باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

گونگو (كينشاسا) دەموكراتيالىق رەسپۋبليكاسىنىڭ ىرعاق جانە ءبي كوركەمونەر ۇيىرمەسى رايونىمىزداعى كورەرمەندەرگە افريكانىڭ اسەرلى سەزىمى مەن وڭىرلىك عۇرىپ-ادەتىن تانىستىردى

    كەلۋ قاينارى: شينجياڭ حالىق راديو ىستانسياسى    2017-08-02 16:37:58  
ستانسيامىزدىڭ ءتىلشىسى جين لەيدىڭ جولداعان حابارىن تىڭداڭىزدار: گونگو (كينشاسا) دەموكراتيالىق رەسپۋبليكاسىنىڭ ىرعاق جانە ءبي كوركەمونەر ۇيىرمەسى 1-تامىز كەشتە تەمىر جول جۇمىسشىلارى مادەنيەت سارايىندا وتكىزگەن «ءبي ءلاززاتى مەن ونىڭ كوركەم كورىنىسى» اتتى ءبي ساۋىق كەشى، رايونىمىزداعى كورەرمەندەرگە افريكانىڭ اسەرلى سەزىمى مەن وڭىرلىك عۇرىپ-ادەتىن سەزىندىردى.
ساۋىق كەشتەگى ءبي ءبىر انانىڭ بوسانىپ، نارەستەنىڭ دۇنيەگە كەلۋىمەن باستالدى. ىلە-شالا ەكپىندى بارابان ءۇنى ىشىندە، ارتيستەر بيگە باستى، ءبيدىڭ ارەكەتى جاندى، قاراپايىم، ىرعاعى ەركىن، افريكا حالقىنىڭ باي مازمۇندى تۇرمىسى جاندى بەينەلەندى. گونگو (كينشاسا) دەموكراتيالىق رەسپۋبليكاسىنىڭ ىرعاق جانە ءبي كوركەمونەر ۇيىرمەسىنىڭ باستىعى چيباندا تۋدور بريان بىلاي دەدى: وسى بيدە گونگولىقتاردىڭ تۇرمىسى مەن ادەت-عۇرپى شىنايى بەينەلەنگەن، كورەرمەندەر توي-تومالاق، جەرلەۋ سالتى، نەكە توي، اڭ اۋلاۋ، مول ءونىم الۋ سياقتىلاردى ايقىن كورۋمەن بىرگە، تاعى ۇل بالانىڭ ەسەيىپ ەر ازاماتقا اينالۋ بارىسى، وسىنىڭ بارلىعى ناقتى تۇرمىس، كوپشىلىك ودان كوپتەگەن مادەنيەت فاكتورلارىن سەزىنە الادى.
گونگو (كينشاسا) دەموكراتيالىق رەسپۋبليكاسىنىڭ ىرعاق جانە ءبي كوركەمونەر ۇيىرمەسى شينجياڭ حالىقارالىق ۇلتتىق ءبي فەستۆالىنا تۇڭعىش رەت قاتىناسىپ وتىر، كوركەمونەر ۇيىرمەسى 2010-جىلى قۇرىلعان، ارتيستەر افريكانىڭ بارابان، اعاش جەتىگەن، ءان، ءبيىن تابيعي ۇشتاستىرىپ، افريكاداعى ەجەلگى كوركەمونەر ۇلگىسىن ايگىلەدى، سوڭىندا بيشىلەر بارابان سوعۋمەن بىرگە، بيگە باسىپ، ءبيدى جوعارى ورلەۋگە كوتەرىپ، كورەرمەندەرگە تەرەڭ اسەر قالدىردى. تىلشىلىكتى قابىلداعان كورەرمەندەردىڭ بىرەۋى: «مەنىڭشە، بۇل ءبي تۇرمىسقا وتە جاناسىمدى ەكەن، بايىرعى ءتۇس العان. بالەت ءبيىن، توڭكەرىستىك وسىزامانعى بيلەردى كوردىم، مۇندا پارىق وتە زور»،-دەسە؛ ەندى بىرەۋى: «مەنىڭشە، سوڭىنداعى بارابانشىلار وتە ىسىلعان ەكەن، ۇزاق ۋاقىت اسەرلى سەزىممەن بارابان سوقتى، وتە تاماشا»،-دەدى.
ءان الەمى

جول توسىلىپ قالدى

تۇلپارىم