باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جۇڭگو قۇرىلىق ارمياسىنىڭ ەكى اۆتوموبيل گرۋپپاسىنىڭ ناتيجەسى ەڭ الدىڭعى ورىندى يەلەدى

    كەلۋ قاينارى: شينجياڭ حالىق راديو ىستانسياسى    2017-08-03 14:06:54  
ستانسيامىزدىڭ ءتىلشىسى چيۋ جيننىڭ حابارىن تىڭداڭىزدار: 2-تامىز تۇستەن بۇرىن، جۇڭگو قۇرىلىق ارمياسى ۇستىنە العان «2017-جىلعى حالىقارالىق اسكەري جارىستىڭ» كورلا جارىس رايونىندا «حاۋىپسىز ورتا» ءتۇرى بويىنشا دارا اۆتوبوميل جارىسى وتكىزىلىپ، جۇڭگو قۇرىلىق ارمياسىنىڭ ەكى اۆتوموبيل گرۋپپاسىنىڭ ناتيجەسى ەڭ الدىڭعى ورىندى يەلەدى.
الدىمەن الاڭعا شىققان جۇڭگونىڭ 1-اۆتوموبيل گرۋپپاسى مەن يراننىڭ 1-اۆتوموبيل گرۋپپاسى جەكە-جەكە ىشكى-سىرتقى جارىس جولىنا ءبولىنىپ تۇرىپ، ءبىر ۋاقىتتا اتتاندى. جارىستا، ءار اۆتوموبيل گرۋپپاسىنداعى جارىسقا قاتىناسقان 3 كوماندا مۇشەسى تۇگەلدەي ۇستىلەرىنە بىتەۋ قورعانۋ كيىمىن كيىپ، رەتى بويىنشا 12 جول كەدەرگىسىنەن ءوتۋ، حيميالىق بارلاۋ-تەكسەرۋ جۇرگىزۋ، رادياتسيالىق بارلاۋ-تەكسەرۋ، جۋۋ-ديزەنفەكسيالاۋ جۇمىسى جانە ادامدار وق اتاتىن تۇتقيىل شابۋىل جاساۋ رايونىنان ءوتۋ ارقىلى كومبەگە جەتىپ، ۋاقىتى ەڭ قىسقا بولعان اۆتوموبيل گرۋپپاسى جەڭدى، ىركەس-تىركەس كەدەرگى سىنىنان تىس، جوعارى تەمپراتۋرالى اۋا رايى دا جارىسقا كوپ قيىندىق اكەلدى. جۇڭگو 1-اۆتوموبيل گرۋپپاسىنىڭ مۇشەسى شۋە فانيۇي بىلاي دەدى: «ۋلانۋدان ساقتانۋ بەتقالقاسىن تاققاننان كەيىن ەركىن تىنىستاي المايمىز، وتە-موتە سوڭعى بولەكتەگى ادامنىڭ شىدامدىلىعىن سىنايتىن بولەكتە ەكى قابات بيىك عيماراتتان ءتۇسىپ بولىپ، بىرنەشە ادام جوعارىدان تومەنگە سەكىرەتىن كەزدە، اياعىمىزدا نەگىزىنەن جان قالمادى، تىنىس الۋىمىز دا قيىنعا سوقتى، ءدال وسى كەزدە شىداۋىمىز كەرەك».
الاڭداعى كورەرمەندەردىڭ نازار اۋدارۋىندا، جۇڭگو 1-اۆتوموبيل گرۋپپاسى يراننان 11 مينۋت وزعان ناتيجەمەن جەڭىپ الدى، ىلە-شالا الاڭعا شىققان جۇڭگو 2-اۆتوموبيل گرۋپپاسى دا جۇرتتىڭ ءۇمىتىن جەردە قالتىرماي، 13 مينۋت بۇرىن كەلگەن ناتيجەمەن ارىپتەسىن ءسۇرىندىردى. جۇڭگو 2-اۆتوموبيل گرۋپپاسىنىڭ مۇشەسى گاۋ پان بىلاي دەدى: « بۇل جۇڭگو ارمياسىنىڭ رۋحى، جاتتىعۋىمىز ناقتى سوعىسقا وتە ۇقساس كەلەدى، ەلىكتەمەلى ناقتى سوعىسقا جاتتىعامىز، سوڭىندا قانشا شارشاساق تا، كومبە سىزىعىنا ۇمتىلاتىندىعىمىز ءسوزسىز!».
جارىستان كەيىن، جارىسقا قاتىناسقان 5 ەلدىڭ 10 اۆتوموبيل گرۋپپاسىنىڭ بەيرەسمي ناتيجەسى شىعىپ، جۇڭگونىڭ ەكى اۆتوموبيل گرۋپپاسىنىڭ قاتارى ءبىرىنشى، ەكىنشى بولدى، رەسمي ناتيجەسى تەكسەرۋدەن كەيىن كەشىرەك جاريالانادى. «حاۋىپسىز ورتا» تۇرىنە قاتىناسقان جۇڭگو كومانداسىن باستاۋشى ما گوجيە بىلاي دەدى: «يادرولىق، حيميالىق، بيولوگيالىق قارۋلاردان ساقتانۋ اسكەرى يادرولىق، حيميالىق، بيولوگيالىق قارۋ قاتەرى تونگەن شارت-جاعدايداعى ءتۇرلى سوعىس جۇرگىزۋ مىندەتىن قامتاماسىزداندىرۋ ءۇشىن، يادرولىق، حيميالىق، بيولوگيالىق قارۋ ورتا حاۋىپسىزدىگىن بارلاپ تەكسەرىپ، تۇجىرىم جاساپ، جۋىپ ديزەنفەكسيالايدى. جاتتىعۋدى ناقتى سوعىس تالابى بويىنشا ۇيىمداستىرعانبىز، جارىستا ولار دا ناقتى سوعىستاعى جابدىقتى مەڭگەرۋ قۋاتىن كورسەتتى».
ءان الەمى

جول توسىلىپ قالدى

تۇلپارىم