باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

«ماڭگىلىك جاۋىنگەرلىك قاسيەت» اتىنداعى جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن اتاپ ءوتۋدى تاقىرىپ ەتكەن سيمفونيالىق مۋزيكا كەشى ۇرىمجىدە ءوتتى

    كەلۋ قاينارى: شينجياڭ حالىق راديو ىستانسياسى    2017-07-30 20:13:51  

ستانسيامىزدىڭ تىلشىلەرى لي لۇڭ مەن ياڭ جيانچياۋدىڭ حابارىن تىڭداڭىزدار: اۆتونوميالى رايوندىق پارتكومنىڭ ۇگىت ءبولىمى مەن اۆتونوميالى رايوندىق مادەنيەت مەڭگەرمەسى ۇستىنە الىپ وتكىزگەن «ماڭگىلىك جاۋىنگەرلىك قاسيەت» اتىنداعى جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن اتاپ ءوتۋدى باستى تاقىرىپ ەتكەن سيمفونيالىق مۋزيكا كەشى كەشە كەشتە ۇرىمجىدە ءوتتى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى مانەن زەينەل ۇلى، اۆتونوميالى رايوندىق ساياسي كەڭەستىڭ ورىنباسار ءتوراعاسى رىزۋان ابەي، شينجياڭ اسكەري رايونىنىڭ ورىنباسار ساياسي كوميسسارى حان بيڭچىڭ مۋزيكا كەشىنە قاتىناستى.


وسى رەتكى مۋزيكا كەشى حالىق ارمياسىنىڭ پارتياعا ادال بولۋىن باستى تاقىرىپ ەتىپ، «لاۋلاعان وت جۇلدىز ۇشقىنى»، «قىزىلتۋ جەلبىرەدى»، «پارتياعا ادال بولۋ» سىندى ءۇش بولىمگە ءبولىندى، ءبىرىنشى بولىمىندە «ماۋ مۇشە بىزبەن بىرگە»، «ۇزاق جورىق اندەرى ــ دادۋحى وزەنىنەن ءوتىپ، قارلى تاۋ، سازدىقتى باسىپ كەزدەسۋ» سياقتى جىگەرلى كلاسسيىك مۋزيكالار ورىندالدى. ەكىنشى بولىمىندە سكيرپكامەن ورىندالعان «حۋاڭحى» مۋزيكاسى، «جياڭ اپەكە» وپەراسى، «ۋيحۋشان تاۋىن اقىلمەن الۋ» وسىزامان بەيجيڭ تەاترى بار. ءتۇرلى فورماداعى كوركەمونەر ارقىلى 90 جىلدان بەرگى حالىق ارمياسىنىڭ پارتيانىڭ باسشىلىعىندا جەر توڭكەرىسىن، جاپونعا قارسى سوعىستى جانە ازاتتىق سوعىسىن باستان وتكىزىپ، ۇلتتىق دەربەستىك پەن حالىق ازاتتىعىن جۇزەگە اسىرۋدا قول جەتكىزگەن شۇعىلالى ناتيجەسى باياندالدى. شينجياڭ پيلحارمونيك مۋزيكا ۇيىرمەسىنىڭ دريجورى گۋان ۋىنرۇڭ بىلاي دەدى: مۋزيكالاردى ورنالاستىرۋدا دا ۇزدىكسىز سارالاۋ جۇرگىزدىك، ەڭ جاقسى نومەردى ءبىزدىڭ ەڭ سۇيىكتى ادامدارىمىز، حالىقتىڭ پەرزەنت اسكەرلەرىنە ۇسىنۋعا كۇش سالدىق.

مۋزيكا كەشىنىڭ ءۇشىنشى بولىمىندە، باس شۋجي شي جينپيڭ العا قويعان جۇڭگو ارمانى، ارميانى قۇدىرەتتەندىرۋ ۇلى ارمانى شوعىرلى بەينەلەنىپ، حالىق ارمياسىنىڭ پارتياعا ادال بولۋ، حالىق ارمياسىنىڭ حالىق ءۇشىن قىزمەت ەتۋ ماڭگىلىك نەگىزگى اۋەنى جىرلاندى. مۇندا «ارميانى قۇدىرەتتەندىرۋ جاۋىنگەرلىك ءانى»، سونداي-اق «قۇرمەت» اتتى ولەڭ مۋزيكامەن ارلەنىپ وقىلىپ، مۋزيكا كەشىن جوعارى ورلەۋگە كوتەرىپ، تۇتاس رايونىمىزداعى ءار ۇلت اسكەرلەرى مەن بۇقاراسىنىڭ بورىشىن ەستە بەرىك ساقتاپ، اۋىر جۇك ارقالاپ، ىنتىماقتاسا العا باسىپ، شينجياڭنىڭ قوعام ورنىقتىلعى مەن باياندى تىنىشتىق باس نىساناسىن امالياتتا ايگىلەۋگە كۇش سالۋ بەكىمى مەن سەنىمى ايگىلەندى. سكريپكاشى يۋان جيە بىلاي دەدى: ۇزاق ۋاقىتتان بەرى، وتانىمىزدىڭ قۇدىرەتتەنگەنىنە، اسىرەسە حالىق ازاتتىق ارمياسىنىڭ ءبىزدىڭ قالقانىمىز بولعانىنا، ەلىمىزدىڭ كۇش-قۋاتىنىڭ بارعان سايىن نىعايعانىنا كۋا بولدىق. سوندىقتان دا ءبىز شىن جۇرەگىمىزبەن ازاتتىق ارميا وفيتسەرلەرى مەن اسكەرلەرىنە تارتىمدى ويىن نومەرىن قويۋدى ويلادىق.
شينجياڭ اسكەري رايونى، حالىقتىق قارۋلى ساقشى شينجياڭ باس اترەتى، اۋە ارمياسىنىڭ ۇرىمجىدەگى بازاسى، حالىقتىق قارۋلى ساقشى ورمان باس اترەتى جانە حالىقتىق قارۋلى ساقشى قاتىناس-تاسىمال 2-باس اترەتىندەگى وفيتسەلەر مەن اسكەرلەردەن، قاھارمان ۇلگىلەردىڭ ۋاكىلدەرىنەن جانە ءۇرىمجى قالاسىنداعى نەگىزگى ساتى الەۋمەتتىك اۋماق كادرلارى مەن بۇقاراسىنىڭ ۋاكىلدەرىنەن ءبىر مىڭنان ارتىق ادام ويىندى كوردى.

ءان الەمى

جول توسىلىپ قالدى

تۇلپارىم