جاڭا حابارلار

ەستەن كەتپەس تۋعان كۇن

    كەلۋ قاينارى: شينجياڭ حالىق راديو ىستانسياسى    2017-08-02 17:13:40  
بۇراتالا وبلىستىق راديو ستانسياسىنىڭ تىلشىلەرى جاڭ جيانۋي، گو جىرۋ، بۇراتالا قالالىق راديو ستانسياسىنىڭ ءتىلشىسى حۋاڭ گىنشيلار جازعان حابارىن تىڭداڭىزدار: 28-شىلدە ـــ بۇراتالا وبلىستىق شەكارا قورعانىس تارماق اترەتى بۇراتالا قالالىق شەكارا قورعانىس ۇلكەن اترەتى ۇتىبۇلاق شەكارا قورعانىس ساقشى بولىمشەسىنىڭ ساياسي جەتەكشىسى لي ۋىنبيننىڭ 33 جاسقا تولعان تۋعان كۇنى. وسى كۇنى ونىڭ سەرىكتەسىپ تۋىسقاندىق قاتىناس ورناتقان تۋىسى ـــ بۇراتالا قالاسى ۇتىبۇلاق قالاشىعى باياربۇلاق قىستاعىنىڭ ديحانى ازەز مامۋت پەن ونىڭ وتباسىنداعىلار ساقشى بولىمشەسىنە بارىپ، تۋعان كۇنىنە ارناپ وعان دۇتتار ۇسىندى. لي ۋىنبين: بۇگىن تۋىسىم ماعان دۇتتار اكەلىپ بەردى، بۇل شينجياڭدىقتاردىڭ بيگە باسىپ، كوڭىلدى دە قۋانىشتى تۇرمىس كەشىرىپ جاتقانىن بەينەلەيدى،-دەدى.
ول ەكەۋىنىڭ اڭگىمەسىن، وتكەن جىلى ازەز مامۋت قارىز اقشامەن جۇك اۆتوموبيلىن ساتىپ العانىنان باستاپ ايتۋعا تۋرا كەلەدى. سول كەزدە، ازەز مامۋت جۇك اۆتوموبيلىن ساتىپ الىپ، جۇك تاسىمالداۋ جۇمىسىمەن اينالىسۋدى ويلايدى، ءبىراق قارجى جەتىسپەگەندىكتەن، قىسقا ءجىپ كۇرمەۋگە كەلمەيدى. ازەز مامۋت: قاتتى جابىرقادىم، قينالعانىمدى ايتىپ سۇراما، قارىز اقشا الا المادىم، باسقالار سەنبەسە امالىڭ جوق ەكەن،-دەدى.
ازەز مامۋتتىڭ ءۇمىتى ءۇزىلىپ وتىرعاندا، لي ۋىنبين ونىڭ ۇيىنە بارىپ، وعان كەپىل بولىپ، بانكەدەن 100 مىڭ يۋان قارىز اقشا الىپ بەرەدى. ازەز مامۋت: ول قانجىلىك بولا ءجۇرىپ، اقشا ماسەلەسىن شەشىپ بەردى، مۇنداي تۋىسىمنىڭ بولعانىنا ەرەكشە قۋانامىن، قازىر، ول ءوز ۇلىم سەكىلدى بولىپ كەتتى،-دەدى.
قازىر، ازەز مامۋت قۇرىلىس ورنىندا زات تاسيدى، كۇنىنە 200 يۋاننان ارتىق اقشا تابادى، ول ۇلى لي ۋىنبيندى ەسىنەن شىعارمايدى. لي ۋىنبين: اكەم ۇنەمى ماعان تەلەفوندا حابارلاسىپ تۇرادى، ۇيدە جاقسى تاماق ىستەلسە، الدىمەن ماعان تەلەفوندا حابارلاسادى، وسىندا ءبىر ءۇيىم بار سەكىلدى، كوڭىلىم جىلىپ، ءجاي تابادى،-دەدى.
ازەز مامۋت: «تۋىستىق سۇيىسپەنشىلىگىمىز تەرەڭدەپ، بەينە دۋتاردىڭ اۋەنىندەي سايكەسىپ، شات-شادىمان ءوتۋىمىزدى ءۇمىت ەتەمىن»،-دەدى.

بەرىپ كەت ورامالىڭدى

دوستار

الىستاعى اق ەركە