باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

«حالىقارالىق اسكەري جارىس-2017» جارىسىنىڭ شينجياڭنىڭ كورلاسىنداعى جارىس رايونىندا تۇڭعىش جارىس كۇنىندەگى بەلدەسۋلەر ءوتتى

    كەلۋ قاينارى: شينجياڭ حالىق راديو ىستانسياسى    2017-08-01 16:34:47  
ستانسيامىزدىڭ ءتىلشىسى چيۋ جيننىڭ حابارىن تىڭداڭىزدار: جۇڭگو قۇرىلىق ارمياسى ۇستىنە الىپ وتكىزگەن «حالىقارالىق اسكەري جارىس-2017» جارىسىنىڭ شينجياڭنىڭ كورلاسىنداعى جارىس رايونىندا 31-شىلدە تۇستەن بۇرىن تۇڭعىش جارىس كۇنىندەگى بەلدەسۋلەر ءوتىپ، جۇڭگو، رەسەي، انگولا سياقتى 3 ەلدىڭ 27 كوماندا مۇشەسى قۇم الاڭدا باسەكەگە ءتۇستى.
جارىستىڭ العاشقى كۇنى «سۋبوروۆ تۇتقيىل شابۋىل جاساۋ» اتىنداعى جاياۋ اسكەرلەردىڭ سوعىس اۆتوموبيلى گرۋپپاسىنىڭ جارىسى وتكىزىلىپ، ءار قايسى گرۋپپاداعى كوماندا مۇشەلەرى جاياۋ اسكەر سوعىس اۆتوموبيلىن جۇرگىزىپ، بەلگىلەنگەن ارالىقتا تانكىدان ساقتانۋ ورى، دوڭگەلەك ءىزى كوپىرى سياقتى كەدەرگىلەردەن ءوتتى، ءارى زەڭبىرەكپەن، پەلەموتپەن اتقىلادى. جۇڭگو، رەسەي، انگولا كوماندالارى جەرەبە سۋىرۋ ارقىلى ءبىر گرۋپپاعا ءبولىنىپ، ءار قايسىسى 3 گرۋپپا كوماندا مۇشەلەرىن جىبەردى. جارىس باستالعاننان كەيىن، ءار قايسى گرۋپپاداعى كوماندا مۇشەلەرى جاياۋ اسكەر سوعىس اۆتوموبيلىن جەكە-جەكە جۇرگىزىپ، قاتارى بويىنشا سورە سىزىعىنان شىعىپ، 12 كەدەرگى مەن ەكى نىسانا اتۋ ورنىنا زىمىرادى. جارىستىڭ ءتۇسىندىرۋشىسى دۋان جياباۋ بىلاي دەدى: «نىسانا اتۋدى قامتىعان بارلىق كەدەرگىلەر جاياۋ اسكەر سوعىس اۆتوموبيلىنىڭ قالىپتى نازاريالىق اتۋ ساندى مالىمەتىنەن اسىپ ءتۇستى، جاتتىعۋ پروگرامماسىندا بۇل كەدەرگىلەر جوق، جاياۋ اسكەر سوعىس اۆتوموبيلىنىڭ نازاريالىق ارالىعى مىڭ مەتر بولاتىن، قازىر ءبىزدىڭ نىساناعا اتۋ ارالىعىمىز ءبىر مىڭ 100 دە ءبىر مىڭ 500 مەترگە دەيىن جەتتى».
«سۋبوروۆ تۇتقيىل شابۋىل جاساۋ» رەسەيدىڭ اسكەري ىستەر مامانى سۋبوروۆتىڭ اتىمەن اتالعان، حالىقارالىق اسكەري جارىستاردىڭ ىشىندەگى ەڭ ايگىلى جارىستاردىڭ ءبىرى. بيىلعى «سۋبوروۆ تۇتقيىل شابۋىل جاساۋ» جارىسىنىڭ دارا جاياۋ اسكەرلەردىڭ سوعىس اۆتوموبيلى جارىسىنا جۇڭگو، رەسەي، انگولا، يران، ۆەنەسۋەلا، زيمبابۋە سياقتى 6 ەلدەن جيىنى 126 ادام قاتىناستى. العاشقى كۇنگى جارىستا، رەسەي جارىسقا ءوز ەلىنىڭ جاياۋ اسكەرلەردىڭ سوعىس اۆتوموبيلىن اكەلىپ قاتىناسقان بىردەن ءبىر ۋاكىلدەر ۇيىرمەسى بولدى. جارىستا، جۇڭگو مەن رەسەيدىڭ جاياۋ اسكەر سوعىس اۆتوموبيلدەرىنىڭ قۇبا شولدە قيان-كەسكى جارىسىپ، ءبىرىن-ءبىرى وكشەلەي قۋعان بەينەسى كورگەندەردىڭ كوڭىل-كۇيىن تاسقىنداتتى. كورەرمەن، شينجياڭ اسكەري رايونى بەلگىلى قارۋلى تانكى تۋانىنىڭ جاۋىنگەرى تيان جۇنكى بىلاي دەدى: « جاياۋ اسكەرلەردىڭ سوعىس اۆتوموبيلىنە تىم قانىق بولماسام دا، الايدا ادەتتە تانكىمەن كەدەرگىدەن ءوتۋ جاتتىعۋىن ىستەيتىندىگىمنەن، جاتتىعۋدى كۇشەيتپەگەن بولسا، مۇنداي ونىمدىلىككە جەتۋ قيىن ەكەنىن ءبىلىم وتىرمىن، ولاردىڭ بۇگىنگى بەينەسى راسىندا ساۋىت قۇرالدى اسكەرلەرىنىڭ ەڭ ۇزدىك جاعىن ايگىلەدى».
«سۋبوروۆ تۇتقيىل شابۋىل جاساۋ» جارىسىنىڭ دارا جاياۋ اسكەر سوعىس اۆتوموبيلى جارىسىنا قاتىناساتىن كوماندالاردىڭ سوڭعى قاتارى 4-تامىز كۇنى باسقا 3 ەلدىڭ جارىسى اياقتاعاننان كەيىن عانا تۇراقتانادى. «سۋبوروۆ تۇتقيىل شابۋىل جاساۋ» جارىسىنىڭ دارا جاياۋ اسكەر سوعىس اۆتوموبيلى جارىسىنا جۇڭگو قۇرىلىق ارمياسىنان قاتىناسقان كوماندا مۇشەسى سۇن پيجە بىلاي دەدى: «مەنشە ەرەكشە جاقسى بەينە بايقاتتىق، ابىرجۋ بولمايدى دەۋ مۇمكىن ەمەس، ساۋىتتى اۆتوموبيلدىڭ ىشىندە وزىمە ابىرجىماۋدى قايتا-قايتا ەسكەرتىپ وتىردىم، قاتەر الدىندا قورىقپاي، باتىل العا ۇمتىلۋ مەنىڭ ۇرانىم ەدى، مىندەتتى جاقسى ورىندادىم».
ءان الەمى

جول توسىلىپ قالدى

تۇلپارىم