جاڭا حابارلار

تۇتاس رايونىمىزداعى 14 ايماق، وبلىس، قالا جالپى حالىقتىڭ دەنساۋلىعىن اقىسىز تەكسەرۋ قىزمەتىن جاپپاي باستادى

    كەلۋ قاينارى: شينجياڭ حالىق راديو ىستانسياسى    2017-08-02 16:13:15  
ءتاڭىرتاۋ تورابىنىڭ حابارى: تاياۋدا، تۇتاس رايونىمىزداعى 14 ايماق، وبلىس، قالا جالپى حالىقتىڭ دەنساۋلىعىن اقىسىز تەكسەرۋ قىزمەتىن جاپپاي ورىستەتكەن، قازىرگە دەيىن،4 ميلليون 269 مىڭ 200 ادام دەنساۋلىق تەكسەرتىپ، دەنساۋلىق تەكسەرتۋ مولشەرى 22.88% كە جەتكەن، مۇنىڭ ىشىندە وڭتۇستىك شينجياڭداعى 3 ايماق، ءبىر وبلىستا دەنساۋلىق تەكسەرتكەندەر سانى3 ميلليون 200 مىڭنان اسىپ، دەنساۋلىق تەكسەرتۋ مولشەرى 42.34% كە جەتكەن.
جالپى حالىقتىڭ دەنساۋلىعىن اقىسىز تەكسەرۋدىڭ 2-كەزەكتى قىزمەتى باستالعاننان كەيىن، جەر-جەر وزدەرىنىڭ ءىس جۇزىندىك جاعدايىنا قاراي حالىققا بارىنشا قولايلى بولعان قىزمەت وتەۋ تۇرلەرى مەن ۇلگىلەرىن العا قويىپ بەلسەنە اتقارۋعا كىرىستى. بايىنعولين موڭعۇل اۆتونوميالى وبلىسى شوعىرلى دەنساۋلىق تەكسەرۋ مەن وتباسىلارىن ارالاپ دەنساۋلىق تەكسەرۋدى ۇشتاستىرۋ ءتاسىلىن بەلگىلەدى، سونداي-اق قاراستى جەرى بويىنشا باسقارۋ ءادىسىن قولداندى؛ سانجى قالاسى بۇرىنعى بەلگىلەنگەن ەمدەۋ ورىندارىنان تىس، قالاداعى دەنساۋلىق تەكسەرۋ تولىمدىلىعىنا يە حالىق باسقارۋىنداعى 387 ەمدەۋ قۇرىلىمىن وسى قىزمەتكە ات سالىسۋعا شابىتتاندىردى.
جالپى حالىقتىڭ دەنساۋلىعىن اقىسىز تەكسەرۋ قىزمەتىن ويداعىداي ىستەۋ ءۇشىن، رايونىمىزداعى ءبىر ءبولىم اۋدان، قالالار شينجياڭعا باعىتتامالى كومەكتەسۋ نىسان قارجىسى مەن وزدەرى توپتاعان قارجىدان پايدالانىپ، اۋىل-قالاشىق شيپاحانالارىندا دەنساۋلىق تەكسەرۋ ورتالىعىن قۇرىپ، قاتىستى جابدىقتاردى تولىقتادى. قاشقار ايماعى يىڭىسار اۋداندىق دەنساۋلىق ساقتاۋ مەكەمەسى نىسان كەڭسەسىنىڭ جاۋاپتىسى يۇي گاڭچىڭ تىلشىگە بىلاي دەدى: باعىتتامالى كومەكتەسەتىن ولكە، قالالاردىڭ بار كۇشپەن قولداپ-قۋاتتاۋىنىڭ ارقاسىندا، بيىل يىڭىسار اۋدانى 13 اۋىل-قالاشىق شيپاحاناسىنىڭ دەنساۋلىق تەكسەرۋ ورتالىعىن قۇرۋعا 50 ميلليون يۋان قارجى جۇمسادى، مولشەرمەن بيىل قىركۇيەكتىڭ ورتا شەنىندە سالىنىپ ءبىتىپ، پايدالانۋعا بەرىلەدى.
قۇتىبي اۋدانى وزدەرى قارجى توپتاپ، جابدىق جاعىنان قامتاماسىز ەتۋدى كۇشەيتتى، بيىل الدىڭعى جارىم جىلدا 12 ميلليون 750 مىڭ يۋان قارجى جۇمساپ، 63 دەنساۋلىق تەكسەرۋ جابدىعىن ساتىپ الىپ، تەكسەرۋ تۇرلەرىنىڭ تولىق ءارى ءدال بولۋىنا كەپىلدىك ەتتى. ۇعىسۋعا قاراعاندا، رايونىمىز جالپى حالىقتىڭ دەنساۋلىعىن اقىسىز تەكسەرۋ ينجەنەرياسىن بىلتىر قىركۇيەكتەن باستاپ اتقارعان، سودان بيىل اقپانعا دەيىن رايونىمىز دەنساۋلىق تەكسەرۋ قىزمەتىنە مولشەرمەن جيىنى ءبىر ميلليارد 499 ميلليون يۋان قارجى جۇمساپ، 17 ميلليون 500 مىڭنان استام ادامنىڭ دەنساۋلىعىن تەگىن تەكسەرگەن، دەنساۋلىق تەكسەرتۋ مولشەرى %100 كە جەتكەن. وسى نەگىزدە، 2-كەزەكتى دەنساۋلىق تەكسەرۋگە ءبىر ميلليارد 785 ميلليون يۋان قارجى جۇمسالاتىندىعى، دەنساۋلىق تەكسەرتەتىندەردىڭ سانى 21 ميلليون ادامعا جەتەتىندىگى مەجەلەنىپ وتىر. مۇنان تىس، شينجياڭ نوپوسىنداعى جىلجىمالى حالىق پەن جوعارى مەكتەپ وقۋشىلارى دا دەنساۋلىق تەكسەرۋ كولەمىنە ەنگىزىلدى، ورتا، باستاۋىش مەكتەپ وقۋشىلارىنىڭ دەنساۋلىعىن تەكسەرۋ تۇرىنە قان ازدىق اۋرۋى بار-جوقتىعىن انىقتاۋ ماقساتىمەن گەموگلوبين مولشەرىن تەكسەرۋ ءتۇرى قوسىلدى.

بەرىپ كەت ورامالىڭدى

دوستار

الىستاعى اق ەركە