باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جاڭا داۋىردەگى ارميانى قۇدىرەتتەندىرۋ مارىشىن اسقاقتاتا شىرقايىق

    كەلۋ قاينارى: حالىق تورابى    2017-07-28 18:29:51  

ــ جۇڭگو حالىق ازاتتىق ارمياسى قۇرىلعانىنىڭ 90 جىلدىعىنا وراي

19 - شىلدەدە بەيجيڭدەگى «1 - تامىز» عيماراتىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري ىستەر عىلىم اكادەمياسىنا، مەملەكەت قورعانىسى ۋنيۆەرسيتەتىنە، مەملەكەت قورعانىسى عىلىم - تەحنيكا ۋنيۆەرسيتەتىنە ارميا تۋىن تابىستادى، ءتالىم ايتتى، تۇتاس الاڭداعى كوماندير - جاۋىنگەرلەر ارميا تۋىنا قۇرمەت ءبىلدىردى.
اسكەري ىستەر عىلىم اكادەمياسىن، مەملەكەت قورعانىسى ۋنيۆەرسيتەتىن، مەملەكەت قورعانىسى عىلىم - تەحنيكا ۋنيۆەرسيتەتىن جاڭادان رەتتەپ قۇرۋ ــ پارتيا ورتالىق كوميتەتى مەن ورتالىق اسكەري ىستەر كوميتەتىنىڭ جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋدى كوزدەپ شىعارعان كەلەلى شاراسى، ارميانى رەفورمامەن قۇدىرەتتەندىرۋدى ىلگەرىلەتۋدەگى، ارميامىزدىڭ جاڭاشا اسكەري دارىندىلارىن باۋلۋ جۇيەسى مەن اسكەري ىستەر عىلمي زەرتتەۋ جۇيەسىن ورناتۋداعى ستراتەگيالىق شاراسى، بۇل مەملەكەت قورعانىسى مەن ارميانىڭ وسىزاماندانۋىن جەدەل ىلگەرىلەتۋدە، ارميامىزدى دۇنيە جۇزىندەگى بىرەگەي ارميا ەتىپ قۇرىپ شىعۋدا كەلەلى ءارى تەرەڭ ىقپال تۋدىرادى.
90 جىلدا جاپا – ماشاقاتقا تولى تاريحتى ارتقا تاستاپ، قايراتتانا العا ۇمتىلدى، بۇگىنگى حالىق ارمياسى وسىزاماندانۋ دەڭگەيىن بارىنشا جوعارىلاتىپ، مەملەكەت قورعانىسى مەن ارميا قۇرىلىسىندا جاڭا تاريحي باستاماعا قادام قويدى.
جاپا – ماشاقاتتى جولداردى باسىپ وتكەن جەڭىمپاز ارميا جاڭا جاعدايدا قايتكەندە الماس قانجارلىق، ۇستەمدىك قاسيەتىن ساقتاي الادى؟ بۇل ــ حالىق ارمياسى جاۋاپ قايتارۋعا ءتيىستى داۋىرلىك سۇراق.
قالىڭ قوسىننىڭ ءبىر جەتەكشىسى بولادى. تاريح پەن ءداۋىردىڭ بيىك تۇرعىسىنان ءتوراعا شي جينپيڭ مىنانى ايقىن ورتاعا قويدى: پارتيانىڭ سوزىنە قۇلاق اسىپ، جەڭىسپەن شايقاس جۇرگىزەتىن، ستيلى جاقسى حالىق ارمياسىن قۇرۋ ــ پارتيانىڭ جاڭا جاعدايداعى ارميانى قۇدىرەتتەندىرۋ نىساناسى. تاريح پاراعىنا جازىلعان ورتالىق اسكەري ىستەر كوميتەتىنىڭ رەفورما قىزمەت ماجىلىسىندە ءتوراعا شي جينپيڭ ارميانى رەفورمامەن قۇدىرەتتەندىرۋ نىساناسىن جاپپاي اتقارىپ، ارميانى قۇدىرەتتەندىرۋدىڭ جۇڭگوشا جولىمەن بۇلجىماي ءجۇرۋ جونىندە ۇلى ۇندەۋ تاستادى.
پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن ايقىن ورتاعا قويعاننان گۋتيانداعى بۇكىل ارميانىڭ ساياسي قىزمەت ءماجىلىسىن باسشىلىق ەتىپ اشىپ، جاڭا جاعدايداعى ارميانى ساياسيمەن قۇرۋ تاكتيكاسىن تۇراقتاندىرعانعا دەيىن؛ جاڭا جاعدايداعى ارميانى رەفورمامەن قۇدىرەتتەندىرۋ تاكتيكاسىن باستاماشىلىقپەن بەلگىلەۋدەن ارميانى زاڭمەن باسقارۋدى، ارميانى قاتاڭ باسقارۋدى ىشكەرىلەي جۇرگىزۋگە دەيىن ... پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى مەن ورتالىق اسكەري ىستەر كوميتەتى ارميانى توڭكەرىستەندىرۋ، وسىزامانداندىرۋ، جۇيەلىلەندىرۋ قۇرىلىسىن ءبىر تۇتاس ورنالاستىرىپ، ارميانى ساياسيمەن قۇرۋ، رەفورمامەن قۇدىرەتتەندىرۋ، زاڭمەن باسقارۋ، عىلىم – تەحنيكامەن گۇلدەندىرۋ، شايقاسقا ساقاداي سايلانۋ، ارميا مەن حالىقتى توعىستىرۋ سياقتى ستراتەگيالىق شارالاردى بەلگىلەپ، ماركسيزمدىك اسكەري ىستەر نازارياسى مەن قازىرگى زامانعى جۇڭگونىڭ اسكەري امالياتى دامۋىنىڭ تىڭ ءورىسىن اشتى.
جاھانداعى ءىرى ىستەرگە مۇقيات دايىندىق بولۋ كەرەك. ءتوراعا شي جينپيڭنىڭ، ورتالىق اسكەري ىستەر كوميتەتىنىڭ پارمەندى باسشىلىعىندا بۇكىل ارمياداعى كوماندير – جاۋىنگەرلەر مۇقيات ۇيىمداستىرۋ، ورنىعىپ الىپ سىلەيتە سوققىلاۋ، تايعا تاڭبا باسقانداي ناتيجە جاراتۋ، جۇرگەن جەرىندە ايقىن ءىز قالدىرۋ رۋحىن ساۋلەلەندىرىپ، مەملەكەت قورعانىسى مەن ارميا رەفورماسى سىندى ۇلى شايقاستى باتىلدىقپەن، جەڭىسپەن ىشكەرىلەي جۇرگىزىپ، ءداۋىردىڭ سىنىنا بەرەتىن جاۋابىمىزدى ءىرى ەلدىڭ اسكەري قوسىنىنا ءتان كۇش – قۋات كوورديناتاسىنا، تىنباي العا باسۋ جورىق جولىنا جازىپ قالدىرۋى كەرەك!

ءان الەمى

جول توسىلىپ قالدى

تۇلپارىم