جاڭا حابارلار

توراپتا تاپسىرىس بەرىلەتىن اۆتوموبيلدەر سىرتقا شىعۋعا قولايلىلىقتار اكەلدى

    كەلۋ قاينارى: شينجياڭ حالىق راديو ىستانسياسى    2017-07-31 18:14:42  
ستانسيامىزدىڭ ءتىلشىسى ياڭ جيانچياۋ مەن پراكتيكانت جيە جىنىڭ حابارىن تىڭداڭىزدار: توراپتا تاپسىرىس بەرىلەتىن اۆتوموبيلدەردىڭ كوبەيۋىنە بايلانىستى، بۇگىنگى كۇندە اناعۇرلىم كوپ ادام قول تەلەفون جۇمساق بولشەگى ارقىلى توراپ تاپسىرىسىندىق اۆتوموبيلىن شاقىرتىپ، سىرتقا شىعۋى اناعۇرلىم قولايلى بولىپ، شىلىڭگىر ىستىقتا اۆتوموبيل كۇتۋ قيىنشىلىعىنان قۇتىلدى.
تۇستەن كەيىن ساعات تورتتەن اسقاندا، سىرتقا شىعىپ جۇمىس بىتىرمەك بولعان ءۇرىمجى قالاسىنىڭ تۇرعىنى پىڭ چاۋ قول تەلەفونىمەن توراپتاعى تاپسىرىستىق اۆتوموبيلەردىڭ ورنىنا نازار اۋداردى. وسى كەزدە سىرتتىڭ تەمپەراتۋراسى 40 سەلتسي گرادۋسقا تاياعان ەدى، ول اۋەلگىسىندەي اۋا رەتتەگىشى بار كەڭسەدە وتىرىپ، توراپتا تاپسىرىس بەرگەن اۆتوموبيلىن كۇتتى. ول: «وسى اۆتوموبيل شاقىرتۋ جۇمساق بولشەگى شىعۋدان بۇرىن، جول شەتىندە جارىم ساعاتتان 40 مينۋتقا دەيىن اۆتوموبيل كۇتۋگە تۋرا كەلەتىن. كەيبىر شەت، شالعاي جەردە كىرە اۆتوموبيلى ەرەسەن از، ۇلكەن كوشەلەردەن عانا تابىلادى»،-دەدى.
لي مىڭچي زات ساتۋ قىزمەتىمەن شۇعىلدانىپ، ۇزاق جىلدان بەرى ايروپلانمەن وڭتۇستىك جانە سولتۇستىك شينجياڭعا ءىس ساپارمەن باراتىن، ول جولاۋشى اتتاندىرۋ جانە قابىلداۋ قاجەتىنە بايلانىستى جەر-جەردەگى قالىڭ قوناق ۇيلەر بەرگەن كىرە اۆتوموبيل سەرىكتەستىكتەرىنىڭ نەمەسە جولاۋشى اتتاندىرۋشىلاردىڭ تانىسقىلارىن جيناعان بولاتىن. ول: «كەيبىر اۆتوموبيل يەلەرى توسىننان بىرەر جاعدايعا ۇشىراسا، ءبىزدىڭ جۇمىسمىزعا دا ىقپال ەتەدى. ءبىر تانىسقىمەن اۆتوموبيل يەسىمەن كەيدە حابارلاسا الماي قالامىز»،-دەدى.
بۇگىنگى كۇندە لي مىڭچيدىڭ قولىنداعى الۋان ءتۇرلى تانسىقىلاردىڭ ورنىن قول تەلەفونىنداعى ءتۇرلى اۆتوموبيل شاقىرتۋ جۇمساق بولشەگى يەلەدى. كۇندەلىكتى قالادا پايدالانىلاتىن «دي-دي ساپارى»، «ي-داۋ» سياقتى اۆتوموبيل شاقىرتۋ جۇمساق بولشەكتەرىنەن تىس، ارناۋلى جوعارى دەڭگەيدە قىزمەت وتەيتىن «شىنجوۋ ارناۋلى اۆتوموبيلىنىڭ» ارقاسىندا لي مىڭچي ەندىگارى تاڭ سارىدە اۋەجايعا قالاي جەتۋدەن الاڭدامايتىن بولدى.
قازىر شينجياڭنىڭ كوپتەگەن قالالارىندا قول تەلەفون جۇمساق بولشەگى ارقىلى اۆتوموبيلدەردىڭ جولاۋشى قابىلداۋ، اتتاندىرۋ قىزمەتىنەن يگىلىكتەنۋگە بولادى. جۇمساق بولشەك يقۋاتىنىڭ كەمەلدەنۋى، ۋاكىلدىك رەتىندە اۆتوموبيل جۇرگىزۋ، جول-جونەكەي جەتكىزۋ جانە اۆتوموبيلدى جالعا بەرۋ قىزمەتىن وتەۋ دە توراپتا تاپسىرىس بەرۋ جۇمساق بولشەگىنەن ورىن الدى. ءۇرىمجى قالاسىنىڭ تۇرعىنى جاڭ جىنحاي بىلاي دەدى: «جىلجىمالى اقى ەسەپتەۋ ءتاسىلى، دەرەۋ كەلەتىن الدىن الا كەلىسۋ ۇلگىسى، سونداي-اق بىرتىندەپ ارتقان تاپسىرىس اۆتوموبيل سانىنان، توراپتا تاپسىرىس قابىلدايتىن اۆتوموبيلدەر جولاۋشىلاردىڭ سىرتقا شىعۋىنداعى نەگىزگى تالعامعا اينالدى. ۋاقىتىما ساي يكەمدى پايدالانا الامىن، بۇل وڭىرلىك جانە ۋاقىت شەكتەمەسىنە ۇشىرامايدى. مۇنىڭ اقىسى كوشەدەگى كىرە اۆتوموبيلىنەن كوپ پارىقتالمايدى، بۇل ءبىزدىڭ تۇرمىس داعدىمىزدى وزگەرتىپ، اناعۇرلىم زور قولايلىلىق ءارى جوعارى ونىمدىلىك اكەلدى»،-دەدى.

بەرىپ كەت ورامالىڭدى

دوستار

الىستاعى اق ەركە