باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رەسەيدىڭ فيليپوۆ كالينكا بالالار ۇلتتىق ءبي ۇيىرمەسى اكەلگەن ءبي ساۋىق كەشى قويىلدى

    كەلۋ قاينارى: شينجياڭ حالىق راديو ىستانسياسى    2017-07-31 13:09:29  

ستانسيامىزدىڭ ءتىلشىسى دۇڭ جىيۇڭنىڭ حابارىن تىڭداڭىزدار: 30-شىلدە كەشتە، رەسەيدىڭ فيليپوۆ كالينكا بالالار ۇلتتىق ءبي ۇيىرمەسى اكەلگەن ءبي ساۋىق كەشى ءۇرىمجى تەمىر جول مەكەمەسىنىڭ جۇمىسشىلار مادەنيەت سارايىندا قويىلدى.
ويىن باستالىسىمەن، 9 جاستاعى روگوجين دەننيس ۇستىنە قارا كۇرمە، اق ءتۇستى بۇرمە جەڭ جەيدە كيىپ، اق ءتۇستى حانىشا كويلەگىن كيگەن 7 جاستاعى قىز ءبي سەرىگىن جەتەكتەپ، «ۇسىنىس» اتتى بەتاشار ءبيدى باستاپ بيلەدى، رەسەيدىڭ ويناقى دا تارتىمدى وسى زامانعى ءبيىن كىشكەنتاي كورەرمەن ايشا باتىر ەرەكشە ۇناتتى، ول بىلاي دەدى: «ءبي فەستيۆالىندا رەسەيلىك كىشكەنتاي دوستاردىڭ بيلەگەن ءبيىن كورىپ قاتتى قۋاندىم، مەن ولاردان رەسەي ءبيىن بيلەۋدى ۇيرەنگىم كەلىپ كەتتى».
ءبي ساۋىق كەشىندە، رەسەيدىڭ فيليپوۆ كالينكا بالالار ۇلتتىق ءبي ۇيىرمەسىندەگى 27 ارتيست 22 تاماشا ءنومىر قويدى. ارتيستەردىڭ ىشىندە ەڭ كىشكەنەسى 7 جاستا، ەڭ ۇلكەنى 20 جاستا. ارتيست روگوجين دەننيس بىلاي دەدى: «وسى ويىن ءۇشىن كۇندە جاتتىعۋ جاسادىق، جۇڭگو كورەرمەندەرىنە ەڭ جاقسى بەينەمىزدى كورسەتكىمىز كەلدى. بۇل توتەنشە تاپتىرماس وراي بولدى، ءبي فەستيۆالىنىڭ وسى جەرگە ويىن قويۋعا مۇمكىندىك جاساعانىنا العىس ايتامىز».
رەسەيدىڭ فيليپوۆ كالينكا بالالار ۇلتتىق ءبي ۇيىرمەسى 1968-جىلى قۇرىلعان، رەسەيدەگى ەرەكشەلىگى ايقىن بالالاردىڭ ۇلتتىق ءبي ۇيىرمەسىنىڭ ءبىرى. وندا قويىلعان ويىندا ءبي فورماسى الۋان ءتۇرلى بولىپ، رەسەيدىڭ گۋمانيتارلىق سالت-ساناسىن جانە ءداستۇرلى ادەت-عۇرپىن تولىق ايگىلەيدى. ءبي ۇيىرمەسىنىڭ باستىعى فيليپوۆا يرينا بىلاي دەدى: «بۇل بالالاردىڭ جۇڭگونىڭ شينجياڭىنا تۇڭعىش رەت كەلۋى، ولاردىڭ ءبارى بۇل جەردى قاتتى ۇناتتى، كوپشلىكتىڭ ءوزارا كومەكتەسۋى ولارعا جىلى مەيىردى سەزىندىردى، وراي بولسا تاعى كەلسەك دەيمىز».

ءان الەمى

جول توسىلىپ قالدى

تۇلپارىم