باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ارميا مەن حالىق دوستىقتى تىلگە الدى، قول ۇستاسا بىرگە قۇرىپ، دامۋدى جەبەدى

    كەلۋ قاينارى: شينجياڭ گازەتى    2017-08-03 19:57:38  

اۆتونوميالى رايوندىق ساياسي كەڭەس ورگانى ارميا قۇرىلعاندىعىنىڭ 90 جىلدىعىن قۇتتىقتاۋ بايلانىسىمەن حال سۇراۋ، بىرلەسكەن ساۋىق كەش قيمىلىن وتكىزدى

 ءتىلشىمىز جاڭ شياۋيان 31 - شىلدەدە ۇرىمجىدەن حابارلايدى. ارميا قۇرىلعاندىعىنىڭ 90 جىلدىعى قارساڭىندا، 31 - شىلدە تۇستەن كەيىن اۆتونوميالى رايوندىق ساياسي كەڭەس ورگانى «ارميا مەن حالىق ەتەنە، ارميا مەن جەرگىلىكتى ورىن ءبىر ءۇيلى جانداي» اتتى حال سۇراۋ، بىرلەسكەن ساۋىق كەش قيمىلىن وتكىزدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى جانە ءار ۇلت، سالاداعى ءبىر ءبولىم ساياسي كەڭەس مۇشەلەرى، قارۋلى ساقشى كوماندير - جاۋىنگەرلەرى، الەۋمەتتىك اۋماق ۋاكىلدەرى، سونداي - اق ساياسي كەڭەس ورگانىنداعى ءار ۇلت كادرلارى مەن جۇمىسشى - قىزمەتكەرلەرى ءبىر جەردە باس قوسىپ، تارتىمدى كونسەرت نومىرلەرىن تاماشالاپ، اڭگىمەلەسىپ، شاتتىققا شومىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن بىرگە قۇتتىقتادى.
  قيمىلدىڭ الدىندا نۇرلان ءابىلماجىن ۇلى ساياسي كەڭەس ورگانىندا تۇراتىن قارۋلى ساقشى 20 - ورتا اترەتىنىڭ كازارماسىنا بارىپ، كوماندير - جاۋىنگەرلەردىڭ مىندەت وتەۋ جانە تۇرمىستىق جاعدايىن ۇعىستى ءارى حال سۇراۋ بۇيىمدارىن ۇسىنىپ، ساياسي كەڭەس پارتيا باسشىلىق گرۋپپاسى مەن ورگانداعى بارلىق كادر، جۇمىسشى - قىزمەتكەرلەر اتىنان قارۋلى ساقشى كوماندير - جاۋىنگەرلەرىنە مەرەكەلىك سالەم جەتكىزدى. ول بىلاي دەپ باسا دارىپتەدى: قارۋلى ساقشى 20 - ورتا اترەتىندەگى كوماندير - جاۋىنگەرلەر ءتوراعا شي جينپيڭنىڭ جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋعا ارنالعان پاراتتا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، شي جينپيڭ جولداستىڭ ماڭىزدى ءسوزىنىڭ رۋحىن قوزعاۋشى كۇش ەتىپ، ماڭگى پارتيانىڭ سوزىنە قۇلاق اسىپ، پارتياعا ىلەسىپ، بۇكىل ىنتا - پەيىلىمەن حالىق ءۇشىن قىزمەت ىستەپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ ادال قورعاۋشىسى بولۋى كەرەك.
  «ارميانى قۇدىرەتتەندىرۋ نىساناسى ءبىزدى شاقىرادى، ەل قۇدىرەتتى بولۋ ءۇشىن ءبىز باتىل جاۋاپكەرشىلىك ارقالايمىز، ىستىق قانىمىزبەن ارميا تۋىنىڭ داڭقىن اسىرامىز...» حال سۇراۋ، بىرلەسكەن ساۋىق كەش قيمىلى «ارميانى قۇدىرەتتەندىرۋ جىرى» اتتى اسقاق انمەن باستالدى. ساياسي كەڭەس ورگانى ايەلدەر كوميتەتىنىڭ ايەلدەر شاعىن حورى «كىم ءۇشىن» دەگەن ءاندى ورىندادى، قارۋلى ساقشى 20 - ورتا اترەتىندەگىلەر «جۇڭگو ارمياسى، جۇڭگو اسكەريلەرى» اتتى ولەڭدى وقىدى، ساياسي كەڭەس ورگانىنداعى ءار ۇلت كادرلارى مەن جۇمىسشى - قىزمەتكەرلەرى مەن ورگاندا تۇراتىن قارۋلى ساقشى كوماندير - جاۋىنگەرلەرى قىزىقتى ويىنداردى وينادى، فورماسى ءار الۋان، مازمۇنى مول كونسەرت نومىرلەرى ارقىلى ورگانداعى كادر، جۇمىسشى - قىزمەتكەرلەر مەن قارۋلى ساقشى كوماندير - جاۋىنگەرلەرىنىڭ كەلبەتىن ايگىلەدى، كوپشىلىكتىڭ بىرلەسكەن ساۋىق كەش قيمىلدارى ارقىلى تۇسىنىستىكتى كۇشەيتىپ، سۇيىسپەنشىلىكتى ارتتىرۋىنا مۇمكىندىكتەر تۋدىردى.
  نۇرلان ءابىلماجىن ۇلى مەن قارۋلى ساقشى كوماندير - جاۋىنگەرلەرى كونسەرتتى كورە وتىرىپ، اڭگىمەلەستى. ول بىلاي دەدى: قارۋلى ساقشى 20 - ورتا اترەتى «پارتيانىڭ قولباسشىلىعىنا قۇلاق اسۋ، جەڭىمپاز شايقاس جۇرگىزۋ، ستيلى تاڭداۋلى بولۋ» سىندى ارميانى قۇدىرەتتەندىرۋ نىساناسىنا ساي، اۆتونوميالى رايوندىق پارتكومنىڭ ورنالاستىرۋلارى مەن تالاپتارىنا باتىل بويسۇنىپ، ىرىقتىلىقپەن ءىس تىندىرىپ، جاۋاپكەرشىلىكتى باتىل ارقالاپ، اۆتونوميالى رايوندىق ساياسي كەڭەس ورگانىنىڭ حاۋىپسىز، ءتارتىپتى قىزمەت ورتاسىن قامتاماسىز ەتۋگە قاجىرلى قۇلشىنىستار جاسادى. سوڭعى جىلدارى اۆتونوميالى رايوندىق ساياسي كەڭەس ورگانى اۆتونوميالى رايوندىق پارتكومنىڭ «ۇلتتار ىنتىماعىنىڭ بەرەكەلى شاڭىراعى» قيمىلىنىڭ جانە ۇلتتار ىنتىماعىنداعى بىرلەسكەن دوستىق قيمىلدارىنىڭ ورنالاستىرۋ تالاپتارىن باتىل دايەكتىلەندىرىپ، تياناقتاندىرىپ، قارۋلى ساقشى 20 - ورتا اترەتىندەگى كوماندير - جاۋىنگەرلەرمەن بىرگە ءبىر قاتار مول مازمۇندى قيمىلدار وتكىزدى، ساياسي كەڭەس ورگاندارىنداعى ءار ۇلت كادر، جۇمىسشى - قىزمەتكەرلەرى مەن قارۋلى ساقشى ورتا اترەتتەگى كوماندير - جاۋىنگەرلەر تەرەڭ دوستىق ورناتتى. اۆتونوميالى رايوندىق ساياسي كەڭەستىڭ پارتيا باسشىلىق گرۋپپاسى ورگاندا تۇراتىن قارۋلى ساقشى ورتا اترەتىنىڭ قۇرىلىسىنا بۇرىنعىداي ءمان بەرىپ، ارميا مەن ۇكىمەتتىڭ، ارميا مەن حالىقتىڭ ىنتىماعىنىڭ اسا تاماشا جاعدايىن ۇزدىكسىز بەكەمدەيدى جانە دامىتادى.
  حال سۇراۋ بىرلەسكەن ساۋىق كەش قيمىلىندا نۇرلان ءابىلماجىن ۇلى 2 قارۋلى ساقشى ساقا جاۋىنگەرىنە ەستەلىك بۇيىم ۇسىندى.
  اۆتونوميالى رايوندىق ساياسي كەڭەستىڭ ورىنباسار ءتوراعالارى باي جىجيە، ليۋ يانلياڭ، ريزۋان ابەي، ءجۇرات يمىن، ليۋ جىيۇڭ، چىڭ جىنشان، باداي، گۇلشات ابدىقادىر، كادرقان ميراسقان ۇلى حال سۇراۋ، بىرلەسكەن ساۋىق كەش قيمىلىنا قاتىناستى، باس حاتشى حان جۇن ارناۋ ءسوز سويلەدى.

ءان الەمى

جول توسىلىپ قالدى

تۇلپارىم