جاڭا حابارلار

قىزمەت اترەتى قىستاق ديحاندارىن الدىن-الا جوسپار جاساۋعا بەلسەنە باستاپ، اۋقاتتانۋ جولىن كەڭەيتىپ، اۋقاتتانۋ جولىنا ءتۇسىردى

    كەلۋ قاينارى: شينجياڭ حالىق راديو ىستانسياسى    2017-08-02 17:00:03  
ستانسيامىزدىڭ ءتىلشىسى لەي ميىڭنىڭ حابارىن تىڭداڭىزدار: تارباعاتاي ايماعىنداعى ءار دارەجەلى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى قىستاق ديحاندارىن الدىنالا جوسپار جاساۋعا بەلسەنە باستاپ، اۋقاتتانۋ جولىن كەڭەيتىپ، اۋقاتتانۋ جولىنا ءتۇسىردى.
ساۋان اۋدانى داچۋان اۋىلى شياۋ فاڭجۋاڭزى قىستاعىنداعى ساپالى ازىق-تۇلىك شەكتى سەرىكتەستىگىنەن، ءتىلشى سەرىكتەستىكتىڭ جاۋاپتىسى حان يانحۇڭنىڭ بىرنەشە اپەكە-سىڭىلىسىمەن بىرگە، الگىندە سۇرىلەنگەن كوكونىستى قوراپتاۋمەن قاربالاس بولىپ جاتقانىن كوردى، ءنومىر باسىلىپ، تەكسەرۋدەن وتكەننەن كەيىن، وسى سۇرىلەنگەن كوكونىستىڭ كورشى اۋدان، قالاداعى ءىرى ەرەن بازارلار مەن كوكونىس دۇكەندەرىندە ساتىلادى.
2013-جىلى وسى قاراپايىم اۋىل ايەلى اۋىل-قىستاققا بارىپ، 70 مىڭ يۋاننان ارتىق قارجى قوسىپ، سۇرىلەمحانا اشىپ، العاشقى رەتتىڭ وزىندە 400 قوراپقا جۋىق سۇرىلەنگەن كوكونىس ساتتى. بيىل جاڭا جىلدا، قىستاقتا تۇرعان قىزمەت اترەتىنىڭ كومەگى مەن جەتەكشىلىگىندە، ءوندىرس كولەمىن كەڭەيتىپ، تاپسىرىس بويىنشا ساتۋ، ءۇنحاتتا تاپسىرىس بەرۋ، تاۋباۋ تورابىندا زاكاز بەرۋ ارقىلى، قازىر ونىڭ «سۇرىلەگەن كوكونىسىن» قالاداعىلار قىزىعا ساتىپ الدى. حان يانحۇڭ: «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىندەگىلەر العاش كەلگەننەن باستاپ، مەنى ەرەكشە قولدادى، مەنىڭ «كاسىپورىنعا كومەكتەسۋ قارىز اقشاسىن» الۋىما كومەكتەستى، سول كەزدە 300 مىڭ يۋان قارىز اقشا الدىم، ءبىر جىلدا 250 مىڭ قوراپ تۇزدالعان كوكونىس ساتىپ، ءبىر ميلليون يۋان كىرىس كىرگىزدىم،-دەدى.
جىل باسىنان بەرى، تارباعاتاي ايماعىنداعى ءار دارەجەلى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا قىستاقتا تۇرعان كادرلار وتباستارىن ىشكەرىلەي ارالاپ، بۇقارامەن كەڭەسىپ، ەگىس اتىزدارىن ارالاپ، پىكىرىلەسىپ، دوستاسىپ، بۇقارانىڭ قاجەتىن، نەندەي جوسپارى بارلىعىن ۇعىسىپ، حالىق بۇقاراسىنىڭ ارمان-تىلەگىنە بەيىمدەپ، ماسەلەنى بايقاپ، دالمە-ءدال شەشتى. ءدوربىلجىن اۋدانى ۇزىنبۇلاق مال فەرماسى كۇرتى وتىرىقتاندىرۋ تۇيىنىمەن تۇتاساتىن ولكە تاس جولىنىڭ 221-لەنياسىندا، قاتىناس تاسىمالىنداعى ابزالدىلىعى كورنەكتى، ءدوربىلجىن اۋدانى جۇڭ-حى جىلۋ-ەلەكتر سەرىكتەستىگىنىڭ ۇزىنبۇلاق مال فەرماسىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى قازاقتىڭ ۇلتتىق ءداستۇرلى باعىمشىلىق تاجىريبەسىمەن ۇشتاستىرىپ، اۋلا ءۇي قۇستارى باعىمشىلىعىمەن شۇعىلدانۋمەن بىرگە، ۇلتتىق قولونەر كەستە تىگۋ كاسىبىن دامىتىپ، قىستاق ديحاندارىنىڭ ۇيلەرىنىڭ قاسىندا جۇمىسقا ورنالاسۋىنا مۇمكىندىك جاسادى. قىزمەت اترەتىنىڭ باستىعى ساۋ گاۋچي بىلاي دەدى: تاس جول ىركىلىسسىزدەنىپ، سىرتقا شىعۋ ماسەلەسى شەشىلدى، ءارى جاسىلداندىرۋ قۇرىلىسى كۇشەيدى، مۇنداعى ماقسات ــ جەرگىلىكتى ورىننىڭ ورتاسىن جاسىلداندىرىپ، كوپشىلىكتى وسىندا كەلۋگە باۋراۋ.
تارباعاتاي ايماقتىق پارتكوم ۇيىمداستىرۋ ءبولىمىنىڭ ورىنباسار باستىعى ۋاڭ گۋاڭحۇي بىلاي دەدى: «جىل باسىنان بەرى، بۇقاراعا جيىنى 10 مىڭنان ارتىق ناقتى، جاقسى ءىس ىستەپ، ەرەكشە كاسىپتى دامىتىپ، سەلبەستىك ۇيىمىن سۇيەمەلدەپ، كوللەكتيۆ شارۋاشىلىقتى نىعايتىپ، ونەرگە تاربيەلەۋدى كۇشەيتىپ، اۋقاتتانۋ جولىن اشتىق، قازىرگە دەيىن 700 دەن ارتىق «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» نىسانى تياناقتاندى، وعان ساياتىن قارجى 430 ميلليون يۋاننان اسادى».

بەرىپ كەت ورامالىڭدى

دوستار

الىستاعى اق ەركە