باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ءبىرىنشى توقساندا اتۇش، كورلا، حوتان سياقتى 7 قالادا اۋا ساپاسىنىڭ جاقسى بولۋ سالىستىرماسى جوعارلادى

    كەلۋ قاينارى: شينجياڭ حالىق راديو ىستانسياسى    2017-08-02 16:00:35  

ءتاڭىرتاۋ تورابىنىڭ حابارى: ءتىلشىنىڭ اۆتونوميالى رايوندىق ورتانى قورعاۋ مەڭگەرمەسىنەن ۇعىسۋىنشا، بيىل ءبىرىنشى توقساندا اتۇش، كورلا، حوتان سياقتى 7 قالادا اۋا ساپاسىنىڭ جاقسى بولۋ سالىستىرماسى بىلتىرعى وسى مەزگىلدەگىدەن 18.4 پايىز ارتىپ، اۋا ساپاسى كورنەكتى جاقسارعان، 7 قالانىڭ بۇكىل ەلدەگى 338 قالانىڭ ءبىرىنشى توقسانداعى قاتارىنداعى ورنى جوعارىلاعان، بۇل بۇكىل رايونىمىزداعى 19 قالانىڭ اۋا ساپاسىنىڭ جاقسى بولۋ سالىستىرماسىنىڭ 5 پايىز ارتۋىنا تۇرتكى بولعان.
بيىل، رايونىمىز ءتۇيىندى وڭىرلەردىڭ اتموسفەراسىنىڭ لاستانۋىنان ساقتانۋ جانە ونى تىزگىندەۋ جاعىندا، اۆتونوميالى رايوندىق حالىق ۇكىمەتى جاريالاعان «اتموسفەرانىڭ لاستانۋىنان ساقتانۋ جانە ونى تىزگىندەۋ ارەكەت جوسپارىن اتقارۋ جوباسىندا» بەلگىلەگەن 11 تارماقتى 49 ءتۇرلى مىندەتتى مۇقيات تياناقتاندىرىپ، فۋنكتسيالىق تاراۋلاردىڭ اتموسفەرانىڭ لاستانۋىنان ساقتانۋ جانە ونى تىزگىندەۋ جاعىنداعى قىزمەت مىندەتىنىڭ تياناقتانۋىن جەبەپ، «پارتيا مەن ۇكىمەت جاۋاپكەرلىكتى بىردەي ۇستىنە الۋ، ءبىر قىزمەت ورنىندا 2 جاۋاپكەر لىك ارقالاۋ» ءتۇزىمىن اتقارىپ، اتموسفەرانىڭ لاستانۋىنان ساقتانۋدىڭ بىرىككەن كۇشىن قالىپتاستىردى.
اۆتونوميالى رايوندىق ورتانى قورعاۋ مەڭگەرمەسىنىڭ ورىنباسار باستىعى سۇن ۋاڭشىڭ تىلشىگە بىلاي دەدى: بيىل ورتالىقتىڭ قورشاعان ورتانى قورعاۋدى قاداعالاۋ گرۋپپاسى شينجياڭدا ورتانى قورعاۋ بويىنشا قىزمەتتەردى قاداعالايدى، بۇل رايونىمىزدىڭ ەكولوگيالىق وركەنيەت قۇرىلىسى مەن ورتانى قورعاۋ دەڭگەيىن جاپپاي جوعارىلاتۋدىڭ ماڭىزدى ورايى. ورتانى قورعاۋ جۇيەسى نازاردى باس نىساناعا اۋدارىپ، جاڭا ۇستانىمدى امالياتتا ايگىلەپ، ورتانى قورعاۋدىڭ جوعارى دەڭگەيلى جوباسىن جاساپ، «جاسىل تاۋ، ءمولدىر سۋدىڭ ءوزى بايلىق» دەگەن تانىمدى مىقتاپ ورناتىپ، ەكولوگيالىق ورتانىڭ تومەنگى شەگىن ساقتاپ، «3 جوعارى» نىسانداردىڭ شينجياڭعا كىرۋىنە قاتاڭ تيىم سالادى؛ لاستانۋدان ساقتانۋ جانە ونى تىزگىندەۋ تەبىنىن ارتتىرىپ، «اتموسفەرا، سۋ، توپىراقتىڭ لاستانۋىنان ساقتانۋ مەن ونى تىزگىندەۋدىڭ» 3 ۇلكەن شايقاسىن جاقسى جۇرگىزەدى؛ ورتانى باسقارۋدى جانە زاڭنىڭ اتقارىلۋىن باقىلاۋ-باسقارۋدى كۇشەيتىپ، ەكولوگيانى قورعاۋ جاۋاپكەرلىك ءتۇزىمىن تياناقتاندىرىپ، ەنەرگيا، كەن ونىمدەرى بايلىعىن اشۋدا اۆتونوميالى رايوندىق ۇكىمەتتىڭ «ءبىر قالاممەن» تەكسەرىپ بەكىتۋ ءتۇزىمىن اتقارادى؛ ەكولوگيانى قورعاۋدىڭ قىزىل سىزىعىن سىزىپ، ەڭ قاتاڭ ەكولوگيالىق ورتانى قورعاۋ ءتۇزىمىن اتقارىپ، رايونىمىزدىڭ ەكولوگيالىق ورتا ساپاسىن شىن مانىندە جاقسارتىپ، اسپانى اشىق، جەرى جاسىل، سۋى تۇنىق كوركەم شينجياڭ قۇرۋعا قۇلشىنادى.
ءتىلشىنىڭ ۇعىسۋىنشا، «پارتيا مەن ۇكىمەت جاۋاپكەرلىكتى بىردەي ۇستىنە الۋ، ءبىر قىزمەت ورنىندا 2 جاۋاپكەرلىك ارقالاۋ» ءتۇزىمىنىڭ تياناقتانۋىن جەبەۋ ءۇشىن، بىلتىر جىل باسىنان بەرى رايونىمىز 14 ايماق، وبلىس، قالادا ورتانى قورعاۋ بويىنشا قاداعالاۋ قىزمەتىن ورىستەتىپ، ورتا ماسەلەلەرىنىڭ شەشىلۋىن جانە جاۋاپكەرلىكتىڭ تياناقتاندىرىلۋىن پارمەندى ىلگەرىلەتكەن.

ءان الەمى

جول توسىلىپ قالدى

تۇلپارىم