باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۆتونوميالى رايونىمىز جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ تاقىرىبىندا سيمفونيالىق كونسەرت وتكىزدى

    كەلۋ قاينارى: شينجياڭ گازەتى    2017-08-01 19:50:00  
تىلشىلەرىمىز دۇڭ شاۋحۋا، ميھىرگۇل وبۇل 29 - شىلدەدە ۇرىمجىدەن حابارلايدى. اسكەري اندەر شىرقالىپ، جاۋىنگەرلىك ايبىن اسقاقتادى! 29 - شىلدە كەشتە جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا، اۆتونوميالى رايوندىق پارتكوم ۇگىت ءبولىمى، اۆتونوميالى رايوندىق مادەنيەت مەڭگەرمەسى باس بولىپ ۇيىمداستىرعان، شينجياڭ كوركەمونەر تەاترىنىڭ ۇرلەمەلى - ىشەكتى مۋزيكا اسپاپتار وركەسترى (شينجياڭ اييۋە وركەسترى) ورىنداعان «ماڭگىلىك جاۋىنگەرلىك رۋح» − جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ تاقىرىبىنداعى سيمفونيالىق كونسەرتى اۆتونوميالى رايوندىق پارتكوم پارتيا مەكتەبىنىڭ زالىندا قويىلدى.
  بۇل مۋزيكالىق كونسەرت حالىق ارمياسىنىڭ پارتياعا ادالدىعىن تاقىرىپ ەتىپ، «ۇشقىننان جالىن قاۋلايدى»، «جان - جاعىمىز قىزىل تۋ جەلبىرەگەن»، «پارتياعا ادالدىق» سىندى 3 بولىمنەن قۇرالىپ، 90 جىلدان بەرگى حالىق ارمياسىنىڭ پارتيانىڭ باسشىلىعىندا جەر توڭكەرىسى سوعىسىن، جاپون شاپقىنشىلارىنا قارسى سوعىستى جانە ازاتتىق سوعىسىن باستان كەشىرىپ، ۇلتتىڭ تاۋەلسىزدىگى مەن حالىقتىڭ ازاتتىعىن جۇزەگە اسىرۋ ءۇشىن، تاريحتان وشپەس ورىن الاتىن شۇعىلالى ناتيجە جاراتقانىن بەينەلەدى.
  كونسەرت شىمىلدىعى ايبىندى سيمفونيالىق مۋزيكا «جۇڭگو حالىق ازاتتىق ارمياسىنىڭ اسكەري مارىشىمەن» اشىلدى. مۋزيكالىق كونسەرتتە ەكپىندى توڭكەرىستىك اندەر شىرقالىپ، جىگەرلى ولەڭدەر وقىلدى، اسىرەسە، 3 - ءبولىمى جۇڭگو ارمانىن، ارميانى قۇدىرەتتەندىرۋ ارمانىن شوعىرلى تۇردە بەينەلەپ، حالىق ارمياسىنىڭ پارتياعا ادالدىعىن، حالىق ارمياسى حالىق قامىن جەيتىن ماڭگىلىك نەگىزگى اۋەندى جىرلادى. مۇنىڭ ىشىندە «ارميانى قۇدىرەتتەندىرۋ شايقاس ءانى» جانە مۋزيكالىق ارلەۋمەن وقىلعان ولەڭ «قۇرمەت ءبىلدىرۋ» كونسەرتتى شىرقاۋ شىڭعا كوتەرىپ، بۇكىل شينجياڭداعى ءار ۇلت جاۋىنگەرلەرى مەن حالقىنىڭ بورىشتى ەستە بەرىك ساقتاپ، ماڭىزدى تاپسىرمانىڭ ۇددەسىنەن شىعىپ، ىنتىماقتاسا العا ۇمتىلىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن قۇلشىنا جۇزەگە اسىرۋ سەنىمى مەن بەكىمىن ايگىلەدى.
  اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى مانەن زەينەل ۇلى، اۆتونوميالى رايوندىق ساياسي كەڭەستىڭ ورىنباسار ءتوراعاسى ريزۋان ابەي، شينجياڭ اسكەري رايونىنىڭ ورىنباسار ساياسي كوميسسارى حان بيڭچىڭ كونسەرتكە قاتىناستى. شينجياڭ اسكەري رايونىنىڭ، قارۋلى ساقشى شينجياڭ باس اترەتىنىڭ، اۋە ارمياسى ءۇرىمجى بازاسىنىڭ، قارۋلى ساقشى ورمان باس اترەتى، قارۋلى ساقشى قاتىناس 2 - باس اترەتىنىڭ كوماندير - جاۋىنگەرلەرىنەن، قاھارمان ۇلگىلەردىڭ ۋاكىلدەرىنەن جانە ءۇرىمجى قالاسىنىڭ نەگىزگى ساتى الەۋمەتتىك اۋماق كادر - جۇرتشىلىعىنان 1000نان استام ادام كونسەرتتى تاماشالادى.
ءان الەمى

جول توسىلىپ قالدى

تۇلپارىم