باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

2017-جىلعى حالىقارالىق اسكەري جارىستىڭ دايىندىق جاعدايى تانىستىرىلدى

    كەلۋ قاينارى: شينجياڭ حالىق راديو ىستانسياسى    2017-07-28 17:38:08  

ستانسيامىزدىڭ ءتىلشىسى چيۋ جيننىڭ حابارىن تىڭداڭىزدار: 27-شىلدە تۇستەن كەيىن، جۇڭگو قۇرىلىق ارمياسى كورلا قالاسىندا اقپارات جاريالاۋ ءماجىلىسىن اشىپ، ۇستىنە الىپ وتكىزەتىن «2017-جىلعى حالىقارالىق اسكەري جارىستىڭ» دايىندىق جاعدايىن جۇڭگو مەن شەتەل اقپارات قۇرالدارىنا تانىستىردى، بۇل قۇرىلىق ارمياسىنىڭ باسشىلىق قۇرىلىمى قۇرىلعاننان بەرى، اقپارات جاريالاۋ ءماجىلىسىن تۇڭعىش رەت اشۋى.

اقپارات جاريالاۋ ءماجىلىسى اشىلعان جەردە، قۇرىلىق ارمياسى ساياسي قىزمەت ءبولىمى ۇگىت مەكەمەسىنىڭ ورىنباسار باستىعى، اقپارات مالىمدەمەشىسى، شاڭشياۋ تان يىڭشۋاي بىلاي دەپ تانىستىردى: ورتالىق اسكەري ىستەر كوميتەتىنىڭ بەكىتۋىمەن، رەسەيدەگى «2017-جىلعى حالىقارالىق اسكەري جارىستىڭ» جالپى تۇلعالىق جوباسى بويىنشا، جۇڭگو قۇرىلىق ارمياسى ۇستىنە العان جارىس 30-شىلدەدەن 12-تامىزعا دەيىن شينجياڭنىڭ كورلاسى، جيليننىڭ چاڭچۇنى جانە حۋبيدىڭ گۋاڭشۇيى سياقتى 3 جەردە ءبىر ۋاقىتتا باستالادى. بۇل ارميامىزدىڭ امبەباپ سيپاتتى حالىقارالىق اسكەري جارىستى تۇڭعىش رەت ۇستىنە الۋى. قۇرىلىق ارمياسى كورلاداعى جاتتىعۋ بازاسىندا، «سۋبوروۆ تۇتقيىل شابۋىل جاساۋ» اتىنداعى جاياۋ اسكەرلەردىڭ سوعىس اۆتوموبيلى گرۋپپاسى، «ارايلى اسپان» اتىنداعى اۋە شابۋىلىنان ساقتاناتىن باسقارىلمالى بومبى اسكەرى، «حاۋىپسىز ورتا » اتىنداعى يادرو بيو-حيميا بارلاۋ-تەكسەرۋ گرۋپپاسى جانە «اسكەري جابدىق شەبەرى» اتىنداعى قارۋ-جاراق جوندەۋ سياقتى 4 جارىستى ۇستىنە الىپ، 14 كەزەك جارىستى ۇيىمداستىرادى، كورلا جارىس رايونىندا، جيىنى 10 ەلدەن كەلگەن 23 كوماندانىڭ 477 مۇشەسى جارىسقا قاتىناسادى. تان يىڭشۋاي بىلاي دەدى: «جارىس وتكىزىلگەن كەزدە، مادەنيەت جاعىندا اۋىس-كۇيىس جاساۋ، جابدىقتاردى ەكسكورسيالاۋ سياقتى قيمىلدار ارالاس وتكىزىلىپ، جارىسقا قاتىناسقان ءار قايسى ەلدىڭ ۇلتتىق ەرەكشەلىككە يە مادەنيەت ونىمدەرى، جۇڭگو قۇرىلىق ارمياسىنىڭ ءىشىنارا باستى شايقاسقا پايدالانىلاتىن قارۋ-جاراق جابدىقتارى كورسەتىلەدى. حالىقارالىق اسكەري جارىستىڭ جالپى بارىسى جۇڭگو مەن شەتەل اقپارات قۇرالدارىنا جانە جەرگىلىكتى بۇقاراعا اشىق كورسەتىلەدى، وسى رەتكى جارىستى كورەتىندەر مەجەمەن 30 مىڭ ادام رەتكە جەتەدى».

ۇعىسۋعا قاراعاندا، ەلىمىزدىڭ قۇرىلىق ارمياسى 2014-جىلدان بەرى حالىقارالىق اسكەري جارىسقا قاتىناسۋعا ءۇرتىس 3 جىل ۇسىنىس ەتىلگەن، وسى رەت جارىستى وتكىزۋدى تۇڭعىش رەت ۇستىنە الۋى. وسى رەتكى جارىس ورنىنا نە ءۇشىن كورلانىڭ تاڭدالعانى جونىندە، شاڭشياۋ تان يىڭشۋاي بىلاي دەدى: «شينجياڭ جاقسى جەر! جارىس ورىندارىن تەكسەرگەندە، قۇرىلىق ارمياسىنا قاراستى كولەمدى امبەباپ جاتتىعۋ الاڭدارىنىڭ ىشىندە، كورلا جاتتىعۋ الاڭى جەر بەدەرى، جەر جاعدايى، قۇرىلعى جابدىعى جاعىندا جارىستى وتكىزۋ تالابىنا نەداۋىر ۇيلەستى، بۇل جەردىڭ جارىسقا قاتىناسقان بارلىق كوماندا مۇشەلەرىنە ەستەن كەتپەس تاماشا ەلەس قالدىراتىندىعىنا سەنىمىم كامىل».

ءان الەمى

جول توسىلىپ قالدى

تۇلپارىم