جاڭا حابارلار

شينجياڭنىڭ ەكونوميكاسى ءارى جاقسى ءارى تەز دامىدى

    كەلۋ قاينارى: شينجياڭ حالىق راديو ىستانسياسى    2017-08-04 13:17:23  

ءتاڭىرتاۋ تورابىنىڭ حابارى: 3 جىلدان بەرى، اسىرەسە، ج ك پ اۆتونوميالى رايوندىق 9-قۇرىلتايىنان بەرى، اۆتونوميالى رايوندىق پارتكوم باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزى مەن ورتالىقتىڭ شينجياڭ قىزمەتى جونىندەگى 2-رەتكى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن باتىل دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتۋدى ايقىن العا قويىپ، شينجياڭنىڭ ەكونوميكاسىنىڭ ءارى جاقسى، ءارى تەز دامۋىن جەبەدى.
اۆتونوميالى رايون پارتيا، ۇكىمەت ورىندارىنداعى نەگىزگى باسشىلار باستاماشى بولىپ، ورنىقتىلىق پەن ەكونوميكانى مىقتى يگەرۋ القاسىن قۇرىپ، قوعام ورنىقتىلىعى مەن باياندى تىنىشتىق باس نىساناسىنىڭ جەتەكشىلىگىندە، ەكونوميكا قىزمەتىن مىقتى يگەرىپ، «ءۇشتى ازايتۋ، ءبىردى تومەندەتۋ، ءبىردى تولىقتاۋ» قىزمەتىن جاقسى ىستەپ، وزىندىك ەرەكشەلىكتەگى ابزال كاسىپ سالالارىن جەتىلدىرىپ، نەگىزدىك قۇرىلعى جاعىنداعى ولقىلىقتى تولىقتىرىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەبەپ، شينجياڭ ەكونوميكاسىنىڭ ورنىقتى، اقاۋسىز دامۋ جاعدايىن ساقتادى.
مەملەكەتتىك ساناق مەكەمەسى بيىل 1-توقساندا رايونىمىزدىڭ وڭىرلىك ءوندىرىس جالپى ءونىم قۇنىنىڭ 179 ميلليارد 185 ميلليون يۋانعا جەتىپ، وتكەن جىلدىڭ سول تۇسىنداعىدان %7.6 ارتىپ، ارتۋ دەڭگەيىنىڭ بۇكىل ەلىمىزدىڭ ورتاشا دەڭگەيىنەن %0.7 جوعارى بولعاندىعىن، مۇنىڭ 2015-جىلدان بەرگى ءبىرىنشى توقسانداعى ەڭ تاماشا دەڭگەي ەكەندىگىن تۇرقتاندىردى.
وتكەن 3 جىلعا نازار سالساق، دۇنيە ءجۇزى ەكونوميكاسىنىڭ ارتۋى تۇلعالىق جاقتان باياۋلاعان جاعدايدا، اۆتونوميالى رايوندىق پارتكوم تۋدى بيىك ۇستاۋدان، باس نىسانانى ءدال كوزدەۋدەن جازباي، ورنىقتىلىق بارىسىندا ىلگەرىلەۋ نەگىزگى اۋەنىنە تاباندى بولىپ، «5 ۇلكەن دامۋ ۇستانىمىن» ورناتىپ، ەكونوميكانىڭ دامۋ جاڭا قالىبىنا ۇيلەسىپ، ساپا مەن ونىمدىلىكتى جوعارىلاتۋدى وزەك ەتىپ، دامۋدى جەبەدى. 
مۇنان دا قۋانارلىعى، وسى 3 جىلدا اۆتونوميالى رايون ساپا مەن ونىمدىلىكتى جوعارىلاتۋ، دامۋدى وزەك ەتۋ سىندى ماندىك تالاپتى ءداپ باسىپ يگەرىپ، ەكونوميكانى دامىتۋدا تىڭ جاڭالىققا قول جەتكىزدى. 
-1كاسىپ سالاسىنىڭ دەڭگەيىن جوعارىلاتىپ، استىقتى ورنىقتىرۋ، ماقتانى رەتتەۋ، جەمىس-جيدەكتى ساپالىلاندىرۋ، مال شارۋاشىلىعىن كوركەيتۋ توڭىرەگىندە ەگىن، مال شارۋاشىلىعىنىڭ دامۋ كومەسكى كۇشىن تولىق اشىپ، استىق ءوندىرىسىنىڭ ءۇرتىس 9 جىل ارتۋىن جۇزەگە اسىردى.
2-كاسىپ سالاسىندا ءتۇيىندى يگەرۋدەن جازباي، جاڭاشا ونەركاسىپتەندىرۋدى بىرتىندەپ جوعارى دەڭگەيگە كوتەردى، مۇنايعا جاتپايتىن ونەركاسىپتىڭ يەلەيتىن سالىستىرماسى %69.6 كە جەتىپ، مۇناي ونەركاسىبى «ءوز الدىنا بىرەگەي» بولاتىن جاعداي تۇبەگەيلى اياقتادى.
-3كاسىپ سالاسىن كۇش سالا دامىتتى. 3-كاسىپ سالاسىنىڭ يەلەيتىن سالىستىرماسى 10 نەشە جىلدان بەرى تۇڭعىش رەت 2-كاسىپ سالاسنان اسىپ، ەكونوميكانىڭ ارتۋىنا قوسقان ۇلەسى %55 تەن استى.
ەنەرگيا ۇنەمدەۋ، قورشاعان ورتانى قورعاۋ، جاڭا بۋىن ينفورماتسيا تەحنيكاسى، جوعارى دەڭگەيلى جابدىق جاساۋ سياقتى 7 ءىرى ستراتەگيالىق جاڭادان كوركەيگەن كاسىپ سالاسىنىڭ ىشكى ءوندىرىس ءونىم قۇنىندا يەلەيتىن سالىستىرماسى % 7 كە جەتىپ، كاسىپ سالالارى دەڭگەيىنىڭ جوعارىلاۋ اياق الىسى كورنەكتى تەزدەدى.
ەكونوميكانىڭ دامۋىنا تۇرتكى بولعان «3 قوزعاۋشى كۇشتىڭ» ىشىندە، قارجى قوسۋ شينجياڭنىڭ ەكونوميكاسىنىڭ ارتۋىنا جەبەۋ بولعان ماڭىزدى قوزعاۋشى كۇش. سول ءۇشىن، اۆتونوميالى رايون تۇراقتى مۇلىككە قارجى قوسۋدى بيىلعى قىزمەتتەگى «ماڭىزدى ءتۇيىن» ەتىپ، بيىل شينجياڭدا تۇراقتى مۇلىككە قوسىلاتىن قارجىنى ءبىر تريلليون 500 ميلليارد يۋانعا جەتكىزىپ، %50 تىڭ ۇستىندە ارتتىرۋدى العا قويدى.


بەرىپ كەت ورامالىڭدى

دوستار

الىستاعى اق ەركە