باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ بەينە جازبا جاريالاپ، «حالىقارالىق اسكەري جارىس − 2017» نىڭ باستالعاندىعىن قۇتتىقتادى

    كەلۋ قاينارى: شينجياڭ حالىق راديو ىستانسياسى    2017-08-01 19:12:16  

 شينحۋا اگەنتتىگىنىڭ 29 - شىلدەدە ماسكەۋدەن بەرگەن حابارى. «حالىقارالىق اسكەري جارىس − 2017» نىڭ جالپى باستالۋ سالتى جەرگىلىكتى ۋاقىت 29 - شىلدە ماسكەۋدە ءوتتى. مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەينە جازبا جاريالاپ قۇتتىقتادى.
  شي جينپيڭ قۇتتىقتاۋ بەينە جازباسىندا بىلاي دەدى: «حالىقارالىق اسكەري جارىس − 2017» نىڭ باستالعاندىعى بايلانىسىمەن، جۇڭگو ۇكىمەتى مەن جۇڭگو ورتالىق اسكەري ىستەر كوميتەتى اتىنان جارىستىڭ وتكىزىلۋىن قىزۋ قۇتتىقتايمىن، ءار ەلدىڭ جارىسقا قاتىناسقان مۇشەلەرىنە ىقىلاستى سالەم جولدايمىن.
  شي جينپيڭ بىلاي دەپ اتاپ كورسەتتى: 2014 - جىلدان بەرى، حالىقارالىق اسكەري جارىس 3 كەزەك ءساتتى وتكىزىلىپ، وسى وڭىردەگى اسكەري بارىس - كەلىس سەلبەستىگىنىڭ ماڭىزدى ماركاسىنا، ءار ەل ارمياسىنىڭ دوستىعىن كۇشەيتەتىن، ءوزارا ۇيرەنەتىن، ءوزارا ۇلگى الاتىن ماڭىزدى تۇعىرىنا اينالدى. بيىل جۇڭگو ارمياسى جارىسقا جالعاستى 4 - رەت قاتىناسادى، سونداي - اق ءبىر ءبولىم جارىس ءتۇرىن تۇڭعىش رەت ۇستىنە الىپ وتكىزەدى. جۇڭگو ارمياسى ءار ەلدىڭ ارمياسىمەن جارىس مايدانىندا تەحنيكالىق شەبەرلىكتى اقىلداسىپ، بىرگە ىلگەرىلەۋدى قالايدى.
  شي جينپيڭ بىلاي دەدى: حالىقارالىق اسكەري سەلبەستىكتى ورىستەتۋ ستراتەگيالىق ءوزارا سەنىمدىلىكتى كۇشەيتۋ، دۇنيە ءجۇزىنىڭ جانە وڭىرلەردىڭ بەيبىتشىلىگى مەن ورنىقتىلىعىن قورعاۋ جونىنەن كەلەلى ماڭىز الادى. جۇڭگو ارمياسىنىڭ قاتىستى ەلدەردىڭ ارميالارىمەن بارىس - كەلىس سەلبەستىگىن كۇشەيتىپ، حالىقارالىق اسكەري سەلبەستىكتە ءۇرتىس جاڭا ناتيجە جاراتىپ، دۇنيە ءجۇزىنىڭ بەيبىتشىلىگىن قورعاۋعا تىڭ ۇلەس قوسۋىن ءۇمىت ەتەمىن.
  شي جينپيڭ ەڭ سوڭىندا جارىستىڭ ءساتتى وتكىزىلۋىنە تىلەكتەستىك ءبىلدىرىپ، ءار ەلدىڭ ۋاكىلدەر ۇيىرمەسىنىڭ ۇزدىك ناتيجەگە قول جەتكىزىپ، تەرەڭ دوستىق ورناتۋىن تىلەدى.
  باستالۋ سالتىندا رەسەيدىڭ زۇڭتۇڭى پۋتين قاتارلى وسى كەزەكتى جارىستى وتكىزگەن ەلدەردىڭ مەملەكەت باسشىلارىنىڭ قۇتتىقتاۋ بەينە جازبالارى دا قويىلدى.

  حالىقارالىق اسكەري جارىس − رەسەيدىڭ مەملەكەت قورعانىس مينيسترلىگى باستاعان حالىقارالىق سيپات الاتىن اسكەري جارىس. «حالىقارالىق اسكەري جارىس − 2017» 29 - شىلدەدەن 12 - تامىزعا دەيىن رەسەي، جۇڭگو، ازەربايجان، بەلورۋسسيا، قازاقستان ەلدەرىندە وتكىزىلەدى، جيىنى 28 جارىس ءتۇرى ورنالاستىرىلعان. مۇندا «سۆوروۆ شابۋىل جاساۋ»، «كوك اسپان»، «حاۋىپسىز ورتا»، «قارۋ - جاراق شەبەرلىگى»، «اۆيادارتس»، «پاراشوتپەن ءتۇسۋ» قاتارلى 6 جارىس ءتۇرى جۇڭگونىڭ شينجياڭ، جيلين، حىبەيىندا وتكىزىلەدى، ونى ايىرىم - ايىرىم جۇڭگونىڭ قۇرلىق ارمياسى مەن اۋە ارمياسى ۇستىنە الىپ وتكىزەدى. جۇڭگونىڭ قۇرلىق، تەڭىز، اۋە ارميالارى تاعى رەسەيدەگى، قازاقستانداعى «تانكى ەكى ءتۇر»، «ەلبرۇس ساقيناسى»، «بارلاۋشى اتويشىلار»، «جوندەۋ باتاليونى»، «شەكارانى تورۋىلداپ سوققىلاۋ»، «تەڭىز - مۇحيت ساۋىتى»، «تەڭىزدەن قۇرلىققا شىعۋ» جانە «كوك اسپان كىلتى» قاتارلى جارىسقا قاتىناساتىن قوسىن ۇيىمداستىرادى.

ءان الەمى

جول توسىلىپ قالدى

تۇلپارىم