باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ياركەن اۋدانىنداعى جاڭادان سالىنعان ياركەن اۋەجايى تۇڭعىش رەتكى جولاۋشىلار ايروپلانىن قارسى الدى

    كەلۋ قاينارى: شينجياڭ حالىق راديو ىستانسياسى    2017-08-04 12:25:13  
ءتاڭىرتاۋ تورابىنىڭ حابارى: 1-تامىز بەيجيڭ ۋاقىتى ساعات 13 تەن 53 مينۋت وتكەندە،قاشقار ايماعىنىڭ ياركەن اۋدانىنداعى جاڭادان سالىنعان ياركەن اۋەجايى تۇڭعىش رەتكى جولاۋشىلار ايروپلانىن قارسى الدى.
1-تامىز كۇنى ساعات 12دەن 14 مينۋت وتكەندە، وڭتۇستىك اۆياتسيا سەرىكتەستىگىنىڭ CZ6875 كەزەكتى ايروپلانىنا وتىرعان 136 جولاۋشى ءۇرىمجى ديوپۋ حالىقارالىق اۋەجايىنان كوتەرىلىپ، ساعات 13تەن 53 مينۋت وتكەندە ياركەن اۋەجايىنا جەتتى. ول ياركەن حالىقتىق اۋەجايى سالىنعاننان كەيىن تۇڭعىش قارسى العان تۇراقتى ۋاقىتتاعى كەزەكتى ايروپلان بولدى. بۇل شينجياڭداعى 19-حالىقتىق اۋەجايدىڭ رەسىمي ىسكە قوسىلىپ پايدالانۋعا بەرىلگەنىن بىلدىرەدى.
ۇعىسۋعا قاراعاندا، ءۇرىمجى-ياركەن اۋە لەنياسىنىڭ ايرولان كەزەك ءنومىرى CZ6875/6 بولىپ، E190 نەمەسە بويىن 737 تۇرپاتتى ايروپلان قاتىنايدى ەكەن، بارار كەزەگى بەيجيڭ ۋاقىتى ساعات 12دە ۇرىمجىدەن ۇشىپ، ساعات 13 تەن 50 مينۋت وتكەندە ياركەنگە جەتەدى. قايتار كەزەگى ساعات 14 تەن 40 مينۋت وتكەندە ياركەننەن ۇشىپ، ساعات 16 دان 25 مينۋت وتكەندە ۇرىمجى ديوپۋ حالىقارالىق اۋەجايىنا قونادى.ياركەن اۋدانى-شينجياڭنىڭ باتىس وڭتۇستىگىنە، كۇنلۇن تاۋىنىڭ تەرىستىك بەتكەيىنە، پامير ءۇستىرتىنىڭ وڭتۇستىك جاعالاۋىنا، تاكلاماكان ءشولى مەن بۋگۇري ءشولىنىڭ اراسىنداعى ياركەن وزەنى جوعارى اعارى جازىعىنا ورنالاسقان.
ءان الەمى

جول توسىلىپ قالدى

تۇلپارىم