باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

پاراتتىق اسكەري بولىمدەر ارميانىڭ ايباتىن ايگىلەدى، مايداندىق شەرۋ مەملەكەتتىڭ قۇدىرەتىن كوتەردى

    كەلۋ قاينارى: شينجياڭ گازەتى    2017-08-02 20:16:01  

اۆتونوميالى رايونداعى ءار ۇلت كادر-جۇرتشىلىعى اسكەري پاراتتى شوعىرلى كوردى

گازەتىمىزدىڭ جيناق حابارى. ءۇش ارميا قارۋىن سەرتە ۇستاپ، مايداندىق پاراتتان ءوتتى! 30 - شىلدە تۇستەن بۇرىن جۇڭگو حالىق ازاتتىق ارمياسى ايبىنى جەر جارعان اسكەري پارات ارقىلى 90 جىلدىق مەرەي تويىن قۇتتىقتادى. زۇركى بىرلەسكەن جاتتىعۋ بازاسىندا جاۋىنگەرلىك جاتتىعۋعا قاتىسىپ جاتقان ءۇش ارميانىڭ وفيتسەر - جاۋىنگەرلەرى مايداندىق شەپ تۇزەپ، جاۋىنگەرلىك ايبىنمەن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ، پارتيا مەن حالىقتىڭ پاراتتىق قابىلداۋىنان ءوتتى. اۆتونوميالى رايوننىڭ بىرنەشە ۇلكەن باسشىلىق القاسى جانە شينجياڭ اسكەري رايونى، بيڭتۋان باسشىلىق القالارىنىڭ مۇشەلەرى مەن اۆتونوميالى رايونداعى ءار ۇلت كادر - جۇرتشىلىعى ورتالىق تەلەۆيزياسى ۇستىنەن تاراتقان جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان پاراتتى شوعىرلى تۇردە كورىپ، ءتوراعا شي جينپيڭنىڭ ماڭىزدى ءسوزىن تىڭداپ، ەرەكشە ماقتانىش پەن داڭق سەزىندى.
  ساعات 9دا اۆتونوميالى رايوندىق ءتارتىپ تەكسەرۋ كوميتەتى جۇمىس عيماراتىنىڭ 2 - قاباتىنداعى تەلەۆيزور - تەلەفون ءماجىلىس زالىندا ءار ۇلت كادر - قىزمەتكەرلەرى باس قوسىپ، تىكەلەي ەفيردى كوردى. پارتيا تۋى، مەملەكەت تۋى، ارميا تۋى جەلگە جەلبىرەپ، كوز تارتتى؛ تەمىر تۇلپارلار ازىناپ، قۇرىش قولدار جەر قايىستىرىپ، ايباتى ايعا شاپقان ارىستاندى ەلەستەتتى... ولار ەكراننان كوز المادى، ايبىنى جەر جارعان حالىق ازاتتىق ارمياسى مەن ونىڭ جابدىقتارى، باس شۋجي شي جينپيڭنىڭ ماڭىزدى ءسوزى جۇرتتىڭ قانىن تاسىتىپ، كوڭىلىن كولدەي تولقىتتى.
  اۆتونوميالى رايوندىق حالىق ۇكىمەتى كەڭسەسىندەگى 200دەن اسا كادر - قىزمەتكەر تىكەلەي ەفيردى زەر سالا كوردى. ولار ءبىر اۋىزدان: «جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا وراي وتكىزىلگەن وسى رەتكى پارات بۇكىل ارمياداعى اسكەري بولىمدەردىڭ جاڭا جاعدايدا ارميانى قۇدىرەتتەندىرۋ، گۇلدەندىرۋ جولىنداعى جارقىن بەينەسى مەن ارميا رەفورماسىندا قول جەتكەن كەسەك تابىستاردى شوعىرلى تۇردە ايگىلەپ، كەۋدەمىزگە ماقتانىش پەن داڭق ۇيالاتتى» دەستى.
  اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتى ەكونوميكالىق زاڭ شىعارۋ باسقارماسىنىڭ ورىنباسار باستىعى باحتيار ميجيت بىلاي دەدى: وسى رەتكى سالتاناتتى پارات مايداندىق ەرەكشەلىكتى ايگىلەپ، جۇڭگو ارمياسىنىڭ جاۋىنگەرلىك قابىلەتىن تولىق كورسەتتى. ارميا قۇدىرەتتەنسە، وتانىمىز ونان سايىن قۇدىرەتتەنىپ، ءبىزدىڭ تۇرمىسىمىز دا كۇن سايىن جاقسارا بەرمەك.
  قوسىننان قىزمەت اۋىسقان كادر رەتىندە اۆتونوميالى رايوندىق ساياسي كەڭەس اۋىل شارۋاشىلىق كوميتەتىنىڭ ورىنباسار مەڭگەرۋشىسى شياڭ دۇڭ بىلاي دەدى: وسى رەتكى پاراتتا پارتيانىڭ 18 - قۇرىلتايىنان بەرگى ارميا رەفورماسىنىڭ جەتىستىكتەرى تولىق كورسەتىلدى. سونىمەن قاتار اسكەري پارات حالىقتىڭ كوڭىلىن ورنىقتىردى جانە سەنىمىن نىعايتتى، ارميامىزدىڭ ءالى دە الماس قامالى، جەڭبەس دۇشپانى جوق.
  بيڭتۋان ساياسي - زاڭ كوميتەتىنىڭ ورىنباسار شۋجيى ۋاڭ جيانمين بىلاي دەدى: پاراتتى كورگەننەن كەيىن كوڭىلىم قاتتى تولقىدى. باس شۋجيدىڭ پارتيانىڭ قولباسشىلىعىنا بويسۇنۋ، جەڭىستى شايقاس جۇرگىزۋ، تاڭداۋلى ستيلدى ساقتاۋ دەيتىن تالابىنا ساي، ءبىزدىڭ سەنىمىمىز ەسەلەپ نىعايا ءتۇستى. ساياسي - زاڭ شەبىندەگى كادر رەتىندە ءبىز شينجياڭدى جونگە سالۋدىڭ جالپى جوباسىن ەستە بەرىك ساقتاپ، اۆتونوميالى رايوندىق پارتكومنىڭ ورنىقتىلىقتى قورعاۋ جونىندەگى كەشەندى شارالار تۋرالى تالابى مەن بيڭتۋان پارتكومىنىڭ ورنالاستىرۋى بويىنشا، ورنىقتىلىقتى قورعاۋ قىزمەتتەرىن جاقسى ىستەۋىمىز كەرەك.
  30 - شىلدە تۇستەن بۇرىن اۆتونوميالى رايوندىق پارتكوم ۇگىت ءبولىمى ۇگىت، يدەيا، مادەنيەت جۇيەسىندەگى پارتيالى كادرلاردى ۇيىمداستىرىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ بايلانىسىمەن وتكىزىلگەن اسكەري پاراتتى بىرگە كوردى. اۆتونوميالى رايوندىق پارتكوم ۇگىت ءبولىمىنىڭ مەملەكەت قورعانىسى تاربيەسى كەڭسەسىنىڭ ورىنباسار مەڭگەرۋشىسى شۇي شاۋحۋا بىلاي دەدى: «مەن ايرىقشا تەبىرەنىپ تۇرمىن، وتانىمنىڭ قۇدىرەتتەنگەنى ءۇشىن ماقتانامىن! حالىق ارمياسىنىڭ قۇدىرەتتەنگەنى ءۇشىن ماقتانامىن، جۇڭحۋا ۇلتىنىڭ ءبىر مۇشەسى بولعانىمدى تىپتەن ماقتانىش سەزىنەمىن. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسىپ، پارتيانىڭ شاپاعاتىنا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن، پارتيا 19 - قۇرىلتايىنىڭ جەڭىسپەن اشىلۋىن قارسى الۋ ءۇشىن، ءوز ۇلەسىمىزدى قوسۋىمىز كەرەك!».
  وزىق، بىرەگەي جاڭا قارۋلار، سوعىسسا، ءسوز جوق، جەڭەتىن تاڭداۋلى اسكەر، تەگەۋرىندى قوسىن، اسكەري پاراتتى تەلەۆيزوردان كورگەن اۆتونوميالى رايوننىڭ مەملەكەت يەلىگىندەگى مال - مۇلىكتى باقىلاۋ - باسقارۋ كوميتەتى پارتكومىنىڭ ورىنباسار شۋجيى، كوميتەتتىڭ ورىنباسار مەڭگەرۋشىسى ءليتىپ اسەندى ايرىقشا اسەرلەندىردى. «باس شۋجي شي جينپيڭنىڭ اسكەري پاراتتا سويلەگەن ماڭىزدى ءسوزى وتانىمىزدىڭ مەملەكەتتى قۇدىرەتتەندىرۋ، ارميانى قۇدىرەتتەندىرۋ جولىنداعى تاعى ءبىر رەتكى اتتانىسقا كەلتىرۋ بۇيرىعى...، مەن ءبىزدىڭ پارتيا ورتالىق كوميتەتىنىڭ پارمەندى باسشىلىعىندا، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شينجياڭنىڭ ءتۇرلى قىزمەتتەرىن ويداعىداي ىستەيتىنىمىزگە كامىل سەنەمىن!»
  اۆتونوميالى رايون ورگان ىستەرىن باسقارۋ مەكەمەسىنىڭ اتۇش قالاسى قاراجول اۋىلى ورتا قاراجول قىستاعىندا تۇراتىن قىزمەت اترەتى قىستاق «ەكى كوميتەتىن»، قىستاق ساقشىلارىن، شەكارا كۇزەتشىلەرىن ارنايى ۇيىمداستىرىپ، اسكەري پاراتتى تىكەلەي ەفيردەن بىرگە كوردى. قىزمەت اترەتىنىڭ باس جەتەكشىسى جاي شاۋيۇڭ بىلاي دەدى: جۇڭگو حالىق ازاتتىق ارمياسى شىت - جاڭا رۋحاني بەينەمەن دۇنيە جۇزىنە سۇعاناقتىق جاساپ كىرگەن ءارقانداي جاۋدى جەڭەتىن قابىلەتى بار ەكەنىن جاريالادى. قىزمەت اترەتى ءوز قىزمەتىن ويداعىداي ىستەپ، مىندەت - جاۋاپكەرشىلىگىن مۇقيات اتقارىپ، قوعام ورنىقتىلىعى مەن باياندى تىنىشتىقتى قورعاپ، كەدەيلىكتەن قۇتىلدىرۋدان قامال الۋ سىندى شايقاستى ويداعىداي جۇرگىزىپ، ناقتى ارەكەت جانە ۇزدىك قىزمەت ناتيجەسى ارقىلى پارتيا 19 - قۇرىلتايىنىڭ جەڭىسپەن اشىلۋىن قارسى الادى.
 قاشقار قالاسىنداعى قالىڭ حالىق بۇقاراسى مەن پارتيا مۇشەلەرى، كادرلار ءتۇرلى تاسىلدەرمەن اسكەري پاراتتىڭ تىكە تاراتىلىمىن ەستىپ، كورىپ، باس شۋجي شي جينپيڭنىڭ ماڭىزدى سوزىنە دەن قويا قۇلاق ءتۇردى. قاشقار قالاسى داۋلەتباق اۋىلى گۇلباق قىستاعىندا تۇرعىندار تاڭ اتىسىمەن قىستاق «ەكى كوميتەتىنىڭ» كەڭسەسىنە جيىلىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ بايلانىسىمەن وتكىزىلگەن اسكەري پاراتتى كوردى، كوپشىلىك ايرىقشا جەلپىندى. گۇلباق قىستاعىنىڭ تۇرعىنى ايگۇل تەبىرەنە: پاراتتى كورگەننەن كەيىن ايرىقشا تەبىرەندىم. ودان مەن وتانىمىزدىڭ قۇدىرەتتەنگەنىن سەزىندىم، وتانىمىزدىڭ بولاشاعىن كوردىم، مەن مەملەكەتىمىزدىڭ جاعدايى بارعان سايىن جاقسارا تۇسەتىنىنە سەنەمىن. مۇنداي قۇدىرەتتى مەملەكەتىم بولعانىنا ماقتانامىن، - دەدى.
  سول كۇنى تاڭەرتەڭ اسكەري پارات باستالۋدان ىلگەرى اقسۋ ايماقتىق پارتكوم، ايماقتىق حالىق قۇرىلتايى قىزمەت كوميتەتى، ايماقتىق اكىمشىلىك مەكەمەسى، ايماقتىق ساياسي كەڭەس قىزمەت كوميتەتى سىندى 4 ۇلكەن القا ورگانىنداعى باسشى كادرلار، جۇمىسشى - قىزمەتشىلەر بەينە ەكران ماجىلىسىنە ەرتە كەلىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ بايلانىسىمەن وتكىزىلگەن اسكەري پاراتتى شوعىرلى كوردى. «جۇڭحۋا ۇلانى بولعان مەن ىشتەي توتەنشە ماقتانىش سەزىنىپ تۇرمىن. حالىقتىڭ پەرزەنت اسكەرلەرى وتاندى ءۇن - ءتۇنسىز قورعاعاندىقتان، وڭاي - وسپاق قولعا كەلمەگەن بۇگىنگى باقىتتى تۇرمىسقا كەنەلىپ وتىرمىز. شينجياڭدىق ءبىر كادر رەتىندە بۇل جولعى اسكەري پاراتتى تاماشالاۋ جىگەرىم مەن قايراتىمدى جانىدى. قۇدىرەتتى حالىق ارمياسى تىرەك بولعاندا، قوعام ورنىقتىلىعى مەن باياندى تىنىشتىق باس نىساناسىنىڭ تەز ارادا جۇزەگە اساتىنىنا سەنەمىن»، - دەيدى اقسۋ ايماقتىق حالىق قۇرىلتايى قىزمەت كوميتەتى كەڭسەسى زاڭ - ءتۇزىم ءبولىمىنىڭ كادرى جاڭ ياڭ.
  قورعاس قالاسى يشياگاشان سىبە اۋىلدىق پارتكومنىڭ مۇشەسى، ۇگىت جوراسى ياڭ يۇڭچۋان: اسكەري پاراتتى كورگەننەن كەيىن توتەنشە جەلپىندىم، جۇڭگولىق بولعانىمدى ەرەكشە ماقتانىش سەزىنەمىن ءارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا مەملەكەتىمىزدىڭ ءتىپتى دە قۇدىرەتتەنە تۇسەتىنىنە، ارميانىڭ ءتىپتى دە جاۋىنگەرلىك قۋاتقا يە بولاتىنىنا، بۇقارانىڭ تۇرمىسىنىڭ ءتىپتى دە جاقسارا تۇسەتىنىنە سەنەمىن، - دەدى. تاڭەرتەڭ ساعات 8دەن اسقاندا الەۋمەتتىك اۋماقتىڭ ءىشىنارا تۇرعىندارى ءۇرىمجى قالاسى ەكونوميكالىق - تەحنيكالىق اشۋ رايونى (تۋتۇنحى رايونى) جۇڭيا وڭتۇستىك جولى ءمالى باسقارماسىنا قاراستى گۋاڭجوۋ جولى الەۋمەتتىك اۋماعىنا كەلىپ، اسكەري پاراتتىڭ تىكەلەي ەفيرىن كوردى. گۋاڭجوۋ جولى الەۋمەتتىك اۋماعىنىڭ شۋجيى روشانگۇل توقتى اسكەري پاراتتى تاماشالاعاننان كەيىن تەبىرەنە: بۇل جولعى اسكەري پاراتتى كورۋ ارقىلى مەملەكەت پەن حالىق ارمياسىنىڭ قۇدىرەتتىلىگىن قايتالاي سەزىنىپ وتىرمىن. قۇدىرەتتى وتان بولماسا، حالىق بەيبىتشىلىكتەن يگىلىكتەنە الماۋشى ەدى. نەگىزگى ساتى كادرى بولعان مەن كومپارتيا مۇشەسىنىڭ بورىشىن ەسىمدە بەرىك ساقتاپ، شينجياڭنىڭ قوعام ورنىقتىلىعى مەن باياندى تىنىشتىعىنا تىڭ ۇلەس قوسامىن، - دەدى.
  (تىلشىلەرىمىز دۇڭ شاۋحۋا، چىن چياڭۋي، جاڭ شياۋيان، جاۋ جىيۇن، ليۋ دۇڭلاي، شى شين، ميھىرگۇل ناسىر، لۋ فىڭباۋ، جاڭ تيڭ، لي لي، جاۋ شييا، لي حانجى، فۋ شياڭلۇڭ، بارشا تەگىس قىزى، ەرىكتى تىلشىلەر رىن چۇنحۋا، سۇن ۋيشيا، شيە چىڭگۇڭ، حۋاڭ شياۋفاڭ، سۇڭ ليرىن، چىن ۋانلۋ، مان دىلى، ليۋ جىچياڭ، ۋاڭ جىنچياڭ، ءىليار، شاۋ شانشان)

ءان الەمى

جول توسىلىپ قالدى

تۇلپارىم