باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

    كەلۋ قاينارى: شينجياڭ گازەتى    2017-07-31 19:39:53  

ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جانە لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي كونسەرتتى تاماشالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» 28 - شىلدە كەشتە بەيجيڭ حالىق سارايىندا قويىلدى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جانە لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قاتارلى پارتيا مەن مەملەكەت باسشىلارى استانانىڭ ءار سالا جۇرتشىلىعىنان 3000نان استام اداممەن بىرگە كونسەرتتى تاماشالادى. (شينحۋا اگەنتتىگى)

 شينحۋا اگەنتتىگىنىڭ 28 - شىلدەدە بەيجيڭنەن بەرگەن حابارى. ايبىندى ەپوس ىستىق قانمەن، ءوزىن ارناۋ رۋحىمەن جازىلادى، ادالدىق پەن سەنىم شۇعىلالى ساپارعا جەتەلەيدى. جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» 28 - شىلدە كەشتە بەيجيڭ حالىق سارايىندا قويىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جانە لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قاتارلى پارتيا مەن مەملەكەت باسشىلارى استانانىڭ ءار سالا جۇرتشىلىعىنان 3000نان استام اداممەن بىرگە كونسەرتتى تاماشالادى.   حالىق سارايىنىڭ 10 مىڭ ادامدىق ۇلكەن زالى ايبىندى شۇعىلاعا شومدى، 2 - قاباتتاعى بالكونعا: «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، اۋەلگى ماقساتتى ۇمىتپاي، ۇدەرە العا تارتىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جۇزەگە اسىرۋ، حالىق ازاتتىق ارمياسىن الەمدىك بىرەگەي ارميا ەتىپ قۇرىپ شىعۋ، قوس 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جۇرگىزەيىك!» دەگەن كەرمە تۋ ءىلىندى. ساحنانىڭ ورتاسىندا اسەم ساۋلەلەر ايبىندى ۇلى قورعانعا توگىلىپ، جاۋىنگەرلەردىڭ تۋدى بيىك ۇستاپ، ەرلەنە ورگە ۇمتىلعان توپتىق كەسكىنى جاندى بەينەدە كوزگە وتتاي باسىلدى. ساحنانىڭ ەكى جاعىنا جارقىراعان «1 - تامىز وردەنى» قويىلدى، «1927 − 2017» دەگەن قىزىل جازۋ جۇڭگو حالىق ازاتتىق ارمياسىنىڭ 90 جىلدىق بوران - شاشىندى ساپارىن مەڭزەپ تۇر.
  ساعات 19دان 55 مينۋت وتكەندە، قوناق قارسى الۋدىڭ ويناقى مۋزيكاسى ورىندالىپ، شي جينپيڭ باستاعان باسشى جولداستار زالعا كىرىپ، قارت جاۋىنگەرلەردىڭ، قارت جولداستاردىڭ ۋاكىلدەرىمەن جانە «1 - تامىز وردەنىنىڭ» يەگەرلەرىمەن ىقىلاسپەن قول الىسىپ، ولارعا وسكەلەڭ قۇرمەت ءبىلدىردى، زالدان دۋ قول شاپالاق ءۇنى كوتەرىلدى.
  «العا، العا، العا! ءبىزدىڭ قوسىن نۇر شۇعىلانى بەتكە الدى، ۇلى وتاننىڭ بايتاق دالاسىندا اياعىمىزدى نىق باستىق، ۇلت ءۇمىتىن ارقالاعان بىزدەر جەڭىلمەس كۇشپىز...» جۇڭگو حالىق ازاتتىق ارمياسىنىڭ ەكپىندى اسكەري مارشى كونسەرت شىمىلدىعىن اشىپ، مىزعىماس جاۋىنگەرلىك رۋحتى، ارميانى قۇدىرەتتەندىرۋ ارمانىن جىرلادى.
  90 جىلدىق شۇعىلالى كەزەڭ، 90 جىل جىگەرلى ساپار. كونسەرت 4 ءبولىم بويىنشا حالىق ارمياسىنىڭ پارتيا تۋىنىڭ جەتەكشىلىگىندە، كىشكەنەدەن ۇلعايىپ، السىزدەن كۇشەيگەن، جەڭىستەن - جەڭىسكە ۇمتىلعان شۇعىلالى ساپارىن بەينەلەدى.
  كورىنىستىك حور «ينتەرناتسيونال ءانى» كونسەرتتىڭ «رۋح سومداۋ . قىزىل ارميانىڭ نەگىز قالاۋى» اتتى 1 - ءبولىمىنىڭ شىمىلدىعىن اشتى، «1 - تامىز كوتەرىلىسى»، «شي جياڭيۋە . جيڭگاڭشان»، «3 ۇلكەن ءتارتىپ، 8 ساقتىق»، «توڭكەرىستىك مۇرات بارىنەن بيىك . كەزدەسۋ» سياقتى باستاپ ايتىلعان، حورمەن ايتىلعان جانە كورىنىستىك قويىلىم قوسىلعان اندەر جاس جۇڭگو كوممۋنيستىك پارتياسىنىڭ سەلدەي اققان قان ىشىندە قايسارلانا بوي كوتەرىپ، «اۋىل - قىستاق ارقىلى قالانى قورشاۋ، بيلىكتى قارۋلى كۇشپەن تارتىپ الۋ» سىندى توڭكەرىستىك جول اشقانىن قايتالاي كورسەتتى. «قان كەشۋ . ۇلتتىڭ ءۇمىتىن ارقالاۋ» اتتى 2 - بولىمدە كورىنىستىك حور «كۇركىرە، حۋاڭحى»، كورىنىستىك ءبي «8 قىزدىڭ دارياعا سەكىرۋى»، «يان - ان جىرى . جاۋدىڭ ارتقى شەبىنە بارۋ»، «ۇڭگىر سوعىسى . ءتوراعا ماۋ زىدۇڭنىڭ ءسوزىن جۇرەكتە ساقتايمىز»، «7 بۋىندى ولەڭ . حالىق ازاتتىق ارمياسىنىڭ نانجيڭدى باسىپ الۋى» سياقتى باستاپ ايتىلعان، حورمەن ايتىلعان جانە كورىنىستىك قويىلىم قوسىلعان اندەر جۇرتتىڭ كوز الدىنا سوعىس ءورتى لاۋلاعان جىلداردى اكەلدى، حالىق ارمياسى پارتيانىڭ باسشىلىعىندا، جاپون شاپقىنشىلارىنا قارسى سوعىستىڭ جانە ازاتتىق سوعىسىنىڭ شىڭداۋىنان ءوتىپ، ۇلتتىڭ تاۋەلسىزدىگى مەن حالىقتىڭ ازاتتىعىن جۇزەگە اسىرۋ ءۇشىن تاريحتان ويىپ ورىن الاتىن شۇعىلالى ناتيجە جاراتتى.

ءۇشىنشى ءبولىم «تارتۋ . قۇرىش قورعان سوعۋدا» «مەن جاۋىنگەرمىن»، «شاڭگانليڭ. مەنىڭ وتانىم»، «ۇيرەنەيىك لەي فىڭنان»، «سەن مەنىڭ اتا - انامسىڭ، مەن سەنىڭ اسكەرىڭمىن» سياقتى جالپاق جۇرتتىڭ اۋزىنان تۇسپەيتىن اسەم اۋەندەر جاڭا جۇڭگو قۇرىلعاننان كەيىنگى ارميا مەن حالىق ىنتىماقتاسىپ، قۇرىش قورعان سوققان رۋحاني كۇيدى بەينەلەدى. ءتورتىنشى ءبولىم «ارميانى قۇدىرەتتەندىرۋ. ۇلى گۇلدەنۋگە قادام تاستاۋداعى» «گۋتياننان قايتا اتتاندىق»، «دۇنيە ءجۇزى بويىنشا تاڭداۋلى ارميا بولۋعا قادام تاستاۋ»، «1 - تامىز ارميا بايراعى»، «گۇلدەنۋ ۇندەۋى»، «ساعان ايتقىم كەلەدى» سياقتى ويىن نومىرلەرىندە مۋزيكا مەن سەزىم توعىسىپ، پارتيانىڭ 18 - قۇرىلتايىنان بەرگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا حالىق ارمياسىنىڭ ارميانى قۇدىرەتتەندىرۋدىڭ جۇڭگوشا جولىندا العا قاراي ارشىندى، نىق قادام تاستاعاندىعىن بەينەلەدى. جۇڭگو حالىق ازاتتىق ارمياسى ءۇش ارمياسىنىڭ قۇرمەت قاراۋىلى قاتىناسقان حور «ارميانى قۇدىرەتتەندىرۋ جورىق ءانى» كونسەرتتى ەڭ جوعارى ورلەۋگە كوتەرىپ، حالىق ارمياسىنىڭ پارتيانىڭ باسشىلىعىندا، ارميانى قۇدىرەتتەندىرۋ نىساناسىن جۇزەگە اسىرۋ، حالىق ارمياسىن دۇنيە ءجۇزى بويىنشا تاڭداۋلى ارميا ەتىپ قۇرىپ شىعۋ، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جۇرگىزۋ جونىندەگى بەرىك بەكىمىن اڭعارتتى.
  كونسەرت ايبىندى ءارى سالتاناتتى وتكىزىلدى، كوركەمونەرلىك تاسىلدەن جان - جاقتى پايدالانىپ، حالىق ارمياسىنىڭ توڭكەرىستىڭ اساۋ تاسقىنىندا دۇنيەگە كەلىپ، توسقاۋىلداردى تاس - تالقان ەتكەن، قابىرعادان قان كەشكەن، داڭققا بولەنگەن تاريحي ەلەۋلى ەڭبەگىن، حالىق ارمياسىنىڭ اۋەلگى ماقساتتى ۇمىتپاي، بورىشتى ەستە بەرىك ساقتاعاندىعىن ىستىق ىقىلاسپەن جىرعا قوسىپ، پارتيا تۋىنىڭ جەتەكشىلىگىندە تىڭ دا داڭقتى تۇلعالاعان اسقاق جىگەردى جاندى تۇردە بەينەلەدى. كونسەرت دۇركىن - دۇركىن جوعارى ورلەۋگە كوتەرىلگەندە الاڭ ءالسىن - ءالى قىزۋ مەرەيگە بولەنىپ وتىردى.
  ج ك پ ورتالىق كوميتەتى ساياسي بيۋروسىنىڭ بەيجيڭدەگى مۇشەلەرى، ورتالىق كوميتەت شۋجيچۋىنىڭ بەيجيڭدەگى شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى كونسەرتتى تاماشالادى.
  كونسەرتكە سونىمەن بىرگە، قارت جاۋىنگەرلەردىڭ، قۇربانداردىڭ بالا - شاعاسىنىڭ، قارت جولداستاردىڭ، ۇكىمەتتىڭ ورنالاستىرۋىنا وتكىزىلىپ بەرىلگەن، ارميادان زەينەتكە، دەمالىسقا شىققان كادرلاردىڭ، قارت حالىق جاساقتارىنىڭ جانە ارمياداعى قاھارمان ۇلگىلەردىڭ، مەملەكەتتىك قوس قولداۋ وزاتتارىنىڭ، ارميادان وزگە سالاعا كاسىپ اۋىستىرعان، مەملەكەتتىك وزات كادرلاردىڭ ۋاكىلدەرى، ورتالىقتاعى پارتيا، ۇكىمەت، ارميا، بۇقارالىق تاراۋلاردىڭ جانە بەيجيڭ قالاسىنىڭ نەگىزگى جاۋاپتى جولداستارى، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، استانانىڭ ءار سالاسىنداعى بۇقارانىڭ ۋاكىلدەرى، ازاتتىق ارميانىڭ، قارۋلى ساقشى قوسىندارىنىڭ كوماندير - جاۋىنگەرلەرىنىڭ ۋاكىلدەرى دە كەلىپ كونسەرتتى تاماشالادى.

ءان الەمى

جول توسىلىپ قالدى

تۇلپارىم