسى اكەلگەن «8 باتىر قىزدىڭ وزەنگە سەكىرىپ قۇربان بولۋى» اتىنداعى بالەت تەاترى شينجياڭ حالىق سارايىندا قويىلدى

    كەلۋ قاينارى: شينجياڭ حالىق راديو ىستانسياسى    2017-07-27 12:52:59  
ستانسيامىزدىڭ ءتىلىشىسى دۇڭ جىيۇڭنىڭ حابارىن تىڭداڭىزدار: 25-، 26-شىلدە ۇرتىس ەكى كۇن، لياۋنيڭ بالەت ءبيى ۇيىرمەسى اكەلگەن «8 باتىر قىزدىڭ وزەنگە سەكىرىپ قۇربان بولۋى» اتىنداعى بالەت تەاترى شينجياڭ حالىق سارايىندا قويىلدى.
تىپ-تىك وسكەن اق قايىڭنىڭ، جايقالعان سارى ءبيدايدىڭ، جەلبىرەگەن قىزىل قول جاۋلىقتاردىڭ تاماشا بەينەسى اسەم جوبالانعان ساحنادان جاعىمدى دا مۇڭلى مۋزىكا ءۇنى كوتەرىلىپ، شىعىس سولتۇستىك جاپون شاپقىنشىلارىنا قارسى تۇرۋ بىرلەسكەن ارمياسىنداعى 8 ايەل جاۋىنگەردىڭ شاپقىنشىلارعا قارسىلىق ءبىلدىرۋ ءۇشىن وزەنگە سەكىرىپ، وتان ءۇشىن قۇربان بولعان قاھارماندىق ىزگى ىستەرى ساحنادان كورىنە باستادى. وسى ءبي تەاترى شىعىس سولتۇستىكتەگى ۇزحۇن وزەنىندە تۋىلعان ناقتى وقيعادان وزگەرتىلگەن. تۇتاس تەاتردا قىزۋ تۇرمىس جاعدايى دا، جاۋىنگەرلەردىڭ ولىمنەن قورىقپاي، جاۋلارمەن سوڭىندا دەيىن قارسىلارسقان بەينەسى دە كورسەتىلدى. شىنايى اڭگىمە، اسەرلى ءبي ءار ءبىر كورەرمەندى اسەرلەندىردى. كورەرمەن بىلاي دەدى: «نەداۋىر تەرەڭ اسەر الدىم، سەبەبى مەن دە اسكەرمىن، وتە-موتە توڭكەرىستىك اعا بۋىنداردىڭ وتان ءۇشىن قىمباتتى جاستىق ءومىرىن ارناعاندىعىن كوردىم. شينجياڭداعى قارۋلى ساقشىنىڭ وفيتسەر-اسكەرى تۇرعىسىنان، ءبىز دە ءسوز جوق ءتوراعا شي جينپيڭنىڭ تاپسىرماسىن ەستە بەرىك ساقتاپ، شينجياڭنىڭ قوعامىنىڭ جالپى جاعدايىنىڭ ورنىقتىلىعىنا ءوز كۇشىمىزدى قوسۋىمىز كەرەك».
1938-جىلدىڭ جازىندا، جاپون شاپقىنشىلارى شىعىس سولتۇستىكتەگى جاپون شاپقىنشىلارىنا قارسى تۇرۋ بىرلەسكەن ارمياسىن قورشاۋعا الادى. نەگىزگى كۇش اسكەري ءبولىمىن قورشاۋدان قورعاپ شىعارۋ ءۇشىن، 8 ايەل جاۋىنگەر ىرىقتىلىقپەن العا ۇمتىلىپ، جاۋدى وزدەرىنە بۇرادى. جاۋ الدىندا، ولار قايسارلىقپەن كۇرەس جاساپ، باس يمەيدى، سوڭىندا وقتارى تاۋسىلعان ولار ۇزحۇن وزەنىنە بىرگە سەكىرىپ، وتان ءۇشىن ەرلىكپەن قۇربان بولادى. ارتيس اۋ ديڭۋىن، تاريحي جاعدايدى اناعۇرلىم شىنايى بەينەلەۋ ءۇشىن، ارتيستەردىڭ بار كۇشىن سالعاندىعىن ايتا كەلىپ بىلاي دەدى: «كوپتەگەن حۇجاتتى فيلمدەردى، كىتاپتاردى، 8 باتىر قىزدىڭ وزەنگە سەكىرىپ قۇربان بولۋىن تاقىرىپ ەتكەن جاپون باسقىنشىلارىنا قارسى فيلمدەردى كورۋ ارقىلى، بىلىمدەرىمىزدى اناعۇرلىم تەرەڭدەتتىك، ۇزبەي جاتتىعىپ، سىناق جاساعانىمىزعا 3 تە 4 جىل بولدى، كوپشىلىككە ەڭ جاقسى بەينەمىزدى ايگىلەگىمىز كەلدى».ۇعىسۋعا قاراعاندا، «8 باتىر قىزدىڭ وزەنگە سەكىرىپ قۇربان بولۋى» اتتى بالەت ءبيى تەاترى 11-كەزەكتى جۇڭگو كوركەمونەر فەستيۆالىنىڭ ۋىنحۋا سيلىعىن العان، 2016-جىلعى مەملەكەتتىك كوركەمونەر قورىنىڭ قارجىلاي كومەكتەسكەن نىسانى بولعان، كەزىندە بەيجيڭ، شاڭحاي، شي-ءئان سياقتى بىرنەشە قالادا 60 نەشە رەت قويىلعان. لياۋنيڭ بالەت ءبي ۇيىرمەسىنىڭ باستىعى چۇي زىجياۋ بىلاي دەدى: «وسى 8 باتىر قىزدىڭ زور سۇيىسپەنشىلىگى جىرلاۋعا تاتيدى، اناعۇرلىم كوپ ادامعا وسى تاريحتاردى ۇعىندىرۋ كەرەك، وتە-موتە جاستاردىڭ ەسىنە وسى تاريحتى قالدىرۋ ءبىز سياقتى كوركەمونەر قىزمەتكەرلەرىنىڭ جاۋاپكەرلىگى جانە بورىشى بولماق».
ءان الەمى

جول توسىلىپ قالدى

تۇلپارىم