باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىزداعى وفيتسەرلەر مەن اسكەرلەر، ءار ۇلت حالىق بۇقاراسى، ءبىر نيەت ءبىر تىلەكتە بولىپ جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن جۇزەگە اسىرۋ جولىندا تىنباي كۇرەس جاسايتىندارىن ءبىلدىردى

    كەلۋ قاينارى: شينجياڭ حالىق راديو ىستانسياسى    2017-08-02 17:25:28  
ستانسيامىزدىڭ جيناق حابارىن تىڭداڭىزدار: جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسى 1-تامىز تۇستەن بۇرىن بەيجيڭ حالىق سارايىندا سالتاناتپەن اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەپ، بىلاي دەپ باسا دارىپتەدى: حالىق ارمياسىنىڭ شۇعىلالى تاريحى قىزىل قانمەن، قىرشىن جانمەن قالىپتاسقان، ماڭگى ءبىزدىڭ ەسىمىزدە ساقتالۋعا ءتيىستى. حالىق ارمياسىنىڭ تاريحي تاجىريبەلەرىنە جاپالى ىزدەنىس ارقىلى قول جەتكەن، بىزدىڭ ماڭگى اسقاقتاتۋىمىزدى قاجەت ەتەدى. حالىق ارمياسىنىڭ تاريحي دامۋى ادالدىقپەن مىندەتكەرلىكتى قوزعاۋشى كۇش ەتكەن، ءبىزدى ماڭگى العا ىلگەرىلەۋگە شابىتتاندىرادى. جۇڭحۋا ۇلتىنىڭ ۇلى گۇلدەنۋى، جۇڭگو حالقىنىڭ اناعۇرلىم جارقىن تۇرمىسقا كەنەلۋى ءۇشىن، ءسوز جوق، حالىق ارمياسىن دۇنيە جۇزىندەگى ماڭداي الدى ارميا ەتىپ قۇرىپ شىعۋدى جەدەلدەتۋ كەرەك. ءبىز اۋەلگى ماقساتتى ۇمىتپاي، ۇدىرە العا تارتىپ، ارميانى قۇدىرەتتەندىرۋدىڭ جۇڭگوشا جولىنان جازباي، ارميانى قۇدىرەتتەندىرۋ ءىسىن ۇزبەي العا ىلگەرىلەتىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن قۇلشىنا جۇزەگە اسىرۋىمىز كەرەك.
1-تامىز تۇستەن بۇرىن، رايونىمىزدىڭ جەر-جەرى، ورىندار ۇيىمداستىرىپ جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسىنىڭ بارىسىن راديودان تىڭداپ، تەلەۆيزوردان كوردى، باس شۋجي شي جينپيڭنىڭ جينالىستا سويلەگەن ماڭىزدى ءسوزى ءار ۇلت كادرلارى مەن بۇقاراسىن ايىرىقشا شابىتتاندىردى.
90 جىلدان بەرى، ۇزاق ۋاقىتتىق ءاماليات بارىسىندا، حالىق ارمياسى پارتيانىڭ تۋى استىندا العا ىلگەرىلەپ، ءبىر تۇتاس ارميا قۇرۋ، ارميا باسقارۋ پرينسىبىن قالىپتاستىرىپ، حالىقتىق شايقاستىڭ ستراتەگيالىق تاكتيكاسىن دامىتىپ، وزگەشە داڭقتى ءداستۇر مەن تاماشا ستيلدى جەتىلدىردى. بۇل حالىق ارامياسىنىڭ جەڭىستەن جەڭىسكە قاراي ىلگەرىلەۋىنىڭ اتا مۇراسى، حالىق ارمياسىنىڭ ءسوزسىز ماڭگى ەستەن شىعارماۋعا ءتيىستى توڭكەرستىك جان تامىرى. ۇستىنەن تاراتۋدى كورگەن رايونىمىزداعى وفيتسەرلەر مەن اسكەرلەر، توڭكەرستىك جان تامىردى ۇرپاقتار بويى جالعاستىراتىندىقتارىن ءبىلدىردى. شينجياڭدا تۇراتىن بەلگىلى قىزىل ارميا شىسى تانكى تۋانىنىڭ جاۋىنگەرى كۇڭ فان:« توڭكەرستىك گەندى جالعاستىرىپ، ءوز ورنىمدا تابان تىرەپ، جاپالى جاتتىعۋ جاساپ، مۇقالماس جەڭىمپاز ونەر يگەرىپ، ارميانى قۇدىرەتتەندىرۋ ىستەرى مەن شينجياڭنىڭ گۇلدەنۋى جانە ورنىقتىلىعى ءۇشىن قىزىل ارميا ءىزباسارىنىڭ ۇزدىك ناتيجەسىن تاپسىرامىن»،-دەدى.
شينجياڭدا تۇراتىن قارۋلى ساقشى 8660-اسكەري ءبولىمىنىڭ وفيتسەرلەرى مەن اسكەرلەرى تەلەۆيزوردان ۇستىنەن تاراتىلعان جينالىستىڭ بارىسىن كوردى. كوپشىلىك، حالىق ارمياسى جۇڭگو كوممۋنيستىك پارتياسىنىڭ باسشىلىعىندا شۇعىلالى تاريحتى باستان وتكىزىپ، ەلەۋلى ەڭبەك ءسىڭىردى، ارميانى قۇدىرەتتەندىرۋ ىستەرىنىڭ نۇرلى بولاشاعىنا كوز جىبەرىپ، ءسوزجوق باس شۋجي شي جينپيڭنىڭ ءسوزى مەن تالابى بويىنشا، حالىقتى كوكەيدە ساقتاۋعا تاباندى بولىپ، حالىق ءۇشىن قارۋ اسىنىپ، حالىق ءۇشىن شايقاسۋ سىندى قاسيەتتى بورىشتى ەستە بەرىك ساقتاپ، حالىقتىڭ بەيبىتشىلىگىن، ەڭبەگى مەن تۇرمىسىن باتىل قورعايتىندىقتارىن ءبىلدىردى. شينجياڭدا تۇراتىن قارۋلى ساقشى 8660-اسكەري ءبولىمى بەلگىلى ليانىنىڭ جاۋىنگەرى ۋ جاۋيۋان: « قازىرگى بەيبىتشىلىگىمىز بەن گۇلدەنىپ-كوركەيۋىمىز نەشە ۇرپاق توڭكەرستىك اعا بۋىنداردىڭ جانى مەن قانىنىڭ بوداۋىندا كەلگەن، سوندىقتان ءبىز وسى اعا بۋىنداردى، تاريحتى ەستەن شىعارماۋىمىز ءتيىس، ءبىز ءوز قىزمەتىمىزدى تابان تىرەپ ىستەپ، جاۋدى تالقانداۋ ونەرىن قۇلشىنا ۇيرەنىپ، قاي قاشاندا پارتيانىڭ سوزىنە قۇلاق اسىپ، پارتياعا ىلەسىپ، ىسجۇزىندىك ارەكەتىمىز ارقىلى پارتيانىڭ ارميانى قۇدىرەتتەندىرۋ ىستەرىنە، جۇڭگو ارمانىن ورىنداۋعا بارلىق كۇش-قۋاتىمىزدى ارناۋىمىز كەرەك»،-دەدى.
باس شۋجي شي جينپيڭ، ءار قانداي ادامنىڭ، ءار قانداي ۇيىمنىڭ، ءار قانداي ساياسي پارتيانىڭ ءار قانداي ۋاقىتتا، ءار قانداي فورمامەن، جۇڭگونىڭ ءار قانداي تەرريتورياسىن جۇڭگودان ءبولىپ اكەتۋىنە مۇلدە رۇحسات ەتىلمەيدى، كىمدە كىم بىزگە وتانىمىزدىڭ يەلىك ۇقىعىن، حاۋىپسىزدىگىن، دامۋ مۇددەسىن ءبۇلدىرۋ زاردابىن تارتقىزۋدان دامەلەنبەسىن دەگەندى باسا دارىپتەدى. پوسكام اۋداندىق پارتكومنىڭ تۇراقتى مۇشەسى، قارۋلى كۇش ءبولىمىنىڭ ساياسي كوميسسارى چين جيڭ: «قارۋلى ءبولىم-مەملەكەت قورعانىسى اتتانىسقا كەلتىرۋ جۇيەسىنىڭ ماڭىزدى ءبىر بۋىنى، تۇرعان جەرىنىڭ قوعام ورنىقتىلىعى مەن باياندى تىنىشتىعىن قورعايتىن ورنىقتىرعىش، ءبىز بارلىق وفيتسەرلەر مەن اسكەرلەردى ماشاقاتتى جاتتىعۋ جاساپ، قوعام ورنىقتىلىعى مەن باياندى تىنىشتىق ءۇشىن تيەسىلى ۇلەس قوسۋعا تاربيەلەيمىز»،-دەدى.
وتانىمىزدى قۇدىرەتتى اسكەري قوسىننىڭ قورعاۋى ءۇرىمجى قالاسى جيانچۋان كوشەسى شىعىس الەۋمەتتىك اۋماعىنىڭ تۇرعىنى يۋان شۋجۋاندى ەرەكشە باقىت سەزىمىنە بولەدى. ول: «قازىرگىدەي تاماشا قوعامدا جاساۋىمىزدىڭ ءوزى زور باقىت، وسىنشاما قۇدىرەتتى ارميا بىزگە تىرەك بولۋدا، تۇرمىسىمىز كۇننەن كۇنگە جاقسارادى دەپ قارايمىن»،-دەدى.
اۆتونوميالى رايوندىق سۋ يگىلىگى مەڭگەرمەسى ساياسي ءبولىمىنىڭ ورىنباسار مەڭگەرۋشىسى ءابدىسالام ءسابيت ۇستىنەن تاراتىلعان جينالىستىڭ بارىسىن كورگەننەن كەيىن، ەرەكشە تەبىرەندى. ول:« جۇڭگو كوممۋنيستىك پارتياسىنىڭ باسشىلىعىندا عانا وسىنشاما قۇدىرەتتى حالىق ارمياسى قۇرىلدى، ءبىز باقىتتى دا تىنىش تۇرمىسقا قول جەتكىزدىك، قوس ءجۇز جىلدىق كۇرەس نىساناسى مەن جۇڭحۋا ۇلتىنىڭ ۇلى كوركەيۋى ءسوزجوق جۇزەگە اسادى. شينجياڭداعى ءار ۇلت سۋ يگىلىگى كادرلارى مەن جۇمىسشى-قىزمەتكەرلەرى ماڭگى پارتياعا ىلەسىپ، ءتىپتى دە قۇلشىنا قىزمەت ىستەپ، ۇزدىك ناتيجەمەن شينجياڭنىڭ قوعام ورنىقتىلىعى مەن باياندى تىنىشتىعى ءۇشىن ۇلەس قوسىپ، پارتيا 19-قۇرىلتايىنىڭ جەڭىسپەن اشىلۋىنا تارتۋ رەتىندە ۇسىنادى»،-دەدى.
قۇمىل قالالىق مەملەكەتتىك باجى مەكەمەسى جۇمىسشى ۇيىمىنىڭ ورىنباسار مەڭگەرۋشىسى اسەت ءالي ەرەكشە تەرەڭ اسەر الدى. ول: «قۇدىرەتتى ەلىمىز، قۋاتتى ارميامىز بولعاندا عانا حالىقتىڭ تىنىش، بەرەكەلى دە باقىتتى تۇرمىسقا كەنەلە الاتىندىعىن تەرەڭ سەزىندىم. از ۇلت كادرى رەتىندە مەن باس شۋجي شي جينپيڭنىڭ ماڭىزدى ءسوزىنىڭ رۋحىن جەتە ءتۇسىنىپ، وتاننىڭ تۇتاستىعى مەن ۇلتتاردىڭ ىنتىماعىن باتىل قورعايمىن»،-دەدى.
ءان الەمى

جول توسىلىپ قالدى

تۇلپارىم