جاڭا حابارلار

رايونىمىز دارەجەگە ءبولىپ دياگنوز قويۋ مەن ەمدەۋ ءتۇزىمى قۇرىلىسىن ىلگەرىلەتىپ، بۇقارانىڭ ناۋقاس كورسەتۋدەگى ريزا بولۋ دارەجەسىن جوعارىلاتادى

    كەلۋ قاينارى: شينجياڭ حالىق راديو ىستانسياسى    2017-08-03 11:40:40  

ستانسيامىزدىڭ جيناق حابارىن تىڭداڭىزدار: دارەجەگە ءبولىپ دياگنوز قويۋ مەن ەمدەۋ ءتۇزىمى قۇرىلىسىن ىلگەرىلەتۋ ەمدەۋ رەفورماسىنىڭ ماڭىزدى مازمۇنى، اۆتونوميالى رايون وتباسىندىق شيپاگەرمەن توقتامداسۋ، ەمدەۋ بىرىككەن تۇلعاسى قۇرىلىسىن تەزدەتۋ سياقتى شارالاردى جالپىلاستىرۋ ارقىلى، ساپالى ەمدەۋ بايلىعىن تومەنگە جەتكىزۋدى جەبەپ، عىلىمي ۇيلەسىمدى ەمدەلۋ ءتارتىبىن قالىپتاستىرىپ، «جەڭىل اۋرۋدى الەۋمەتتىك اۋماقتا ەمدەتۋ، سالماقتى اۋرۋلاردى شيپاحانادا ەمدەتۋ، كۇتىمدەلگەندە الەۋمەتتىك اۋماققا قايتۋ» نىساناسىن بىرتىندەپ جۇزەگە اسىردى.
پوسكام اۋدانى ءسايلى اۋىلدىق دەنساۋلىق ساقتاۋ ورنىندا، شيپاگەرلەر بەل ومىرتقا ارالىق تاباقشاسى تومپايعان مامەت ءابدىقادىردى فيزيكالىق جولمەن ەمدەدى. مامەت ابدىقادىر تىلشىگە، بۇرىن ءار جىلى اۋداندىق شيپاحاناعا بارىپ، اۋرۋحاناعا جاتىپ ەمدەلۋگە تۋرا كەلەتىنىن، اۋىل-قالاشىق دەنساۋلىق ساقتاۋ ورنىنىڭ ەمدەۋ جابدىقتارى مەن ەمدەۋ قىزمەتكەرلەرىنىڭ دەڭگەيىنىڭ ۇزدىكسىز جوعارىلاۋىنا بايلانىستى، بۇگىنگى كۇندە ءوز اۋىلىندا ءۇش ولشەمدى سوزۋ، ۋقالاۋ سياقتى ەمدەۋ تاسىلدەرىمەن ەمدەلگەنىن ايتىپ: «ەمدەۋ ءونىمى جاقسى، بۇرىن مۇنداي اۋرۋدى تەك اۋدانعا بارىپ ەمدەتىپ، ۇيدەگىلەر اۋدان مەن ءۇي اراسىنا سابىلۋعا تۋرا كەلىپ، ەرەكشە اۋرە-سارساڭ بولاتىن، قازىر دەنساۋلىق ساقتاۋ ورنىنىڭ شارت-جاعدايى جاقسارىپ، ءوز جەرىمىزدە الاڭسىز ەمدەلەتىن بولدىم»،-دەدى.
2017-جىلى تۇتاس رايونىمىزدىڭ دەنساۋلىق ساقتاۋ، جوسپارلى تۋىت سالاسىنداعى تۇراقتى مۇلىككە 11 ميلليارد 700 ميلليون يۋان قارجى قوسۋ جوسپارلاندى، بۇل 2016-جىلداعىدان مەجەمەن %58.1 ارتتى. قازىر، بۇكىل رايونىمىزدىڭ اۋىل جانە قىستاق ەمدەۋ دەنساۋلىق ساقتاۋ قۇرىلىمدارىنىڭ ولشەمدەنۋ شاماسى جەكە-جەكە %68.57 جانە %71.50 گە جەتىپ وتىر. جەر-جەردىڭ دەنساۋلىق ساقتاۋ، جوسپارلى تۋىت تاراۋلارى بۇل ورايدان پايدالانىپ، جەرگىلىكتى ورىننىڭ ەرەكشەلىگىنە باعىتتاي ەمدەۋ رەفورماسى جوباسىن جاسادى. اقسۋ ايماعى تاربيەلەۋ ارقىلى نەگىزگى ساتى شيپاگەرلەرىنىڭ دياگنوز قويۋ جانە ەمدەۋ قىزمەت وتەۋ دەڭگەيىن جوعارىلاتىپ، دارەجەگە ءبولىپ دياگنوز قويۋدى جانە ەمدەۋدى دارىندى جاعىنان قامتاماسىز ەتتى. حوتان ايماعى ەمدەۋ قىزمەت وتەۋ جۇيەسى قۇرىلىسىن كەمەلدەندىرۋ ارقىلى، نەگىزگى ساتىنىڭ اۋرۋدىڭ الدىن الۋ، ەمدەۋ قۋاتىن ارتتىردى. حوتان ايماقتىق دەنساۋلىق ساقتاۋ جانە جوسپارلى تۋىت كوميتەتى پارتگرۋپپاسىنىڭ شۋجيى، ورىنباسار مەڭگەرۋشىسى ءرابيا ءابدىراحىمان: «ەمدەۋ قىزمەت وتەۋ جۇيەسىنىڭ قۇرىلىسى ارقىلى، ايماق، اۋدان، اۋىل، قىستاق ءتورت دارەجەلى جۇيە قۇرىلىسى تورابىن كەمەلدەندىردىك. جەڭىل اۋرۋلاردى قىستاقتا، سالماقتى اۋرۋدى اۋىلدا، ءجيى ۇشىرايتىن اۋرۋلاردىڭ %90 ءىن اۋدان كولەمىندە ەمدەتۋگە مۇمكىندىك جاساپ، بۇقارانىڭ اۋرۋدان قايتا كەدەيلەسۋ، اۋرۋدان كەدەيلەسۋ ماسەلەلەرىن تۇبىرىنەن شەشۋگە قۇلشىندىق»،-دەدى.
اۆتونوميالى رايوندىق حالىق شيپاحاناسى، شينجياڭ مەديتسينا ۋنيۆەرسيتەتىنە قاراستى ءبىرىنشى شيپاحانا سياقتى اۆتونوميالى رايون دارەجەسىندەگى A دارەجەلى ءۇش شيپاحانا ىلگەرىندى-كەيىندى وڭىرلىك ەمدەۋ بىرىككەن تۇلعاسىن باستاپ قۇرىپ، نەگىزگى ساتى شيپاحاناسىمەن سەرىكتەسۋ، الىس ارالىقتا بىرلەسىپ دياگنوز قويىپ ەمدەۋ، وپەراتسيا بارىسىنا نۇسقاۋشىلىق ەتۋ سياقتى تاسىلدەر ارقىلى، ساپالى ەمدەۋ بايلىعىنىڭ تومەنگە جەتۋىن جۇزەگە اسىردى.
قۇمىل قالالىق ورتالىق شيپاحاناسىنىڭ اۋىرۋحاناسىندا لي لي اتتى ناۋقاس اۋرۋحانادان شىعۋ ءراسىمياتىن بىتىرۋدە ەكەن. شىلدەنىڭ باسىندا، لي ليدە اسقازان اۋرۋ سىقىلدى اۋرۋ بەلگىلەرى بايقالعاندىقتان شيپاحاناعا بارىپ ەمدەلگەن، قۇمىل قالالىق ورتالىق شيپاحاناسى مەن اۆتونوميالى رايوندىق حالىق شيپاحاناسىنىڭ ماماندارى الىس ارالىقتا بىرلەسىپ دياگنوز قويىپ ەمدەۋ ارقىلى، ونىڭ اسقازانىنا تۇيمەشىك شىققانىن، دەرەۋ وپەراتسيا جاساۋ كەرەكتىگىن تۇراقتاندىردى. لي لي: «شيپاحانا حابارلاسىپ، اۆتونوميالى رايوننان مامانداردى وپەراتسيا جاساۋعا ۇسىنىس ەتتى، وپەراتسيا جانە ەمدەۋ ءساتتى بولدى، جارىسپالى اۋرۋلار بايقالمادى، ەمدەۋ بىرىككەن تۇلعاسىنىڭ ابزالدىلىعىن سەزىندىم، بۇل بۇقارانىڭ ەمدەلۋ قاراجاتىن ۇنەمدەپ، ولارعا قولايلىلىق جاراتتى»،-دەدى.
«اۋرۋدى الدىمەن نەگىزگى ساتىدا كورسەتۋ، قوس باعىتتا اۋىستىرىپ ەمدەۋ، شۇعىل اۋرۋ مەن سوزىلمالى اۋرۋدى ايىرىپ ەمدەۋ، جوعارى مەن تومەن ىقپالداستىق قاتىناس ورناتۋ» نىساناسىن ورىنداۋعا كەپىلدىك ەتۋ ءۇشىن، وتكەن جىلى اۆتونوميالى رايون «اۆتونوميالى رايوننىڭ دارەجەگە ءبولىپ دياگنوز قويۋ جانە ەمدەۋ قىزمەتىن اتقارۋ پىكىرىن» شىعارىپ، قارامايلى سياقتى ءۇش ايماق-قالانى ءتۇيىن ەتكەن وتباسىندىق شيپاگەرمەن توقتامداسۋ ۇلگىسىن جاپپاي ورىستەتىپ، توقتامداسقان ناۋقاستار وتباسى شيپاگەرىنىڭ ىقىلاستى وتباسىندىق ەمدەۋ قىزمەت وتەۋىنەن يگىلىكتەنەتىن بولدى. اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى پارتگرۋپپاسىنىڭ ورىنباسار شۋجيى، ورىنباسار مەڭگەرۋشىسى پىڭ يۇڭ: «ەمدەۋ بىرىككەن تۇلعاسى قۇرىلىسى مەن وتباسىندىق شيپاگەرمەن توقتامداسۋ جۇرىلەدى. بيىل مەملەكەت پەن اۆتونوميالى رايوننىڭ تالابى بويىنشا، تۇرپان قالاسى، قارامايلى قالاسى جانە قۇمىل قالاسى سياقتى سىناق ءتۇيىنى قالالارىندا، ءتۇيىندى ادام شوعىرىمەن توقتامداسۋ مولشەرى %60 كە، جاي بۇقارامەن توقتامداسۋ مولشەرى %30 كە جەتكىزىلەدى. وتباسىندىق شيپاگەرمەن توقتامداسۋ قىزمەت وتەۋىنىڭ ءار ۇلت بۇقاراسىنىڭ دەنساۋلىعىن قورعاۋ رولىن شىنايى اتقارۋىنا مۇمكىندىك جاراتىلادى»،-دەدى.


بەرىپ كەت ورامالىڭدى

دوستار

الىستاعى اق ەركە