جاڭا حابارلار

قايراتتانا ۇمتىلعان 5 جىلداعى تاريحي تابىستار مەن وزگەرىستەر

    كەلۋ قاينارى: شينجياڭ گازەتى    2017-08-04 19:58:21  

−باس شۋجي شي جينپيڭنىڭ «26-شىلدەدەگى» ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە (3)
حالىق گازەتىنىڭ شولۋشىسى

 «شەشۋ ويلاستىرىلسا دا، ۇزاق ۋاقىتتان بەرى شەشىلمەي كەلە جاتقان كوپتەگەن قيىن ماسەلەلەر شەشىلدى، ءبىتىرۋ ويلاستىرىلسا دا، بۇرىننان بەرى بىتپەي كەلە جاتقان كوپتەگەن ءىرى ىستەر ءبىر جاقتى ەتىلدى». باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقىلاۋ كۋرسىندا سويلەگەن ماڭىزدى سوزىندە پارتيا 18 - قۇرىلتايىنان بەرى پارتيا مەن مەملەكەت ىستەرىندە قول جەتكەن تاريحي تابىستار جۇيەلى قورىتىندىلاندى، 5 جىلدان بەرى پارتيا مەن مەملەكەت ىستەرىندە جارىققا شىققان تاريحي وزگەرىستەر تەرەڭدەي بايىمدالدى، بۇكىل پارتيانى، بۇكىل ەلدەگى ءار ۇلت حالقىن جۇڭگوشا سوتسياليزم جولى، نازارياسى، ءتۇزىمى، مادەنيەتى جونىندەگى سەنىمدى بەكەمدەپ، پارتيا مەن مەملەكەت ىستەرىن ۇزدىكسىز العا ىلگەرىلەتۋگە شابىتتاندىردى جانە ىنتالاندىردى.
  پارتيا 18 - قۇرىلتايىنان بەرگى 5 جىل − پارتيا مەن مەملەكەتتىڭ دامۋ بارىسىنداعى وزگەشە 5 جىل بولدى. 5 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇگىنگى دۇنيە ءجۇزىنىڭ جانە قازىرگى زامانعى جۇڭگونىڭ دامۋ اۋقىمىن عىلمي يگەرىپ، امالياتتىڭ تالابى مەن حالىق تىلەگىنە ۇيلەسىپ، تەڭدەسسىز ساياسي باتىلدىق جانە كۇشتى جاۋاپكەرشىلىك ارقىلى تۋدى بيىك ۇستاپ، باعداردى ايقىنداپ، تۇلعالىق ورنالاستىرۋ جاساپ، قيىنشىلىقتاردان تايسالماي، ءورىس اشا ىلگەرىلەپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى جاپپاي مەڭگەرىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ماڭىزدى ستراتەگيالىق شارالاردى العا قويىپ، كەلەلى باعىت - ساياساتتاردى بەلگىلەپ، ءتۇيىندى قىزمەتتەردى ىلگەرىلەتىپ، رەفورما جاساۋدا، ەسىك اشۋدا جانە سوتسياليستىك وسىزامانداندىرۋ قۇرىلىسىندا كەسەك تە كەلەلى جەتىستىكتەرگە قول جەتكىزدى.
  بۇل قايراتتانا ۇمتىلعان 5 جىل بولدى. ءبىز پارتيانىڭ باسشىلىعىن جاپپاي كۇشەيتىپ، پارتيانىڭ جالپى جاعدايدى تۇلعالىق جاقتان مەڭگەرەتىن، ءارقايسى جاقتاردى سايكەستىرەتىن باسشىلىق ۇيتقىلىق رولىن ساۋلەلەندىردىك، پارتيانىڭ ۇيىسۋ قۋاتى، جاۋىنگەرلىك قۋاتى جانە باسشىلىق قۋاتى، ۇندەۋ قۋاتى بارىنشا ارتتى. ءبىز جاڭا دامۋ ۇستانىمىن بۇلجىماي دايەكتىلەندىرىپ، ەكونوميكالىق دامۋدىڭ جاڭا قالىبىنا ۇزدىكسىز سايكەسىپ، ونى يگەرىپ، وعان ءجون سىلتەپ، قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتىپ، ەلىمىزدىڭ اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋ بەتالىسىنا قاراي ۇزدىكسىز العا باسۋىن پارمەندى ىلگەرىلەتتىك. ءبىز رەفورمانى بۇلجىماي جاپپاي تەرەڭدەتتىك، مەملەكەتتىڭ جونگە سالۋ جۇيەسىندە رەفورماعا ارقاۋ بولاتىن تۇلعالىق جۇلگە نەگىزىنەن قالىپتاستى، ماڭىزدى سالالاردا جانە شەشۋشى بۋىنداردا رەفورما شارالارى ىركەس - تىركەس العا قويىلىپ، رەفورمانىڭ تياناقتانۋ تەبىنى ۇزدىكسىز ارتىپ، رەفورمادا جاپپاي كۇش سالاتىن، كوپ تۇيىننەن قامال الاتىن، ىشكەرىلەي ىلگەرىلەتەتىن جاڭا جاعداي جارىققا شىقتى. ءبىز مەملەكەتتى زاڭمەن جونگە سالۋدى بۇلجىماي، جاپپاي ىلگەرىلەتىپ، زاڭدى عىلمي شىعارۋ، زاڭدى قاتاڭ اتقارۋ، ءادىليانى ءادىل جۇرگىزۋ، جالپى حالىق زاڭعا بويسۇنۋ اياق الىسىن ءبىر تۇتاس جوسپارلاپ ىلگەرىلەتتىك، پارتيامىزدىڭ زاڭ تاسىلدەرىن قولدانىپ، مەملەكەتكە باسشىلىق ەتۋ جانە مەملەكەتتى جونگە سالۋ قابىلەتى كورنەكتى جوعارىلادى. ءبىز پارتيانىڭ يدەولوگيا قىزمەتىنە باسشىلىعىن كۇشەيتىپ، ماركسيزمنىڭ يدەولوگيا سالاسىنداعى جەتەكشىلىك ورنىن ايقىن تۋ ۇستاي وتىرىپ بەكەمدەدىك، يدەولوگيا سالاسىنداعى بەتالىستىق سيپات، ءتۇبىرلى سيپات، جالپىلىق سيپات الاتىن ماسەلەلەر ايقىندالىپ، بۇكىل پارتيانىڭ، تۇتاس قوعامنىڭ يدەيالىق جاقتاعى ىنتىماعى، بىرلىگى اناعۇرلىم بەكەمدەلدى. ءبىز ەكولوگيالىق وركەنيەت قۇرىلىسىن بۇلجىماي ىلگەرىلەتىپ، جاسىل دامۋ ءتاسىلى مەن تۇرمىس ءتاسىلىن ىلگەرىلەتۋدى جانە قالىپتاستىرۋدى اناعۇرلىم كورنەكتى ورىنعا قويىپ، «تۇنىق سۋ، جاسىل تاۋ − ەڭ ۇلكەن بايلىق» دەيتىن دامۋ ۇستانىمىن جۇرت ساناسىنا تەرەڭ ۇيالاتىپ، كورىكتى جۇڭگو قۇرىلىسىندا ماڭىزدى قادام باستىق. ءبىز مەملەكەت قورعانىسى مەن ارميانى وسىزامانداندىرۋدى بۇلجىماي ىلگەرىلەتىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جەتەكشى ەتىپ، ساياسيدى باسشىلىققا الىپ ارميا قۇرۋدى، رەفورما ارقىلى ارميانى قۇدىرەتتەندىرۋدى، عىلىم - تەحنيكا ارقىلى ارميانى گۇلدەندىرۋدى، ارميانى زاڭمەن جونگە سالۋدى ىشكەرىلەي ىلگەرىلەتىپ، مەملەكەت قورعانىسى مەن ارميا رەفورماسىندا تاريحي تىڭ تابىستارعا قول جەتكىزدىك. ءبىز جۇڭگوشا ءىرى ەل ديپلوماتياسىن بۇلجىماي جەبەپ، سەلبەسىپ تەڭ يگىلىككە كەنەلۋدى ۇيتقى ەتكەن جاڭاشا حالىقارالىق قاتىناس ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋعا كۇش سالىپ، حالىقارالىق قوعامنىڭ جاپپاي قولداۋىنا قول جەتكىزدىك، ەلىمىزدىڭ دامۋىنا بەيبىت حالىقارالىق ورتا جانە تاماشا توڭىرەكتىك ورتا ازىرلەدىك. ءبىز پارتيانى جاپپاي، قاتاڭ جونگە سالۋدى بۇلجىماي ىلگەرىلەتىپ، حالىق بۇقاراسىنىڭ اڭىسى ەڭ كۇشتى، پارتيانىڭ بيلىك جۇرگىزۋ نەگىزىنە توندىرەتىن حاۋىپ - قاتەرى ەڭ ۇلكەن كورنەكتى ماسەلەلەردى كۇش سالا شەشىپ، جەمقورلىققا قارسى تۇرۋ كۇرەسىنىڭ تەگەۋرىندى جاعدايىن قالىپتاستىردىق، پارتيانىڭ ىشكى ساياسي تۇرمىس اتموسفەراسى اناعۇرلىم جاڭالانىپ، بۇكىل پارتيانىڭ مۇرات - سەنىمى اناعۇرلىم بەكەمدەلىپ، پارتيالىق اناعۇرلىم نىعايىپ، پارتيانىڭ ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭالاۋ، ءوزىن - ءوزى جوعارىلاتۋ قابىلەتى كورنەكتى جوعارىلادى، پارتيانىڭ بيلىك جۇرگىزۋ نەگىزى مەن بۇقارالىق نەگىزى اناعۇرلىم بەكەمدەلىپ، پارتيا مەن مەملەكەت ىستەرىنىڭ دامۋىنا پارمەندى ساياسي كەپىلدىك ازىرلەندى.
  پارتيا مەن مەملەكەت ىستەرىندە 5 جىلدان بەرى قول جەتكەن تاريحي تابىستار مەن جارىققا شىققان تاريحي وزگەرىستەر جاڭا جۇڭگو قۇرىلعاننان، اسىرەسە، رەفورما جاساپ، ەسىك اشقاننان بەرى ەلىمىزدىڭ دامۋدا قول جەتكىزگەن كەلەلى تابىستارى نەگىزىندە جۇڭگوشا سوتسياليزمدى تىڭ دامۋ كەزەڭىنە كوتەردى. پارتيامىزدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى بولعاندىقتان، باس شۋجي شي جينپيڭنىڭ جەلىلەس ماڭىزدى سوزدەرى رۋحىنىڭ جانە ەل باسقارۋداعى جاڭا ۇستانىمدارىنىڭ، جاڭا يدەيالارىنىڭ، جاڭا ستراتەگيالارىنىڭ عىلمي جەتەكشىلىگى بولعاندىقتان، 5 جىلدان بەرى ءبىز تاريحي تابىستارعا قول جەتكىزدىك، بىزدە تاريحي وزگەرىستەر جارىققا شىقتى. باس شۋجي شي جينپيڭنىڭ «26 - شىلدەدەگى» ماڭىزدى ءسوزىنىڭ رۋحىن ۇيرەنىپ، دايەكتىلەندىرىپ، پارتيا مەن حالىقتىڭ وتكەن 5 جىلدا قايراتتانا ۇمتىلعان ۇلى امالياتىنا تىعىز ۇشتاستىرىپ، تاريحي تابىستار مەن وزگەرىستەر جونىندەگى تۇسىنىكتى تەرەڭدەتىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن اناعۇرلىم كۇشەيتىپ، ۇيتقىنى قورعاۋ، ءبىر اۋىزدىلىقتى ساقتاۋ يدەيالىق سانالىلىعى مەن ارەكەت سانالىلىعىن كۇشەيتىپ، پارتيا مەن مەملەكەت ىستەرىنىڭ باستان - اياق دۇرىس بەتالىستى بويلاي جەڭىسپەن العا باسۋىنا شىنايى كەپىلدىك ەتۋىمىز كەرەك.
  (شينحۋا اگەنتتىگىنىڭ 1 - تامىزدا بەيجيڭنەن بەرگەن حابارى)


بەرىپ كەت ورامالىڭدى

دوستار

الىستاعى اق ەركە