جاڭا حابارلار

قاشقار مەن حوتاننىڭ قالا اۋىلدارىنداعى ارتىق ەڭبەككۇشتەردى ۇيىمدى تۇردە باسقا جەرلەرگە كوشىرىپ جۇمىسقا ورنالاسىترۋ قىزمەتى ءساتتى جۇرگىزىلدى

    كەلۋ قاينارى: شينجياڭ حالىق راديو ىستانسياسى    2017-07-27 13:28:14  
ستانسيامىزدىڭ ءتىلشىسى دۇڭ جىيۇڭ، كۇنەس راديو ستانسياسىنىڭ ءتىلشىسى ءلاززات، بۋىرشىن راديو ستانسياسىنىڭ ءتىلشىسى لو ياڭشۋەلەردىڭ حابارىن تىڭداڭىزدار: بيىل اۆتونوميالى رايون «التى ءبىر توپ» باسقا سالادا كاسىپتەندىرۋ ارناسى ارقىلى، قاشقار مەن حوتاننىڭ قالا اۋىلدارىنداعى ارتىق ەڭبەككۇشتەردى اۋىل شارۋاشىلىعىنا جاتپايتىن سالالارعا اۋىستىرىپ كاسىپتەندىردى. قازىرگە دەيىن 24 مىڭ ادام ءساتتى كاسىپتەنىپ، شىت-جاڭا تۇرمىستى باستادى.
24-شىلدە تۇستەن بۇرىن، ءتىلشى ىلە بولات-تەمىر شەكتى جاۋاپكەرلىك سەرىكتەستىگىنىڭ بولات قورىتۋ زاۆوتىنىڭ قۇيما بولات سەحىنەن، يىڭسار اۋدانىنان كەلگەن ابدىقادىر سابىردىڭ ۇستازىنا ىلەسىپ، ءوندىرىس دايىندىق گرۋپپاسىندا زات تاسۋمەن ابىگەرلەنىپ، وندىرىستەن بۇرىنعى دايىندىق قىزمەتتەردى ىستەپ جاتقانىن كوردى. 20 كۇننىڭ الدىندا ابدىقادىر سابىر كۇنەس اۋدانىنداعى، قوس ءتىل، زاڭ-ءتۇزىم، العىس ايتۋ جانە زاۆوتتىڭ حاۋىپسىزدىك تاربيەسى سياقتى ۇيرەنۋدەن كەيىن، قازىر ول سۇيىق بولاتتى سوم بولاتقا اينالدىرۋ سياقتى ناقتى ىستەر ىستەۋ قابىلەتىن ارتتىرۋعا تىرىستى. ول: «وسى اراعا كىرۋدەن بۇرىن ەگىن ەگىپ، كىرىسىمىز ارتپادى، قازىر، اي سايىن ءبىر مىڭ 850 يۋان ەڭبەكاقى الامىن، زاۆوت باستىعى ءۇش ايدان كەيىن 4 مىڭ يۋانعا جوعارىلايتىنىن ايتتى، بۇل وتباسىمىزدىڭ تۇرمىس دەڭگەيىن بارىنشا جاقسارتادى»،-دەدى.
بيىل ساۋىردە، رايونىمىز قاشقار مەن حوتاننان ءۇش جىلدا 100 مىڭ ادامدى جۇمىسقا ورنالاستىرۋ جوسپارىن اتقارعاننان بەرى، جالپىلىق مەنشىككە جاتپايتىن كاسىپورىندارعا ءبىر توپ ادامدى جۇمىسقا ورنالاستىرۋمەن بىرگە، مەملەكەت مەنشىگىندەگى كاسىپورىندار، الەۋمەتتىك يگىلىك سيپاتىندىق ورىندارعا ەڭبەككۇشتەردى جوتكەدى. «التىنى ءبىر بەكىتۋ» سىندى باسقا سالادا كاسىپتەندىرۋ ءتاسىلىن قالىپتاستىردى. كاسىپورىنعا قاراي كاسىپ اۋىستىرۋدا قاجەتتى ۇزاق مەرزىمدىك كاسىپتىك تەحنيكالىق ۇيرەنۋمەن سالستىرعاندا، ورتانى قورعاۋ، جاسىلداندىرۋ سياقتى الەۋمەتتىك يگىلىك ورىندارىنداعى كاسىپ اۋىستىرۋدى جۇمىس ىزدەۋشىلەر ونان ارى وڭاي قابىلداي الادى.
ياركەن اۋدانى ەلشىحۇ قالاشىعىنداعى جۇمىس ىزدەۋشىلەردەن بۇحالشام قادىر ۇكىمەتتىڭ ۇيىمداستىرۋىندا، ساۋىردە بۋىرشىن اۋدانىنا بارىپ، 40 نەشە كۇن ۇيرەنۋ ارقىلى، اۋداندىق قالامشا بازاسىنىڭ جۇمىسشى-قىزمەتكەرىنە اينالىپ، قازىر اي سايىن 3 مىڭ يۋاندىق ەڭبەكاقىعا يە بولدى. ول:« قىزمەت ورنىنا بارعاننان كەيىن، وقىتۋشىلار بىزگە كوپ ءبىلىم ۇيرەتتى، ايتالىق ەگىمشىلىك، گۇل ءوسىرۋ سياقتىلار، سونىمەن بىرگە ولار بىزگە ەرەكشە قامقورلىق جاسادى، بۇدان بىلاي قىزمەتتى ءسوزسىز، جاقسى ىستەپ، وتباسىمىزداعىلار مەن دوس-جاراندارىمنىڭ ءۇمىتىن اقتايمىن»،-دەدى.
جۇمىس ىزدەۋشىلەردىڭ جاڭا قىزمەتكە اناعۇرلىم تەز ءارى جاقسى ۇيلەسۋىنە كەپىلدىك ەتىپ، جاڭا ورتاعا ونان ارى جاقسى توعىسۋى ءۇشىن، بۋىرشىن اۋدانى «ەنەرگيا مەن حانزۋ ءتىلى بىرىككەن » جۇمىس ورنىنا شىعۋدان بۇرىنعى ۇيرەنۋدى بارىنشا ورىستەتتى، ءارى ورتا تازالىعىن قورعاۋ، باۋ-باقشا كادرلارى مەن جۇمسشى-قىزمەتكەرلەرىن «ۇستاز شاكىرتىن جەتەكتەۋ» ۇلگىسىمەن جۇمىس ورنىنا شىعۋدان بۇرىنعى ۇيرەنۋگە جانە «بەتپە-بەت» سەرىكتەسىپ كومەكتەسۋگە شابىتتاندىرىپ، ولاردىڭ الدىنالا ءوز وبرازىن سومداۋىنا مۇمكىندىك جاراتتى. بۋىرشىن اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى كاسىپتىك تەحنيكالىق تۇراقتاندىرۋ ورتالىعىنىڭ مەڭگەرۋشىسى داۋلەتبەك قىزىربەك ۇلى: «ءبىز ولارعا جاڭا جاتاق جانە اسحانا ورنالاستىرىپ، جاتار ورىن تۇرار جاي، قىزمەت ىستەۋ سياقتى جاقتاردا ءبىر تۇتاس باسقارۋ ءتاسىلىن قولدانىپ، ءار كۇنى قىزمەتتەن تۇسكەننەن كەيىن جالعاستى قابىلەت ۇيرەنۋى مەن حانزۋ ءتىلى ۇيرەنۋىن جۇرگىزدىك، قازىر، كوپشىلىكتىڭ قىزمەت جونىندەگى ىنتاسى كۇشتى»،-دەدى.
كەزەكتە رايونىمىزدىڭ جەر-جەرى بەلسەنە ارەكەتتەندى، قاشقار، حوتان ەڭبەككۇش شىعارۋشى جەر رەتىندە ادامداردى اتتانىسقا كەلتىرۋ جانە العاشقى مەرزىمدىك تاربيەلەۋ قىزمەتىن شۇعىل ىستەپ، رايونىمىزداعى ەڭبەككۇش قابىلدايتىن ورىندار بارلىق ءادىس-امالدى قولدانىپ جاڭا كاسىپتەنۋ ورنىن شىعاردى ءارى كوپشىلىكتىڭ جاتار ورىن ىشەر اس، تۇرار ورنىنا كەپىلدىك ەتتى. 26-شىلدەگە دەيىن، قاشقارمەن حوتان ەكى جەردىڭ قالا-اۋىلداعى ارتىق ەڭبەككۇشتەرىنەن 24 مىڭ ادام باسقا سالادا كاسىپتەنۋگە ۇيىمداستىرىلدى. اۆتونوميالى رايوندىق الەۋمەتتىك كاسىپتەندىرۋگە قىزمەت وتەۋ مەكەمەسىنىڭ باستىعى پاريدا رايىم:« 20-تامىزدان بۇرىن، بارلىق 30 مىڭ ادامدى كاسىتپەندىرۋ مىندەتى ورىندالادى، ءبىزدىڭ كەلەسى كەزەكتەگى ءتۇيىندى قىزمەتىمىز باقىلاۋ-تەكسەرۋ جانە جەتەكشىلىك ەتۋ بولماق»،-دەدى.

بەرىپ كەت ورامالىڭدى

دوستار

الىستاعى اق ەركە