باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسى بەيجيڭدە سالتاناتپەن وتكىزىلدى

    كەلۋ قاينارى: شينجياڭ گازەتى    2017-08-02 19:56:47  

ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسى 1 - تامىزدا بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى. (شينحۋا اگەنتتىگى)

شي جينپيڭ مىنالاردى باسا دارىپتەدى: حالىق ارمياسىنىڭ شۇعىلالى تاريحى قىزىل قانمەن، قىرشىن جانمەن قالىپتاسقان، ماڭگى ءبىزدىڭ ەسىمىزدە ساقتالۋعا ءتيىستى. حالىق ارمياسىنىڭ تاريحي تاجىريبەلەرىنە جاپالى ىزدەنىستەر ارقىلى قول جەتكەن، ءبىزدىڭ ماڭگى اسقاقتاتۋىمىزدى قاجەت ەتەدى. حالىق ارمياسىنىڭ تاريحي دامۋى ادالدىق پەن مىندەتكەرلىكتى قوزعاۋشى كۇش ەتكەن، ءبىزدى ماڭگى العا باسۋعا ىنتالاندىرادى. جۇڭحۋا ۇلتىنىڭ ۇلى گۇلدەنۋى، جۇڭگو حالقىنىڭ اناعۇرلىم جارقىن تۇرمىسقا كەنەلۋى ءۇشىن، ءسوز جوق، حالىق ارمياسىن الەمدەگى ماڭداي الدى ارميا ەتىپ قۇرىپ شىعۋدى جەدەلدەتۋ كەرەك. ءبىز اۋەلگى ماقساتتى ۇمىتپاي، ۇدىرە العا تارتىپ، ارميانى قۇدىرەتتەندىرۋدىڭ جۇڭگوشا جولىنان جازباي، ارميانى قۇدىرەتتەندىرۋ ءىسىن ۇزبەي العا ىلگەرىلەتىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن قۇلشىنا ىسكە اسىرۋىمىز كەرەك
لي كىچياڭ جينالىستى باسقاردى، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جينالىسقا قاتىناستى
شينحۋا اگەنتتىگىنىڭ 1 - تامىزدا بەيجيڭنەن بەرگەن حابارى. جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسى 1 - تامىز تۇستەن بۇرىن بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەپ، مىنالاردى باسا دارىپتەدى: حالىق ارمياسىنىڭ شۇعىلالى تاريحى قىزىل قانمەن، قىرشىن جانمەن قالىپتاسقان، ماڭگى ءبىزدىڭ ەسىمىزدە ساقتالۋعا ءتيىستى. حالىق ارمياسىنىڭ تاريحي تاجىريبەلەرىنە جاپالى ىزدەنىستەر ارقىلى قول جەتكەن، ءبىزدىڭ ماڭگى اسقاقتاتۋىمىزدى قاجەت ەتەدى. حالىق ارمياسىنىڭ تاريحي دامۋى ادالدىق پەن مىندەتكەرلىكتى قوزعاۋشى كۇش ەتكەن، ءبىزدى ماڭگى العا باسۋعا ىنتالاندىرادى. جۇڭحۋا ۇلتىنىڭ ۇلى گۇلدەنۋى، جۇڭگو حالقىنىڭ اناعۇرلىم جارقىن تۇرمىسقا كەنەلۋى ءۇشىن، ءسوز جوق، حالىق ارمياسىن الەمدەگى ماڭداي الدى ارميا ەتىپ قۇرىپ شىعۋدى جەدەلدەتۋ كەرەك. ءبىز اۋەلگى ماقساتتى ۇمىتپاي، ۇدىرە العا تارتىپ، ارميانى قۇدىرەتتەندىرۋدىڭ جۇڭگوشا جولىنان جازباي، ارميانى قۇدىرەتتەندىرۋ ءىسىن ۇزبەي العا ىلگەرىلەتىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن قۇلشىنا ىسكە اسىرۋىمىز كەرەك.
  جينالىسقا ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قاتىناستى.
  حالىق سارايى ايبىندى دا سالتاناتتى بەينەگە ەندى. ءتوراعالار مىنبەسىنىڭ جوعارى جاعىنا «جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسى» دەگەن كەرمە اسىلىپ، پەردەنىڭ قاق ورتاسىنا جۇڭگو حالىق ازاتتىق ارمياسىنىڭ گەربى ءىلىنىپ، «1927 − 2017» دەگەن جازۋ جاپسىرىلعان، 10 قىزىل تۋ ەكى قاناتقا ءبولىنىپ قويىلعان. زالدىڭ 2 - قاباتىنداعى تەكشەگە «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، اۋەلگى ماقساتتى ۇمىتپاي، ۇدەرە العا تارتىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن ىسكە اسىرىپ، حالىق ارمياسىن الەمدەگى ماڭداي الدى ارميا ەتىپ قۇرۋ، قوس 100 جىلدىق كۇرەس نىساناسىن ورىنداپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ جولىندا قۇلشىنا كۇرەس جۇرگىزەيىك!» دەگەن كەرمە ۇرانى ىلىنگەن.
  تۇستەن بۇرىن ساعات 10دا، لي كىچياڭ قۇتتىقتاۋ جينالىسىنىڭ باستالعاندىعىن جاريالادى، زالداعىلار ورىندارىنان تۇرىپ، مەملەكەت ءانىن اسقاقتاتا شىرقادى.
  قىزۋ قول شاپالاق سوعىلىپ، شي جينپيڭ ماڭىزدى ءسوز سويلەدى. ول مىنالاردى باسا دارىپتەدى: بۇگىن ءبىز وسىندا سالتاناتتى جينالىس وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاپ، جۇڭگو كوممۋنيستىك پارتياسىنىڭ باسشىلىعىنداعى حالىق ارمياسىنىڭ شۇعىلالى تاريحي بارىسىن ەسكە الىپ، قورعانىس جانە ارميانى وسىزامانداندىرۋ قۇرىلىستارىنىڭ جارقىن بولاشاعىنا كوز جىبەرىپ، بۇكىل پارتيانى، بۇكىل ارميانى جانە بۇكىل ەلدەگى ءار ۇلت حالقىن ۇزدىكسىز كۇرەس جۇرگىزىپ، مەملەكەتتى، ارميانى قۇدىرەتتەندىرۋگە كۇش توپتاپ، «قوس 100 جىلدىق» كۇرەس نىساناسىن ورىنداپ، جۇڭحۋا ۇلتىنىڭ ۇلى گۇلدەنۋى سىىندى جۇڭگو ارمانىن ىسكە اسىرۋعا جۇمىلدىرىپ وتىرمىز.
  شي جينپيڭ مىنالاردى اتاپ كورسەتتى: 1927 - جىلى 1 - تامىز كۇنى، نانچاڭ قامالىنان اتىلعان مىلتىق داۋىسى پارتيامىزدىڭ گومينداڭ كەرتارتپاشىلارىنا كورسەتكەن قارۋلى قارسىلىعىنىڭ شىمىلدىعىن اشتى. بۇل جۇڭگو كوممۋنيستىك پارتياسىنىڭ تاريحىنداعى ۇلى وقيعا، جۇڭگو توڭكەرىسىنىڭ تاريحىنداعى ۇلى وقيعا جانە جۇڭحۋا ۇلتىنىڭ دامۋ تاريحىنداعى ۇلى وقيعا بولدى. سونان باستاپ جۇڭگو كوممۋنيستىك پارتياسىنىڭ باسشىلىعىنداعى حالىق ارمياسى جۇڭگو حالقىنىڭ ازاتتىعى مەن باقىتىن كوزدەپ، جۇڭحۋا ۇلتىنىڭ تاۋەلسىزدىگى مەن گۇلدەنۋىنە جول قاراستىرعان جويقىن تاريحي ۇدەرىسكە ەرلىكپەن ات سالىپ، جۇڭگو حالقىنىڭ جانە جۇڭحۋا ۇلتىنىڭ تاعدىرىمەن بىتە قايناسىپ كەتتى. 90 جىلدان بەرى حالىق ارمياسى قاندى مايدانداردى باستان وتكەرىپ، بەت قاراتپاس ەكپىن تانىتىپ، وتە ۇلكەن قۇرباندىق بەرىپ، شۇعىلالى جەڭىستەرگە جەتىپ، پارتيا مەن حالىققا ۇلى تاريحي ەڭبەكتەر ءسىڭىردى.
  شي جينپيڭ مىنالاردى باسا دارىپتەدى: 90 جىلدان بەرى ءبىزدىڭ مەملەكەتىمىز بەن ۇلتىمىز اۋىر ساتسىزدىكتەر جولىققان تۇستاردا ەڭسەسىن تىك ۇستاپ، قايعى - قاسىرەت كورسە دە داڭق قۇشىپ، بۇرىن بولماعان تاريحي وزگەرىسكە قول جەتكىزىپ، ەڭسە كوتەرۋدەن داۋلەت قۇراۋعا، ونان قۇدىرەتتەنۋگە دەيىنگى ۇلى سەكىرىستى ىسكە اسىردى. بۇل جۇڭگو كوممۋنيستىك پارتياسىنىڭ پارمەندى باسشىلىعىنىڭ جەڭىسى، جۇڭگو حالقىنىڭ قاجىماي - تالماي كۇرەس جۇرگىزۋىنىڭ جەڭىسى جانە حالىق ارمياسىنىڭ ەرلىكپەن شايقاس جاساۋىنىڭ جەڭىسى.
  شي جينپيڭ مىنالاردى ءبىلدىردى: وسى داڭقتى دا سالتاناتتى ساتتە، ءبىز حالىق ارمياسىن قۇرعان جانە جەتىلدىرگەن ماۋ زىدۇڭ، جوۋ ىنلاي، ليۋ شاۋچي، جۋ دى، دىڭ شياۋپيڭ جولداس جانە پىڭ دىحۋاي، ليۋ بوچىڭ، حى لۇڭ، چىن ي، لو رۇڭحۋان، شۇي شياڭچيان، نيە رۇڭجىن، يە جيان - يىڭ جولداس سياقتى اعا بۋىن توڭكەرىسشىلەر مەن اسكەري مامانداردى تەرەڭ ساعىنىشپەن ەسكە الامىز. ولاردىڭ ۇلى ەڭبەكتەرى جۇڭحۋا ۇلتىنىڭ تاريحىنا ماڭگى جازىلادى.
شي جينپيڭ مىنالاردى ءبىلدىردى: وسى داڭقتى دا سالتاناتتى ساتتە، ءبىز حالىق ارمياسىنان جۇڭگو حالقىنىڭ ازاتتىق ىستەرى مەن سوتسياليستىك قۇرىلىس ىستەرى جولىندا ەرلىكپەن جان قيعان توڭكەرىستىك قۇربانداردى تەرەڭ ساعىنىشپەن ەسكە الامىز. ولاردىڭ بەرگەن قۇرباندىعى مەن قوسقان ۇلەسى جۇڭگو حالقىنىڭ جۇرەگىندە ماڭگى ساقتالادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسى 1 - تامىزدا بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جانە لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قاتارلىلار جينالىسقا قاتىناستى. (شينحۋا اگەنتتىگى)

 شي جينپيڭ پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، وتاندى قورعاۋ، وتاندى كوركەيتۋدىڭ ءار بۋىنىندا كۇرەس جۇرگىزىپ جاتقان حالىق ازاتتىق ارمياسىنىڭ كوماندير - جاۋىنگەرلەرىنىڭ، قارۋلى ساقشى بولىمدەرىنىڭ كوماندير - جاۋىنگەرلەرىنىڭ، زاپاستاعى اسكەري قىزمەتكەرلەردىڭ جانە قالىڭ حالىق جاساعىنىڭ مەرەكەسىنە قۇتتى بولسىن ايتتى، حالىق ارمياسىنان جۇڭگونىڭ توڭكەرىس، قۇرىلىس، رەفورما ىستەرىنە ەلەۋلى ۇلەس قوسىپ، دەمالىسقا، زەينەتكە شىققان قارت جولداستارعا شىن جۇرەكتەن سالەم جولدادى، ءار كەزەڭدە حالىق ارمياسىنىڭ قۇرىلىسىنا سۇبەلى ۇلەس قوسىپ، كاسىپ اۋىستىرعان، قوسىننان شەگىنگەن اسكەريلەردەن، توڭكەرىستىك مۇگەدەك اسكەريلەردەن جانە قۇربانداردىڭ ءۇي ىشىندەگىلەردەن شىنايى حال سۇرادى، قورعانىس عىلىم - تەحنيكاسى جانە قورعانىس ونەركاسىبى شەبىندە قايسارلىقپەن كۇرەس جۇرگىزىپ جاتقان عالىمدارعا، ينجەنەر - تەحنيكالىق قىزمەتكەرلەرگە جانە قالىڭ جۇمىسشى - قىزمەتشىلەرگە شىن جۇرەكتەن العىس ايتتى، ۇزاق مەزگىلدەن بەرى حالىق ازاتتىق ارمياسىنىڭ قۇرىلىسىنا كوڭىل ءبولىپ، قولداۋ كورسەتىپ كەلگەن بۇكىل ەلدەگى ءار ۇلت حالقىنا وسكەلەڭ قۇرمەت ءبىلدىردى.
  شي جينپيڭ مىنالاردى اتاپ كورسەتتى: 90 جىلدان بەرى ۇزاق ۋاقىتتىق اماليات بارىسىندا، حالىق ارمياسى پارتيا تۋىنىڭ باستاۋىمەن العا ىلگەرىلەپ، ارميانى قۇرۋ، ارميانى جونگە سالۋدىڭ جۇيەلى پرينسيپتەرىن قالىپتاستىرىپ، حالىقتىق سوعىستىڭ ستراتەگيا - تاكتيكالارىن دامىتىپ، وزگەشە داڭقتى ءداستۇر مەن تاڭداۋلى ستيلدى جەتىلدىردى. بۇل حالىق ارمياسىن جەڭىستەن − جەڭىسكە جەتكىزگەن اسىل جاۋھار، حالىق ارمياسى ماڭگىلىك ەستە ساقتاۋعا ءتيىستى توڭكەرىستىك مۇرات. حالىق ارمياسىنىڭ جەڭىستەن − جەڭىسكە جەتۋى جۇڭگو كوممۋنيستىك پارتياسى باسشىلىعىنىڭ ۇلى كۇشىن ايگىلەدى، مۇرات پەن سەنىمنىڭ ۇلى كۇشىن ايگىلەدى، رەفورما جاساۋ مەن جاڭالىق اشۋدىڭ ۇلى كۇشىن ايگىلەدى، جاۋىنگەرلىك رۋحتىڭ ۇلى كۇشىن ايگىلەدى، توڭكەرىستىك ءتارتىپتىڭ ۇلى كۇشىن ايگىلەدى، ارميا مەن حالىق ىنتىماعىنىڭ ۇلى كۇشىن ايگىلەدى.
  شي جينپيڭ مىنالاردى باسا دارىپتەدى: تاريح بىزگە پارتيانىڭ قارۋلى كۇشكە قولباسشىلىق ەتۋى حالىق ارمياسىنىڭ سيپاتى مەن تۇپكى ماقساتىن ساقتاۋدىڭ ءتۇبىرلى كەپىلى ەكەندىگىن اڭعارتتى، بۇل پارتيامىزدىڭ قاندى شايقاس بارىسىندا قورىتىندىلاعان بۇلجىماس اقيقاتى، حالىق ارمياسى ءارقانداي كەزدە، ءارقانداي جاعدايدا، ءسوز جوق، پارتيانىڭ تۋىن تۋ، پارتيانىڭ باعدارىن باعدار، پارتيانىڭ ەركىن ەرىك ەتۋى كەرەك؛ وسكەلەڭ مۇرات - سەنىم − حالىق ارمياسىن ەرلىكپەن العا باستىراتىن رۋحاني كۇش، حالىق ارمياسى، ءسوز جوق، وسكەلەڭ مۇرات - سەنىمەن جازباي، ءارقانداي كەزدە، ءارقانداي جاعدايدا وسكەلەڭ مۇرات - سەنىم جولىندا جان قيارلىقپەن كۇرەس جۇرگىزۋى كەرەك؛ حالىق ارمياسىنىڭ كۇش - قۋاتى رەفورمادان، جاڭالىق اشۋدان كەلەدى، حالىق ارمياسى، ءسوز جوق، باتىلدىقپەن رەفورما جاساپ، جاڭالىق اشۋعا شەبەر بولىپ، ءارقانداي كەزدە، ءارقانداي جاعدايدا ماڭگى توقىراماۋى، ماڭگى توقتاماۋى كەرەك؛ نەشە ۇرپاق توڭكەرىستىك اسكەريلەر ولىمنەن تايسالمايتىن ەرلىككە تولى بۇلجىماس بەكىمگە سۇيەنىپ، ءارقانداي جاۋعا استە باعىنبايتىن، قايتا جاۋ اتاۋلىنى باسىپ تۇسەتىن ۇلى ارىن قالىپتاستىردى، حالىق ارمياسى، ءسوز جوق، باتىلدىقپەن شايقاس جاساپ، ءسوزسىز، جەڭىسكە جەتەتىن رۋحاني قاسيەتىن بارىنشا ساۋلەلەندىرىپ، ءارقانداي كەزدە، ءارقانداي جاعدايدا توڭكەرىستىك قاھارماندىق اسقاق جىگەرىن ساقتاۋى كەرەك؛ تارتىپشەڭدىك كۇشەيسە، توڭكەرىس جەڭىسكە جەتپەي قويمايدى، حالىق ارمياسى،ءسوز جوق، بولاتتاي بەرىك ءتارتىپ ارقىلى قۇرىشتاي ەرىك - جىگەر تۇلعالاپ، قۇرىشتاي ستيل سومداپ، قۇرىشتاي قوسىن شىڭداپ، ءارقانداي كەزدە، ءارقانداي جاعدايدا بارلىق ارەكەتتە قولباسشىلىققا قۇلاق اسۋى، اياق الىستى بىرلىككە كەلتىرىپ، العا باسۋى كەرەك؛ حالىق تىلەگىنە بەيىمدەلگەندە، حالىق رايىن تياناق ەتكەندە، حالىق كۇشىن ۇيىستىرعاندا، حالىق ارمياسى جەڭىسكە جەتپەي قويمايدى، الەمدە تەڭ كەلەتىن جاۋ دا بولمايدى، حالىق ارمياسى، ءسوز جوق، بۇكىل ىنتا - پەيىلىمەن حالىق ءۇشىن قىزمەت ىستەۋدەي ءتۇبىرلى ماقساتتى ەستە بەرىك ساقتاپ، ءارقانداي كەزدە، ءارقانداي جاعدايدا حالىقتىڭ پەرزەنت اسكەرى بولۋى كەرەك.
شي جينپيڭ مىنالاردى اتاپ كورسەتتى: پارتيانىڭ 18 - قۇرىلتايىنان بەرى، ءبىز «قوس 100 جىلدىق» كۇرەس نىساناسىن جۇزەگە اسىرۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى كوزدەپ، پارتيانىڭ قولباسشىلىعىنا قۇلاق اساتىن، جەڭىستى سوعىس جۇرگىزە الاتىن، ستيلى تاماشا حالىق ارمياسىن قۇرۋ سىندى پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن ورتاعا قويىپ، اسكەري ىستەر ستراتەگياسىنا داۋىرگە ىلەسە جاڭالىق اشۋ ارقىلى جەتەكشىلىك ەتىپ، جاڭا جاعدايداعى اسكەري ىستەر ستراتەگيالىق باعىتىن بەلگىلەپ، ساياسيدى باسشىلىققا الىپ ارميا قۇرۋدى بارىنشا كۇشەيتىپ، پارتيا ستيلى، پاكتىك قۇرىلىسى جانە جەمقورلىققا قارسى تۇرۋ كۇرەسىن مىزعىماي ورىستەتىپ، مەملەكەت قورعانىسى مەن ارميا رەفورماسىن جاپپاي تەرەڭدەتۋدى ىلگەرىلەتىپ، ارميانى زاڭمەن جونگە سالۋعا، ارميانى قاتاڭ جونگە سالۋعا تاباندى بولىپ، اسكەردى جاتتىقتىرىپ، سوعىسقا دايىندالۋدى ىشكەرىلەي ىلگەرىلەتىپ، حالىق ارمياسى قۇرىلىسىنىڭ ساپاسى مەن ونىمدىلىگىن ۇزدىكسىز جوعارىلاتتىق. 5 جىلدىق قۇلشىنىس ارقىلى حالىق ارمياسى ساياسي ەكولوگيانى جاڭالاۋدى، ۇيىمدىق فورماتسيانى جاڭالاۋدى، كۇش جۇيەسىن جاڭالاۋدى، ستيل وبرازىن جاڭالاۋدى جۇزەگە اسىردى، حالىق ارمياسى قايتالاي جاساقتالىپ، تاعى دا جورىققا اتتانىپ، ارميانى قۇدىرەتتەندىرۋدىڭ جۇڭگوشا جولىندا نىق قادام باستى.
شي جينپيڭ جاڭا جاعدايدا ارميانى قۇدىرەتتەندىرۋ ىستەرىن ىلگەرىلەتۋ جونىندە 6 ءتۇرلى تالاپ قويدى. ءبىرىنشى، پارتيانىڭ ارمياعا بولعان ابسوليۋتتى باسشىلىعىنا، ءسوز جوق، بۇلجىماي تاباندى بولىپ، حالىق ارمياسىنىڭ ماڭگى پارتياعا ىلەسۋىنە كەپىلدىك ەتىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتىپ، پارتيا ورتالىق كوميتەتىنىڭ بەدەلىن باتىل قورعاپ، پارتيا ورتالىق كوميتەتى مەن ورتالىق اسكەري ىستەر كوميتەتىنىڭ قولباسشىلىعىنا باتىل قۇلاق اسۋ كەرەك. ەكىنشى، پارتيانىڭ اسكەري ىستەرگە جەتەكشىلىك ەتۋ نازارياسىنا، ءسوزسىز، تاباندى بولىپ جانە ونى دامىتىپ، ماركسيزمدىك اسكەري ىستەر نازارياسىنىڭ جانە قازىرگى زامانعى جۇڭگو اسكەري ىستەر امالياتىنىڭ دامۋ جاڭا ءورىسىن ۇزدىكسىز اشۋ كەرەك، بۇكىل ارميا پارتيانىڭ جاڭا داۋىردەگى ارميانى قۇدىرەتتەندىرۋ يدەياسى ارقىلى كوماندير - جاۋىنگەرلەردى قارۋلاندىرۋعا تاباندى بولىپ، ماركسيزمدىك اسكەري ىستەر نازارياسىنىڭ ارميانى قۇدىرەتتەندىرۋ ۇلى امالياتى بارىسىندا اقيقاتتىڭ شۇلەن شۇعىلاسىن شاشتىرۋ كەرەك. ءۇشىنشى، نازاردى، ءسوز جوق، باستان - اياق سوعىسقا دايىندالۋعا، سوعىس جۇرگىزۋگە اۋدارىپ، جەدەل سايلاناتىن، سايلانسا سوعىسا الاتىن، سوعىسسا، ءسوزسىز، جەڭەتىن سايلاۋىت قوسىن، جاۋىنگەر جاساق دايىنداپ، پارتيا مەن حالىق قاجەت ەتكەن كەزدە اتويلاپ العا شىعۋعا، سوعىستا جەڭىسكە جەتۋگە كەپىلدىك ەتىپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىن باتىل قورعاۋ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ، وڭىرلەردىڭ جانە دۇنيە ءجۇزىنىڭ بەيبىتشىلىگىن باتىل قورعاۋ كەرەك. ءتورتىنشى، ساياسيدى باسشىلىققا الىپ ارميا قۇرۋعا، رەفورما ارقىلى ارميانى قۇدىرەتتەندىرۋگە، عىلىم - تەحنيكا ارقىلى ارميانى گۇلدەندىرۋگە، ارميانى زاڭمەن جونگە سالۋعا، ءسوز جوق، تاباندى بولىپ، مەملەكەت قورعانىسى مەن ارميانىڭ وسىزاماندانۋ دەڭگەيىن جاپپاي جوعارىلاتىپ، ساياسي قىزمەتتىڭ جان تامىرلىق رولىن ساۋلەلەندىرىپ، مەملەكەت قورعانىسى مەن ارميا قۇرىلىسىن تەجەپ وتىرعان تۇزىلىستىك كەدەرگىلەردى، قۇرىلىمدىق قايشىلىقتاردى، ساياساتتىق ماسەلەلەردى ىشكەرىلەي شەشىپ، عىلىم - تەحنيكادا جاڭالىق اشۋدىڭ حالىق ارمياسى قۇرىلىسى مەن جاۋىنگەرلىك قۋاتتى دامىتۋعا قوساتىن ۇلەس مولشەرىن ۇزدىكسىز جوعارىلاتىپ، اسكەري ىستەردى جۇڭگوشا زاڭمەن جونگە سالۋ جۇيەسىن جەدەل ورناتۋ كەرەك. بەسىنشى، ارميا مەن حالىقتىڭ توعىسپالى دامۋىن، ءسوز جوق، ىشكەرىلەي ىلگەرىلەتىپ، ارميا مەن حالىقتىڭ ءبىرتۇلعالانعان مەملەكەتتىك ستراتەگيالىق جۇيەسى مەن قۋاتىن ورناتىپ، ارميا مەن حالىقتىڭ تەرەڭدەي توعىسا دامۋىنىڭ جالپى فاكتورلى، كوپ سالالى، جوعارى ءونىمدى ارناسىن جەدەل قالىپتاستىرۋ كەرەك. التىنشى، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىنا، ءسوز جوق، تاباندى بولىپ، قاي - قاشان دا حالىق سەنەتىن، حالىق قولدايتىن، حالىق سۇيەتىن پەرزەنت اسكەر بولىپ، حالىق ءۇشىن قارۋ اسىنىپ، حالىق ءۇشىن سوعىس جۇرگىزۋدەي قاسيەتتى مىندەتتى ەستە بەرىك ساقتاپ، بۇقارامەن تىعىز بايلانىس جاسايتىن تاڭداۋلى ءداستۇردى ساۋلەلەندىرىپ، ماڭگى حالىقتىڭ قورعاۋشىسى بولۋ كەرەك. بۇكىل پارتيا، بۇكىل ارميا، بۇكىل ەلىمىزدەگى ءار ۇلت حالقى ارميا حالىقتى سۇيەتىن، حالىق ارميانى قولدايتىن داڭقتى ءداستۇردى بارىنشا ساۋلەلەندىرىپ، ارميا مەن ۇكىمەتتىڭ، ارميا مەن حالىقتىڭ مىزعىماس قاتىناسىن ۇزدىكسىز دامىتۋى كەرەك.
  شي جينپيڭ مىنالاردى اتاپ كورسەتتى: جۇڭگو قاي - قاشان دا دۇنيە ءجۇزىنىڭ بەيبىتشىلىگىن ورناتۋشى، الەمنىڭ دامۋىنا ۇلەس قوسۋشى، حالىقارالىق ءتارتىپتى قورعاۋشى بولا بەرەدى، جۇڭگو ارمياسى قاي - قاشان دا دۇنيە ءجۇزىنىڭ بەيبىتشىلىگىن قورعايتىن مىزعىماس كۇش. جۇڭگو ارمياسى الداعى جەردە حالىقارالىق اسكەري ىستەر اۋىس - كۇيىسىن، سەلبەستىگىن بۇرىنعىداي ورىستەتىپ، الەمدىك حاۋىپسىزدىك سىن - سايىستارىنا بىرگە توتەپ بەرىپ، جۇڭگونىڭ حالىقارالىق ورنىمەن سايكەس كەلەتىن جاۋاپكەرشىلىگىن جانە بورىشىن بەلسەنە اتقارىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جولىندا بەلسەنە كۇش قوسادى. (ءسوزدىڭ تولىعى ايىرىم بەرىلەدى)
  لي كىچياڭ جينالىستى باسقارعاندا بىلاي دەدى: باس شۋجي شي جينپيڭ ماڭىزدى سوزىندە، 90 جىلدان بەرى پارتيانىڭ حالىق ارمياسىنا باسشىلىق ەتىپ، كىشكەنەدەن زورايعان، السىزدەن كۇشەيگەن، جەڭىستەن − جەڭىسكە قول جەتكىزگەن شۇعىلالى بارىسىن ەسكە الدى، جۇڭگو حالقىنىڭ ازاتتىعى مەن باقىتىن كوزدەپ، جۇڭحۋا ۇلتىنىڭ تاۋەلسىزدىگى مەن گۇلدەنۋىنە جول قاراستىرعان ۇلى تاريحي ۇلەسىن القادى، حالىق ارمياسىنىڭ دامۋ، زورايۋ، جاۋلاردى الاستاپ، جەڭىسكە جەتۋ جاعىنداعى اسىل جاۋھارىن جانە كۇش - قۋاتىن بايىمدادى، ارميانى قۇدىرەتتەندىرۋ ءىسىن ىلگەرىلەتۋدە، حالىق ارمياسىن دۇنيە جۇزىندەگى ماڭداي الدى ارمياعا اينالدىرۋدا مىقتى يگەرۋگە ءتيىستى ءتۇبىرلى تالاپتى ورتاعا قويدى. ونى مۇقيات ۇيرەنىپ، ءتۇسىنىپ، باتىل دايەكتىلەندىرۋ، تياناقتاندىرۋ كەرەك. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، ۇدىرە العا تارتىپ، ارميانى قۇدىرەتتەندىرۋدىڭ جۇڭگوشا جولىمەن بۇلجىماي ءجۇرىپ، ارميانى قۇدىرەتتەندىرۋ ىستەرىن تىڭعىلىقتى تۇردە ۇزدىكسىز العا ىلگەرىلەتىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىنباي قۇلشىنۋىمىز كەرەك.
  جينالىس ايبىندى «جۇڭگو حالىق ازاتتىق ارمياسىنىڭ اسكەري گيمنىمەن» اياقتادى.
  بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى جينالىسقا قاتىناستى.
  ساقا جاۋىنگەرلەردىڭ، قۇرباندار وتباسىنداعىلاردىڭ، قارت جولداستاردىڭ، ۇكىمەتتىڭ ورنالاستىرۋىنا تاپسىرىلعان ارميادان دەمالىسقا، پەنسياعا شىققان كادرلاردىڭ، ساقا حالىق جاساقتارىنىڭ جانە ارمياداعى قاھارمان ۇلگىلەردىڭ، مەملەكەتتىك «قوس قولداۋ» ۇلگىلەرىنىڭ، ارميادان كاسىپ اۋىستىرعان مەملەكەتتىك وزات كادرلاردىڭ ۋاكىلدەرى، ورتالىقتاعى پارتيا، ۇكىمەت، ارميا تاراۋلارىنىڭ، بۇقارالىق تاراۋلاردىڭ جانە بەيجيڭ قالاسىنىڭ نەگىزگى جاۋاپتىلارى، دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، استاناداعى ءار سالا بۇقارانىڭ ۋاكىلدەرى، ازاتتىق ارميا، قارۋلى ساقشى بولىمدەرى كوماندير - جاۋىنگەرلەرىنىڭ ۋاكىلدەرى سياقتى 3000عا تاياۋ ادام جينالىسقا قاتىناستى.

ءان الەمى

جول توسىلىپ قالدى

تۇلپارىم