باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جاراسىمدىلىق پەن باقىت بەينەلەنگەن شيزاڭنىڭ «كۇنىكەي قىز» اتتى كولەمدى ۇلتتىق ءبي تەاترى حالىقارالىق ۇلتتىق ءبي مەرەكەسىندە ورىندالدى

    كەلۋ قاينارى: شينجياڭ حالىق راديو ىستانسياسى    2017-07-29 19:15:08  
ستانسيامىزدىڭ ءتىلشىسى دۇڭ جىيۇڭنىڭ حابارىن تىڭداڭىزدار: 28-شىلدە شيزاڭ اۆتونوميالى رايوندىق ءان-بي ۇيىرمەسى اكەلگەن «كۇنىكەي قىز » اتتى ءبي تەاترى شينجياڭ حالىق سارايىندا قويىلىپ، بارلىق كورەرمەننىڭ تاماشا باعاسىنا يە بولدى.
«كۇنىكەي قىز» اتتى ءبي تەاترىندا باسىبايلى ديقاننىڭ قىزى جومانىڭ ەسەيىپ-ەرجەتۋ بارىسى ارقىلى شيزاڭنىڭ قارا تۇنەكتەن جارىققا، مەشەۋلىكتەن العا باسۋعا، توماعا-تۇيىقتىقتان ەسىك اشۋعا، كەدەيلىكتەن اۋقاتتانۋعا بەتالعان شۇعىلالى بارىسى كورسەتىلدى. كورەرمەندەر بىلاي دەستى: «مۇندا شيزاڭنىڭ تاريحى ايتىلعانىمەن، الايدا كوپشىلىكتىڭ تەڭدىكتى كوكسەگەن تىلەگى ۇقساس، داۋىرلىك تىنىسى وتە قويۋ ەكەن. 18-ارميانىڭ ساقا جاۋىنگەرلەرى شيزاڭدى ازات ەتۋ ءۇشىن سونشاما كوپ بوداۋ بەردى، شينجياڭنىڭ ساقا توڭكەرىسشىلەرى دە ۇقساس جاستىق كوكتەمىن بولاشاق ۇرپاققا ارنادى. شيزاڭنىڭ، شينجياڭنىڭ دامۋى بارعان سايىن جاقسارۋدا، تۇرمىسىمىزدىڭ دا بارعان سايىن جاقسارا ءتۇسۋىن ءۇمىت ەتەمىز».
ءبي تەاترىنداعى ەزىپ-قاناعان كورىنىستەر كىسىنى بيلەۋشى تاپقا ولەردەي وشىكتىرەدى، بەيبىت جولمەن ازات بولىپ، باسىبايلى ديقانداردىڭ ەڭسە كوتەرىپ، ءوز-وزىنە قوجا بولعان بەينەسى كىسىنى شاتتىققا شومدىرادى؛ ال ازاتتىق ارميا جاۋىنگەرى شى ايمين مەن زاڭزۋ بۇقاراسى جومانىڭ شىنايى ماحابباتى كىسىنى ءتاتتى سەزىمگە بولەيدى. ءبي تەاترىنداعى شى ايميننىڭ رولىن سومداعان شى رىنچي بىلاي دەدى: «شيزاڭعا كومەكتەسۋ بارىسىندا بولسىن، الدە ۇيلەنگەن كۇنى تۇندە جۇكتەرىن كوتەرىپ ساپارعا اتتانۋى بولسىن، ونىڭ بەينەلەگەنى زور سۇيىسپەنشىلىك، وسكەلەڭ رۋح، ماعان ەڭ اسەر ەتكەنى وسى، سوندىقتان مەن دە وسى تەاتر ارقىلى ونى رۋحىما ءسىڭىرىپ، اناعۇرلىم كوپ كورەرمەنگە جەتكىزۋدى ويلادىم».
ويىن اياقتاعاننان كەيىن، كورەرمەندەر كوپكە دەيىن تاراماي، قىزۋ شاپالاق سوقتى. شيزاڭ ءان-بي ۇيىرمەسىنىڭ باستىعى دان زىڭ بىلاي دەدى: «مادەنيەت ءبىر-بىرىمەن تۇتاسقان، ەڭ ماڭىزدىسى مادەنيەت ۇلت ارا سۇيىسپەنشىلىكتى جەتكىزەتىن وتە تاماشا تۇعىر. سوندىقتان وسى رەت شيزاڭ ءان-ءبي ۇيىرمەسى ءبي مەرەكەسىنە قاتىناسقاننان كەيىن، شينجياڭ حالقىنىڭ جۇڭحۋا ۇلتىنا دەگەن مۇراتتاستىعىن شىنايى سەزىندى».
ءان الەمى

جول توسىلىپ قالدى

تۇلپارىم