باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭ ءوندىرىس قۇرىلىس بيڭتۋاننىڭ ءان-ءبي ۇيىرمەسى اكەلگەن «جورىق كەلبەتى» اتتى ءبي تەاترى شينجياڭ حالىق سارايىندا قويىلدى

    كەلۋ قاينارى: شينجياڭ حالىق راديو ىستانسياسى    2017-07-28 17:19:38  

ستانسيامىزدىڭ ءتىلىشىسى دۇڭ جىيۇڭنىڭ حابارىن تىڭداڭىزدار: 26-، 27-شىلدە ءۇرتىس ەكى كۇن، شينجياڭ ءوندىرىس قۇرىلىس بيڭتۋاننىڭ ءان-ءبي ۇيىرمەسى اكەلگەن «جورىق كەلبەتى» اتتى ءبي تەاترى شينجياڭ حالىق سارايىندا قويىلدى.
ادەمى شىراقتارمەن ارلەنگەن ساحنادان ارشىندى قادام ءۇنى كوتەرىلدى، مۇڭلى دا اسقاق مۋزيكا اۋەنىندە، تۇتاس ساۋىق كەشىنىڭ شىمىلدىعى «تىڭ يگەرۋشىلەر» اتتى بيمەن باستالدى. ەر بيشىلەر ۇستىلەرىنە سارى ءتۇستى اسكەري كيىم كيىپ، قولدارىنا تەسەلەرىن ۇستاپ، قۇم باسقان شولگە تەرىن توگىپ، تىڭ جەر يگەرگەن بەينەسى كوپتەگەن كورەرمەندى اسەرلەندىردى. كورەرمەن ۋاڭ دانني بىلاي دەدى: «ەرەكشە اسەرلەندىم، بارلىق الاپ كوز جەتكىسىز قۇبا ءشول، سول كەزدەگى ازاتتىق ارميا جورىققا اتتانىپ، كوپ جىلدان كەيىن، اسكەري كيىمدەرىن توپتىق شەشىپ، تىڭ يگەرۋگە قاتىناستى، ولاردىڭ قيىنشىلىقتى قالاي جەڭگەنىن راسىندا ويلاپ جەتۋ قيىن، ساحنادا قويىلعان ويىندى كورىپ، قازىرگى تۇرمىسىمىزدىڭ راسىندا وڭاي قولعا كەلمەگەنىن سەزدىم».

«جورىق كەلبەتى» اتتى ءبي تەاترىندە، سوڭعى جىلدان بەرگى بيڭتۋان ءان-ءبي ۇيىرمەسىنىڭ 14 تاڭاۋلى ءبي تۋىندىسىن ىرىكتەپ، «بيڭتۋاننىڭ ءبي تۋىندىلارى جيناعى» ەتىپ جاساۋ ارقىلى، بيڭتۋاننىڭ باسىپ وتكەن داڭقتى تاريحي بارىسىن ەسكە ءتۇسىرىپ، 60 نەشە جىلدان بەرى قول جەتكىزگەن شۇعىلالى تابىسىن كورسەتتى. بيڭتۋان ءان-بي ۇيرمەسىنىڭ ارتيسى لۋ ياڭ بىلاي دەدى: «بۇل تۋىندىدان ءبىر ءتۇرلى رۋحاني كۇشتى سەزىندىم. ءبىز كوركەمونەردى تاراتۋشىمىز، ساحناداعى كوركەمونەر ارقىلى ماڭىمىزداعى ادامدارعا اسەر ەتەمىز، ول ءوزىمىز ءۇشىن دە سىن، رۋحاني، كوركەمونەر دەڭگەيىمىزدى جوعارىلاتادى».
بيڭتۋان ءان-بي ۇيىرمەسىنىڭ ورىنباسار باستىعى جياڭ مي تىلشىگە، ءبىر ايدان ارتىق ۋاقىتتان بەرى، ارتيستەردىڭ دەرلىك 12 ساعاتتان ارتىق جاتتىققانىن، كوپشىلىكتىڭ ءبيى ارقىلى، بيڭتۋاندىقتاردىڭ كەلبەتىن كورەرمەندەرگە كورسەتكىسى كەلەتىنىن ايتا كەلىپ بىلاي دەدى: «وسىنداي تۇعىر ارقىلى، شينجياڭنىڭ ءىشى-سىرتىنداعىلارعا بيڭتۋاننىڭ باستاپقى كەزدە قانداي ەكەنىن، وسىزامانعى بيڭتۋاندىقتارعا ساقا جاۋىنگەرلەردىڭ رۋحىنا، بيڭتۋان رۋحىنا مۇراگەرلىك ەتۋ جانە ونى ساۋلەلەندىرۋ كەرەكتىگىن ۇعىندىرۋ كەرەك. سوندىقتان ءبىزدىڭ ءار ءبىر ءنومىرىمىز وڭ ەنەرگياعا تولى».

ءان الەمى

جول توسىلىپ قالدى

تۇلپارىم