باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

مەملەكەتتى، ارميانى قۇدىرەتتەندىرۋدىڭ شۇعىلالى تاراۋىن جازايىق

    كەلۋ قاينارى: شينجياڭ گازەتى    2017-08-02 20:02:22  

باس شۋجي شي جينپيڭنىڭ ارميا قۇرىلعاندىعىنىڭ 90 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزداعى كادرلار مەن بۇقارا جانە اسكەري بولىمدەگى كوماندير-جاۋىنگەرلەر اراسىندا كۇشتى اڭىس قوزعادى

 گازەتىمىزدىڭ جيناق حابارى. جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسى 1 - تامىز ساعات 10دا بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى جانە ماڭىزدى ءسوز سويلەدى. رايونىمىزداعى ءار ۇلت كادر - بۇقاراسى جانە اسكەري بولىمدەگى كوماندير - جاۋىنگەرلەر تىكە تاراتىلىمدى تۇرلىشە فورمالارمەن تىڭدادى جانە كوردى. كوپشىلىك ءبىر اۋىزدان بىلاي دەستى: باس شۋجي شي جينپيڭنىڭ ماڭىزدى ءسوزىنىڭ رۋحىن جەتەكشى ەتىپ، اۋەلىگى ماقساتتى ۇمىتپاي، ۇدەرە العا تارتىپ، جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋعا مىعىم كۇش توپتاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اناعۇرلىم زور تىڭ ۇلەس قوسامىز.
  شينجياڭدا تۇراتىن بەلگىلى قىزىل ارميا ديۆيزياسىنداعى بارلىق كوماندير - جاۋىنگەرلەر ءتوراعا شي جينپيڭنىڭ ماڭىزدى ءسوزىن تىڭداعاننان كەيىن، ەرەكشە جەلپىندى. «بۇكىل ىنتا - پەيىلىممەن حالىق ءۇشىن قىزمەت ىستەۋدەي ءتۇبىرلى ماقساتقا، ءسوز جوق، تاباندى بولىپ، قاي - قاشان دا حالىق سەنەتىن، حالىق قولدايتىن، حالىق سۇيەتىن پەرزەنت اسكەر بولامىن...»، - دەدى اتاۋلى ديۆيزيانىڭ ۇگىت كادرى ما تاۋ.
  قىزىل ارميا ديۆيزياسىنىڭ ءىزباسارى ما تاۋ سياقتى سانسىزداعان كوماندير - جاۋىنگەرلەردىڭ قان تامىرىنا توڭكەرىس گەنى الدەقاشان ۇيالاعان، ولار جاۋدى جويۋ ونەرىنە كۇن - ءتۇن دەمەي جاتىلىپ، ساياسي نازاريانى وي - ساناسىنا سىڭىرە ۇيرەندى؛ قۇبا ءتۇزدى كەسىپ ءوتىپ، اسكەري ءبولىمنىڭ قۋاتىن شىڭدادى، ديۆيزيا تاريحىن ۇيرەنىپ، رۋحىن تازارتتى. كوماندير - جاۋىنگەرلەر: ءتوراعا شي جينپيڭنىڭ تاپسىرماسىن، بۇيرىعىن ءسوز جوق، ەستە بەرىك ساقتايمىز؛ توڭكەرىستىك اسكەريلەردىڭ بورىشىن، مىندەتىن ەستە بەرىك ساقتايمىز؛ حالىق ارمياسىنىڭ سيپاتىن، تۇپكى ماقساتىن ەستە بەرىك ساقتايمىز، - دەدى.
  1 - تامىز كۇنى اۆتونوميالى رايوندىق ءتارتىپ تەكسەرۋ كوميتەتى پارتيالى كادرلاردى جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسىنىڭ تىكە بەرىلىمىن توپتىق كورۋگە، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنۋگە ۇيىمداستىردى. كوپشىلىك ءبىر اۋىزدان بىلاي دەدى: باس شۋجيدىڭ ماڭىزدى ءسوزى ادامدى جەلپىندىرەدى، ىنتالاندىرادى. پارتيالى كادر رەتىندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ءبىر تۇتاس باسشىلىعىن سانالى تۇردە قورعاپ، پارتيا ورتالىق كوميتەتىمەن وسكەلەڭ ءبىر اۋىزدىلىقتى باتىل ساقتاپ، مىندەتتى ادالدىقپەن اتقارىپ، پارتيانىڭ شاپاعاتىن سەزىنىپ، پارتيانىڭ سوزىنە قۇلاق اسىپ، پارتياعا ىلەسىپ، بولاتتاي بەرىك سەنىم، بولاتتاي بەرىك ۇستانىم، بولاتتاي بەرىك ءتارتىپ، بولاتتاي بەرىك جاۋاپكەرشىلىك ارقىلى ىسىلعان ءتارتىپ تەكسەرۋ، باقىلاۋ - تەكسەرۋ كادرلارى قوسىنىن سومدايمىز.
  1 - تامىز كۇنى ارميا قۇرىلعاندىعىنىڭ 90 جىلدىعىن قۇتتىقتاۋ جينالىسىنىڭ تىكە بەرىلىمى باستالماي جاتىپ، اۆتونوميالى رايوندىق پارتكوم ۇگىت ءبولىمىنىڭ جيىن كەڭسەسى ادامعا لىق تولدى. قىزمەتكەرلەر تىكە بەرىلىمدى دەن قويا تىڭداپ، باس شۋجيدىڭ ماڭىزدى سوزدەرىن مۇقيات ەستەلىككە الدى.
  اۆتونوميالى رايوندىق پارتكوم ۇگىت ءبولىمى ۇگىت - تاربيە باسقارماسىنىڭ باستىعى شيە گوحۇڭ بىلاي دەدى: كاسىپ اۋىستىرعان اسكەر بولعان مەن ەرجۇرەك حالىق ارمياسىنىڭ 90 جىلدىق شۇعىلالى تاريحىنا شەكسىز ماقتانامىن، شەكسىز قۋانامىن. ءبىز باس شۋجيدىڭ تالابىن ەستە بەرىك ساقتاپ، توڭكەرىستىك ارميانىڭ قاسيەتىن ماڭگى ساقتاپ، اۋەلگى ماقساتتى ۇمىتپاي، ۇدىرە العا تارتىپ، يدەولوگيا سالاسىنداعى بولشەكتەۋشىلىككە قارسى تۇرۋ كۇرەسى سىندى وسى قيان − كەسكى شايقاستىڭ جەڭىسىنە، ءسوز جوق، قول جەتكىزىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ، «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ءوز كۇش - قۋاتىمدى ارنايمىن.   اۆتونوميالى رايوندىق پارتكوم ۇگىت ءبولىمىنىڭ كادرى جادىرا ابدوللا قىزى بىلاي دەدى: جينالىس جۇرت جۇرەگىن ەرەكشە جەلپىنتتى، باس شۋجي شي جينپيڭنىڭ سۇيىسپەنشىلىككە تولى ءسوزىن تىڭداعاننان كەيىن، بۇگىنگى بەيبىت، تىنىش تۇرمىسىمىزعا جەدەل سايلاناتىن، سايلانسا سوعىسا الاتىن، سوعىسسا جەڭىسكە جەتەتىن قۇدىرەتتى حالىق ارمياسىنىڭ پارمەندى تىرەك بولعاندىعىن تەرەڭ سەزىندىم، ءبىز قازىرگى تۇرمىستى قاستەرلەپ، شينجياڭنىڭ يدەولوگيا سالاسىنداعى قىزمەتىن جاقسى ىستەۋگە اقىل - پاراساتىمىز بەن كۇش - قۋاتىمىزدى ارناۋىمىز كەرەك.
  اۆتونوميالى رايوندىق دامۋ - رەفورما كوميتەتىندەگى پارتيا مۇشەلەرى مەن كادرلار 1 - تامىزدا ورگان زالىندا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسىنىڭ تىكە تاراتىلىمىن كورىپ، باس شۋجي شي جينپيڭنىڭ ماڭىزدى ءسوزىن دەن قويا تىڭداپ، جۇڭگو كوممۋنيستىك پارتياسىنىڭ باسشىلىعىنداعى حالىق ارمياسىنىڭ شۇعىلالى تاريحي بارىسىن ەسكە الدى. كوپشىلىك بىلاي دەدى: باس شۋجيدىڭ ءسوزى بيىك تۇرعىدان كوز تاستاعان، يدەيالىعى تەرەڭ، لەبىزى كۇشتى. مەملەكەتتى، ارميانى قۇدىرەتتەندىرۋ ارمانىن جۇزەگە اسىرۋدىڭ العا باسۋ بەتالىسىن كورسەتىپ، وتاننىڭ، حالىقتىڭ مۇددەسىن قورعاۋداعى، مەملەكەت حاۋىپسىزدىگى مەن تەرريتوريا تۇتاستىعىن قورعاۋداعى بەرىك بەكىمى مەن باتىل ەركىن ايگىلەپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ءبىر نيەتپەن ىنتىماقتاسىپ، ەرلىكپەن العا ۇمتىلىپ، مەملەكەتتى، ارميانى قۇدىرەتتەندىرۋدىڭ شۇعىلالى داستانىن جازۋداي ءداۋىردىڭ وكتەم ءۇنىن تاراتتى. باس شۋجيدىڭ ماڭىزدى ءسوزىنىڭ جۇرتتىڭ ءبىر نيەتپەن قول ۇستاسىپ، جاۋاپكەرشىلىكتى ادالدىقپەن اتقارىپ، بورىشىن وتەپ، ءوز قىزمەتىن كۇش سالا ويداعىداي ىستەپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا تىڭ ۇلەس قوسۋعا ىنتالاندىراتىندىعى ءسوزسىز.
 اۆتونوميالى رايوندىق دەنساۋلىق ساقتاۋ - جوسپارلى تۋىت كوميتەتىنىڭ ورىنباسار مەڭگەرۋشىسى، اۆتونوميالى رايوندىق جۇڭگوشا شيپاگەرلىك، ۇلتتىق شيپاگەرلىك، ءدارى - دارمەك باسقارۋ مەكەمەسىنىڭ باستىعى ابدىرەيىم يۇسۇپ بىلاي دەدى: «حالىق ارمياسىنىڭ جەڭىستەن − جەڭىسكە جەتىپ، حالىق بۇقاراسىمەن قاشاندا بالىق پەن سۋداي ەتەنە بولعانىن ايرىقشا ماقتانىش سانايمىن. ءبىز حالىق ارمياسىنان ۇيرەنۋىمىز، ولاردان رۋحاني كۇش - قۋات الىپ، باس نىسانانى ىسكە اسىرۋ ءۇشىن ءتىپتى دە زور ۇلەس قوسۋىمىز كەرەك».
  اۆتونوميالى رايوندىق ساياحاتتى دامىتۋ كوميتەتى جالپى كادرلار مەن جۇمىسشى - قىزمەتكەرلەردى ۇيىمداستىرىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسىنىڭ تىكە بەرىلىمىن كورىپ، باس شۋجي شي جينپيڭنىڭ ماڭىزدى ءسوزىن ىقىلاس قويا تىڭدادى. ساياحاتتى دامىتۋ كوميتەتىندەگى كادرلار بىلاي دەپ قارادى: باس شۋجيدىڭ ءسوزى جۇرت جۇرەگىن جەلپىندىردى، مۇنى جاڭا جاعدايداعى حالىق ارمياسى قۇرىلىسىنىڭ ساياسي جارناماسى دەۋگە بولادى. ساياحاتتىڭ قاۋىرت مەزگىلىندە ءبىز ءتۇرلى قىزمەتتەردى ءتىپتى دە ايتارلىقتاي ىستەپ، شينجياڭنىڭ ساياحات ىستەرىنىڭ قاۋىرت دامۋىن ناقتى ارەكەتىمىزبەن جەبەپ، قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا ۇلەس قوسامىز.
  ءۇرىمجى تاس جول باسقارۋ مەكەمەسىندەگى 1000نان استام كادر، جۇمىسشى - قىزمەتشى جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسىنىڭ تىكە بەرىلىمىن كورىپ، ءبىر اۋىزدان پارتيا مەن مەملەكەتتى ماقتانىش ەتەتىندىگىن، ارميانىڭ دامۋىن ماقتانىش ەتەتىندىگىن ءبىلدىردى. قاھارمان يبىرايىم تەبىرەنىپ بىلاي دەدى: «مەن دە كەزىندە اسكەر بولعانمىن، مەن قوسىندا شىنىققان كەزىمدى ماقتانىش ەتەمىن. بۇگىن جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى، قۇتتىقتاۋ جينالىسى سالتاناتتى دا دۋماندى بولدى. مەن قازىر ارميادان شەگىنگەنىممەن، اسكەريلىك قاسيەتىمدى ماڭگى ساقتايمىن، پارتيانىڭ قولباسشىلىعىنا ماڭگى قۇلاق اسىپ، پارتياعا ادال بولىپ، پارتيانى ءسۇيىپ، پارتيانىڭ شاپاعاتىن سەزىنىپ، ءوز قىزمەت ورنىمدا تاباندى بولىپ، تيەسىلى ۇلەسىمدى قوسامىن».
  اۆتونوميالى رايوندىق ورگان ىستەرىن باسقارۋ مەكەمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا اتۇش قالاسى قاراجول اۋىلى ورتا قاراجول قىستاعىنا بارعان قىزمەت اترەتى «قىستاق ەكى كوميتەتىن»، شەكارا كۇزەتشىلەرىن ۇيىمداستىرىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسىنىڭ تىكە بەرىلىمىن كوردى. اۆتونوميالى رايوندىق ورگان ىستەرىن باسقارۋ مەكەمەسىنىڭ ورىنباسار باستىعى، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قاراجول اۋىلىندا تۇراتىن قىزمەت اترەتىنىڭ باس جەتەكشىسى جاي شاۋيۇڭ بىلاي دەدى: مەملەكەت قورعانىسى تانىمىن كۇشەيتىپ، جاۋاپكەرشىلىك سەزىمدى نىعايتىپ، وتانشىلدىق سۇيىسپەنشىلىكتى بەكەمدەۋىمىز؛ ارميانى قولداۋ، ولاردىڭ تۋىس - تۋعاندارىنا قامقورلىق جاساۋ قىزمەتىن ويداعىداي ىستەپ، شەكارا قورعانىس ساقشى بولىمشەسىندەگىلەرگە كوڭىل ءبولۋىمىز جانە ولاردى قولداۋىمىز، ولاردىڭ قيىنشىلىعىن شامامىزدىڭ جەتىسىنشە شەشىپ، ارميا مەن حالىقتىڭ سۇيىسپەنشىلىگىن ءتىپتى دە تەرەڭدەتىپ، «ءوزارا دامىتۋ، ءوزارا ۇيرەنۋ، ءوزارا كومەك بەرۋ، ءوزارا جەبەۋدى» ىسكە اسىرۋىمىز؛ قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، پارتيا 19 - قۇرىلتايىنىڭ جەڭىسپەن اشىلۋىن ورتا قاراجول قىستاعىنىڭ قوعام ورنىقتىلىعىنداعى، ۇلتتار ىنتىماعىنداعى، كەدەيلىكتەن قۇتىلدىرۋدان قامال الۋداعى كورنەكتى تابىستارى ارقىلى، سونداي - اق ءىس جۇزىندىك ارەكەتىمىز بەن ۇزدىك قىزمەت ناتيجەلەرىمىز ارقىلى قارسى الۋىمىز كەرەك.
  ءۇرىمجى قالاسى تيانشان رايونى ارداۋچياۋ اۋماعىن باسقارۋ كوميتەتى شۋاڭچيڭ كوشەسى الەۋمەتتىك اۋماعى پارتيا ياچەيكاسىنىڭ شۋجيى ما حۇيجىن بىلاي دەدى: ايباتتى حالىق ارمياسىن، جالىنداعان وفيتسەر - جاۋىنگەرلەردى، اسكەري پاراتتا كوتەرىلگەن بەس جۇلدىزدى قىزىل تۋدى كورگەندە، ايبىندى مەملەكەت ءانىن ەستىگەندە، جىگەرىم تاسقىنداپ، قاتتى اسەرلەندىم. باس شۋجي شي جينپيڭ بۇكىل ارمياداعى قولباسشىلار مەن اسكەرلەردەن «بۇكىل ىنتا - پەيىلدەرىڭىزبەن حالىق ءۇشىن قىزمەت ەتۋ سىندى ءتۇبىرلى ماقساتقا بۇلجىماستان تاباندى بولىپ، قاشاندا حالىقپەن بىرگە بولىپ، حالىقتى ءارقاشان كوكەيدە ساقتاپ، ماڭگى حالىقتىڭ پەرزەنت اسكەرى بولۋلارىڭىز كەرەك» دەپ تالاپ ەتتى، بۇل تەك حالىق ارمياسىنا عانا قويىلعان تالاپ ەمەس، ءبىز سەكىلدى سان مىڭداعان نەگىزگى ساتى كادرلارىنا دا قويىلعان تالاپ. الەۋمەتتىك اۋماق پارتيا ياچەيكاسىنىڭ شۋجيى بولۋ ساناتىندا، بۇدان بىلاي پارتيانىڭ پارمەندى باسشىلىعىندا ءوز قىزمەت ورنىمدا تاباندى بولىپ، ءوز مىندەتىمدى مۇقيات اتقارىپ، ستيلى تاماشا، شايقاستا جەڭىپ شىعا الاتىن نەگىزگى ساتى قىزمەت قوسىنىن قۇرىپ، الەۋمەتتىك اۋماق قىزمەتكەرلەرىن ىنتىماقتاستىرا باستاپ، حالىق ءۇشىن ايتارلىقتاي قىزمەت ەتىپ، شينجياڭنىڭ گۇلدەنىپ - كوركەيۋى مەن ورنىقتىلىعى ءۇشىن ءوز ۇلەسىمدى قوسامىن.
  (تىلشىلەرىمىز يان شياۋجۋان، شى شين، چاۋ جين، جيا چۇنشيا، لۋ فىڭباۋ، جاۋ چۇنحۋا، ياڭ شۋحان، ەرىكتى ءتىلشىلەر ۋاڭ نيڭ، ليۋ يۇڭ، جوۋ يۇيلۇڭ، ماندىلى)

ءان الەمى

جول توسىلىپ قالدى

تۇلپارىم