جاڭا حابارلار

اۆتونوميالى رايون 60 مىڭنان استام «قوس ءتىل» وقىتۋشىسىن قابىلدادى

    كەلۋ قاينارى: شينجياڭ حالىق راديو ىستانسياسى    2017-07-28 14:00:51  

ءتاڭىرتاۋ تورابىنىڭ حابارى: قالا مەن اۋىل-قىستاقتىڭ مىندەتتى وقۋ-اعارتۋىنىڭ تەپە-تەڭ دامۋىنا كەپىلدىك ەتىپ، اۋىل-قىستاقتىڭ نەگىزدىك وقۋ-اعارتۋىنىڭ ساپاسىن جوعارىلاتۋ ءۇشىن، وتكەن 5 جىلدا اۆتونوميالى رايون كوپ ءتۇرلى بەلگىلەمەنى جانە شارالاردى اتقارۋ ارقىلى تيانشاننىڭ وڭتۇستىگى مەن سولتۇستىگىندەگى اۋىل-قىستاق بالالار باقشالارىنا جانە ورتا-باستاۋىش مەكتەپتەرگە 60 مىڭنان استام «قوس ءتىل» وقىتۋشىسىن قابىلدادى.
ءتىلشىنىڭ اۆتونوميالى رايوندىق وقۋ-اعارتۋ مەڭگەرمەسىنەن ۇعىسۋىنشا، اۋىل-قىستاقتارداعى وقىتۋشى جەتىسپەۋ ماسەلەسىن شەشۋ ءۇشىن، وتكەن 5 جىلدا اۆتونوميالى رايون ورتا-باستاۋىش مەكتەپتەردىڭ جانە بالالار باقشالارىنىڭ وقىتۋشىلارىن ءبىر تۇتاس قىزمەتكە قابىلداۋ مەحانيزمىن ورناتقان؛ مەملەكەتتىڭ ەرەكشە قىزمەت ورنى جوسپارى مەن اۆتونوميالى رايوننىڭ «%5 تىك دارىندى زاپاس شتاتى جوسپارىن»، ادەتتەگى وقىتۋشىلاردى قابىلداۋ جوسپارىن قوسىپ اتقارىپ، اۋىل-قىستاق وقىتۋشىلارىن شتات شەكتەمەسىن بۇزۋ نەگىزىندە كوبەيتىپ قابىلداعان؛ مەملەكەتتىڭ پەداگوگيكا كاسىبى وقۋشىلارىن تەگىن وقىتۋ ۇلگىسىنە ساي، پەداگوگيكا كاسىبى وقۋشىلارىن تەگىن وقىتۋدىڭ ولكە دارەجەلى جوسپارىن بەلسەنە اتقارىپ، وقۋ بىتىرگەننەن كەيىن اۋىل-قىستاقتاعى مەكتەپتەرگە باعىتتامالى بارىپ وقىتۋشى بولۋ سياقتى ەرەكشە بەلگىلەمەلەردى شىعارىپ، وڭتۇستىك شينجياڭنىڭ 3 ايماق، ءبىر وبلىسىنداعى اۋىل-قىستاق بالالار باقشالارىن جانە ورتا-باستاۋىش مەكتەپتەردى ءتۇيىن ەتىپ، 61 مىڭ 400 اۋىل-قىستاق «قوس ءتىل» وقىتۋشىسىن قابىلداعان.
وقىتۋشىلاردىڭ قىزمەتكە قابىلدانعان جەرىندە تۇراقتاپ تۇرۋىنا نەگىز قالاۋ ءۇشىن، رايونىمىز تاعى كوپ ءتۇرلى شارالاردى شىعارىپ، اۋىل-قىستاق وقىتۋشىلار قوسىنىن «ورنىقتىردى». 2010-جىلدان بەرى، رايونىمىز قىزمەت ونىمدىلىگى ەڭبەكاقىسىن 3 رەت جوعارىلاتىپ، جاپالى، شەت-شەكارا-شالعاي وڭىرلەردىڭ جاردەماقىسىن 4 رەت جوعارىلاتىپ، تۇرعىن ءۇي الەۋمەتتىك قورى ولشەمىن كوتەردى، سونىمەن بىرگە اۋىل-قىستاق وقىتۋشىلارىنىڭ تۇرمىستىق كومەك قاراجات ساياساتىن اتقارىپ، بۇل رايونىمىزداعى 160 مىڭنان استام اۋىل-قىستاق وقىتۋشىلارىنا ادام باسىنا اي سايىن 200 يۋاننان اينالىپ، اۋىل-قىستاق وقىتۋشىلارىنىڭ كىرىس دەڭگەيىن جاپپاي جوعارىلاتتى.
ەرەكشە اتاپ وتۋگە تاتيتىنى، شارت-جاعدايى ءبىرشاما جاپالى وڭتۇستىك شينجياڭداعى 3 ايماق، ءبىر وبلىستىڭ 100 مىڭنان استام وقىتۋشىسىنا اۆتونوميالى رايون ادام باسىنا اي سايىن ەسەپتەن سىرت 200 يۋان تۇرمىستىق كومەك قاراجات قوسىپ بەردى ءارى وڭتۇستىك شينجياڭداعى قىزمەتكەرلەرگە ادام باسىنا جىل سايىن 8 مىڭ 400 يۋان قىزمەت كومەك قاراجاتىن تاراتىپ، وڭتۇستىك شينجياڭدا وقىتۋشى «قابىلداي الماۋ، قابىلداسا دا قالدىرا الماۋ» ماسەلەسىن شەشتى.


بەرىپ كەت ورامالىڭدى

دوستار

الىستاعى اق ەركە