باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

مەملەكەتتىك كەڭەس ءوندىرىس حاۋىپسىزدىگى كوميتەتىنىڭ شارلاپ تەكسەرۋ 2 - گرۋپپاسى اۆتونوميالى رايونعا ءوندىرىس حاۋىپسىزدىگىن شارلاپ تەكسەرۋ جاعدايىن اڭىس ەتتى

    كەلۋ قاينارى: شينجياڭ گازەتى    2017-08-01 19:23:43  
ءتىلشىمىز دۇڭ شاۋحۋا 29 - شىلدەدە ۇرىمجىدەن حابارلايدى. 29 - شىلدەدە مەملەكەتتىك كەڭەس ءوندىرىس حاۋىپسىزدىگى كوميتەتىنىڭ ءوندىرىس حاۋىپسىزدىگىن شارلاپ تەكسەرۋ 2 - گرۋپپاسى اۆتونوميالى رايوننىڭ 15 - مامىردان 4 - شىلدەگە دەيىنگى ءوندىرىس حاۋىپسىزدىگىن شارلاپ تەكسەرۋ جاعدايىن اڭىس ەتتى. شارلاپ تەكسەرۋ گرۋپپاسىنىڭ باستىعى جوۋ جيان شارلاپ تەكسەرۋ گرۋپپاسى اتىنان جاعدايدى اڭىس ەتتى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى جانە پوزيتسيا ءبىلدىرىپ، ءسوز سويلەدى.
  جوۋ جيان مىنالاردى اتاپ كورسەتتى: اۆتونوميالى رايوندىق پارتكوم، ۇكىمەت ءوندىرىس حاۋىپسىزدىگى قىزمەتىنە ايرىقشا ءمان بەرىپ، باس شۋجي شي جينپيڭنىڭ ءوندىرىس حاۋىپسىزدىگى قىزمەتى جونىندەگى جەلىلەس ماڭىزدى نۇسقاۋلارىنىڭ رۋحىن مۇقيات دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، ءوندىرىس حاۋىپسىزدىگى قىزمەتى مەن ورنىقتىلىقتى قورعاۋ قىزمەتىن تەڭ ورنالاستىرىپ، تەڭ تەكسەرىپ، تەڭ باعالادى، پارمەندى شارا قولدانىپ، كورنەكتى ناتيجەگە قول جەتكىزدى. دەسەدە كەيبىر ءالسىز بۋىندار ءالى دە ورىن تەۋىپ وتىر: ءوندىرىس حاۋىپسىزدىگى جاۋاپكەرشىلىك ءتۇزىلىسى كەمەلدى ەمەس، قىزمەت مىندەتىن ونان ارى ناقتىلاندىرۋدى، تۇزىمدەندىرۋدى قاجەت ەتەدى. حاۋىپسىزدىكتى باقىلاۋ - باسقارۋ ءتۇزىلىس مەحانيزمى كەمەلدى ەمەس. ءوندىرىس حاۋىپسىزدىگىن وڭاۋدىڭ زاڭ بويىنشا ىلگەرىلەتىلۋ سەرپىنى جىلدام ەمەس، كەيبىر سالالاردا زاڭدى بۇزىپ ءوندىرىس، قۇرىلىس جۇرگىزۋ جايتتەرى ءبىرشاما كورنەكتى. اۋىر، ەرەكشە اۋىر شىرعالاڭداردى تەجەۋ قىزمەتى دەگەندەي قاتاڭ ەمەس، كەيبىر ورىنداردىڭ حاۋىپسىزدىك قاتەرىن دارەجە بويىنشا باسقارۋ - مەڭگەرۋ جانە كومەسكى قاتەرلەردى اداقتاپ تەكسەرۋ - وڭاۋ سىندى قوس ساقتانۋ مەحانيزمىنىڭ باعىتتامالىلىعى كۇشتى ەمەس. ءتۇيىندى كاسىپ سالالارىنداعى ارنايى رەتتەۋ - وڭاۋ قىزمەتىنىڭ ىلگەرىلەۋ سەرپىنى جەتكىلىكسىز، كومىر كەندەرىنىڭ بەلگىلەنگەن قاباتتان، شەكارادان ءوتىپ كەتۋ ماسەلەسىنىڭ ءبىر جاقتى ەتىلۋى باياۋ، قالا جوسپارى، جول اكىمشىلىگى، ءورت ءسوندىرۋ سياقتى تاراۋلاردىڭ وتكەلدى يگەرۋى قاتاڭ ەمەس. حاۋىپسىزدىك نەگىزدىك قابىلەت قۇرىلىسى ءبىرشاما ءالسىز، ءوندىرىس حاۋىپسىزدىگى بويىنشا توتەنشە جاعدايداعى جەدەل قۇتقارۋ - كومەكتەسۋ كۇشتەرى ءالسىز، ءوندىرىس حاۋىپسىزدىگىنىڭ ۇنامسىز ەستەلىكتەرىنىڭ «قارا ءتىزىم» ءتۇزىمى جانە سەنىمدىلىك كورسەتكەندەردى بىرلەسىپ ىنتالاندىرۋ مەحانيزمى مەن سەنىمنەن ايىرىلعانداردى بىرلەسىپ جازالاۋ ءتۇزىمى قۇرىلىسى كەمەلدى ەمەس، ءوندىرىس حاۋىپسىزدىگىنىڭ ۇگىت سەرپىنى جەتكىلىكسىز، اشىق جاريالاۋ جانە سەنىمنەن ايىرىلعانداردى بىرلەسىپ جازالاۋ قىزمەتىن ونان ارى كۇشەيتۋدى قاجەت ەتەدى.
  شارلاۋ - تەكسەرۋ گرۋپپاسىنىڭ ۇسىنىسى: ءوندىرىس حاۋىپسىزدىگى جونىندەگى ۇيرەنۋدى، ۇگىتتەۋدى كۇشەيتىپ، تانىمدى ونان ارى جوعارىلاتۋ كەرەك؛ رەفورمانى تەرەڭدەتىپ، «ج ك پ ورتالىق كوميتەتىنىڭ، مەملەكەتتىك كەڭەستىڭ ءوندىرىس حاۋىپسىزدىگى سالاسىنداعى رەفورمانى، دامۋدى ىلگەرىلەتۋ جونىندەگى پىكىرىن» دايەكتىلەندىرۋدى، تياناقتاندىرۋدى جەدەل ىلگەرىلەتۋ كەرەك؛ پارتكومنىڭ، ۇكىمەتتىڭ جانە قاتىستى ورىنداردىڭ ءوندىرىس حاۋىپسىزدىگى جونىندەگى قىزمەت مىندەتتەرىن جاپپاي رەتتەۋ، كەمەلدەندىرۋ؛ ءوندىرىس حاۋىپسىزدىگىن باقىلاۋ - باسقارۋ تاراۋلارىن ۇكىمەتتىڭ باستى قىزمەتى تاراۋىنا جانە زاڭ اتقارۋ قۇرىلىمدارىنىڭ قاتارىنا ەنگىزىپ، باقىلاۋ - باسقارۋ قابىلەت قۇرىلىسىن كۇشەيتۋ كەرەك؛ باعالاۋدى كۇشەيتىپ، ءوندىرىس حاۋىپسىزدىگى جاۋاپكەرشىلىگىن تياناقتاندىرۋ كەرەك؛ زاڭ - ەرەجەلەر، ولشەمدەر جۇيەسىن كەمەلدەندىرىپ، ءوندىرىس حاۋىپسىزدىگى بويىنشا زاڭ اتقارۋ سەرپىنىن كۇشەيتۋ كەرەك؛ اۋىر، ەرەكشە اۋىر شىرعالاڭداردى قاينارىنان تەجەۋ قىزمەتىنىڭ سەرپىنىن كۇشەيتىپ، ءتۇيىندى سالالارداعى كورنەكتى ماسەلەلەردى جەدەل شەشۋ كەرەك؛ ءوندىرىس حاۋىپسىزدىگى توتەنشە جاعدايىنداعى قۇتقارۋ - كومەكتەسۋ، باسقارۋ قۇرىلىمدارىن ونان ارى كەمەلدەندىرىپ، ۇنامسىز سەنىمدىلىك ەستەلىكتەرى مەن سەنىمنەن ايىرىلعان كاسىپورىنداردى بىرلەسىپ جازالاۋ سەرپىنىن كۇشەيتۋ كەرەك.
  شوكىرات زاكىر مىنالاردى اتاپ كورسەتتى: مەملەكەتتىك كەڭەس ءوندىرىس حاۋىپسىزدىگى كوميتەتىنىڭ شارلاپ تەكسەرۋ 2 - گرۋپپاسى اڭىس ەتكەن پىكىرلەر اۆتونوميالى رايونىمىزدىڭ ءوندىرىس حاۋىپسىزدىگى جاعدايىنا جان - جاقتى تالداۋ جاسادى، اسىرەسە، اۆتونوميالى رايونىمىزدىڭ ءوندىرىس حاۋىپسىزدىگى سالاسىندا ورىن تەپكەن ماسەلەلەر مەن ولقىلىقتاردى باعىتتامالى تۇردە اتاپ كورسەتىپ، قىزمەتتەردى جاقسارتۋ جونىندە پىكىر جانە ۇسىنىس بەرىپ، اۆتونوميالى رايونىمىزدىڭ ءوندىرىس حاۋىپسىزدىگى قىزمەتىن ونان ارى جاقسى ىستەۋگە جاڭا تالاپ ورتا قويىپ، پارمەندى جەتەكشىلىك ازىرلەدى. جەر - جەر، تاراۋلار، ءسوز جوق، مەملەكەتتىك كەڭەس ءوندىرىس حاۋىپسىزدىگى كوميتەتىنىڭ شارلاپ تەكسەرۋ قىزمەتىنىڭ اۆتونوميالى رايوننىڭ ءوندىرىس حاۋىپسىزدىگى قىزمەتى جونىندەگى ماڭىزدى جەبەۋ رولىن جەتە تانىپ، ەڭ باتىل پوزيتسيامەن، ەڭ ءونىمدى شارالارمەن، ەڭ پارمەندى كەپىلدىكپەن رەتتەۋ - تۇزەتۋدى، تياناقتاندىرۋدى مىقتى يگەرۋ كەرەك. رەتتەۋ - تۇزەتۋ جاۋاپكەرشىلىگىن باسشىعا، مەكەمە - ورىنعا، ناقتى ادامعا دەيىن شىنايى تياناقتاندىرىپ، «نولدىك توزىمدىلىك» پوزيتسياسىمەن رەتتەۋ - تۇزەتۋ جۇمىستارىن ءبىر - بىرلەپ، اشالاپ، جان - جاقتى، تۇبەگەيلى مىقتى يگەرۋ كەرەك. مەملەكەتتىك كەڭەس ءوندىرىس حاۋىپسىزدىگى كوميتەتىنىڭ شارلاپ تەكسەرۋ گرۋپپاسى اڭىس ەتكەن ماسەلەلەردىڭ بىردە - بىرىنە سەلقوس قاراماۋ، بىردە - ءبىرىن قاعىس قالدىرماۋ، بارلىق ماسەلەلەرگە ايقىن جاۋاپ بەرۋ، بارلىق ماسەلەنىڭ شەشىم تابۋىنا، ءار ءىستىڭ جاۋابى بولۋىنا كەپىلدىك ەتۋ كەرەك. بۇل رەتكى شارلاپ تەكسەرۋدەگى رەتتەۋ - تۇزەتۋلەردى وراي ەتىپ، بۇكىل رايوننىڭ ءوندىرىس حاۋىپسىزدىگى قىزمەتىن ءتىپتى دە تىڭعىلىقتى ىستەپ، نەگىزىن ءتىپتى دە بەكەمدەپ، ءوندىرىس حاۋىپسىزدىگى قىزمەتىنىڭ دەڭگەيىن ۇزدىكسىز جوعارىلاتۋ كەرەك. رەتتەۋ - تۇزەتۋ قىزمەتىن ءوندىرىس حاۋىپسىزدىگىنىڭ باياندى ونىمدىلىك مەحانيزمىمەن بىرلەستىرىپ، شارلاپ تەكسەرۋدىڭ ناتيجەسىن اۆتونوميالى رايونىمىزدىڭ ءوندىرىس حاۋىپسىزدىگى جاعدايىنىڭ باياندى، ورنىقتى تۇردە جاقسارۋىن جەبەۋدىڭ ناقتى قىزمەت ناتيجەسىنە اينالدىرۋعا قۇلشىنۋ كەرەك.
  شوكىرات زاكىر مىنالاردى تالاپ ەتتى: باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن، اسىرەسە، باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى سوزدەرى مەن بەكىتۋلەرىنىڭ، نۇسقاۋلارىنىڭ رۋحىن مۇقيات ۇيرەنىپ، دايەكتىلەندىرىپ، 20 - شىلدەدە اشىلعان ءوندىرىس حاۋىپسىزدىگى جونىندەگى مەملەكەتتىك تەلەۆيزور - تەلەفون ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، نازاردى مەملەكەتتىك كەڭەس ورتاعا قويعان «ءبىر ناقتى نىساناعا» شوعىرلاندىرىپ، ورتالىقتىڭ «ءوندىرىس حاۋىپسىزدىگى سالاسىنداعى رەفورمانى، دامۋدى ىلگەرىلەتۋ جونىندەگى پىكىرى» سىندى نەگىزگى جەلىنى مىقتى يگەرىپ، جان - جاقتى دايەكتىلەندىرىپ، تياناقتاندىرىپ، 4 ايعا جالعاساتىن ءوندىرىس حاۋىپسىزدىگىن جاپپاي تەكسەرۋ جۇمىستارىن تىڭعىلىقتى ورىستەتىپ، اۋىر، ەرەكشە اۋىر شىرعالاڭداردىڭ تۋىلۋىن باتىل تيىپ، ورنىقتى ءوندىرىس حاۋىپسىزدىگى ورتاسىمەن پارتيا 19 - قۇرىلتايىنىڭ جەڭىسپەن اشىلۋىن قارسى الۋ كەرەك.
  اۆتونوميالى رايوننىڭ ورىنباسار ءتوراعالارى، ءوندىرىس حاۋىپسىزدىگى كوميتەتىنىڭ ورىنباسار مەڭگەرۋشىلەرى جۋ چاڭجيە، مۇتالىپ قاسىم، جاۋ چيڭ، اۆتونوميالى رايوندىق ساياسي كەڭەستىڭ ورىنباسار ءتوراعاسى ليۋ جيانشين، مەملەكەتتىك كەڭەس ءوندىرىس حاۋىپسىزدىگى كوميتەتى شارلاپ تەكسەرۋ 2 - گرۋپپاسىنىڭ ورىنباسار باستىعى گو شينچيڭ اۆتونوميالى رايوننىڭ نەگىزگى ءماجىلىس زالىندا ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى تۇرىندە اشىلدى، اۆتونوميالى رايوندا نەگىزگى ءماجىلىس ورنى، ءار ايماق، وبلىس، قالالاردا، اۋدان، قالا، رايونداردا بولىمشە ءماجىلىس ورنى اشىلدى، ءار دارەجەلى ءوندىرىس حاۋىپسىزدىگى كوميتەتتەرىنە مۇشە ورىنداردىڭ نەگىزگى جاۋاپتى جولداستارى ماجىلىسكە قاتىناستى.
ءان الەمى

جول توسىلىپ قالدى

تۇلپارىم