باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قاسيەتتى قازاق ەمشىلىگى

    كەلۋ قاينارى: شينجياڭ حالىق راديو ىستانسياسى    2017-08-05 01:05:52  
قوي ءوتى
ەم بولاتىن اۋرۋلارى:
.1 كوزگە تۇسكەن اققا جاڭا سويىلعان قويدىڭ وتىنە تازالانعان سۋ قوسىپ، سۇيىلتىپ، كۇنىنە 2 رەت تامىزادى.
.2 اق سارى تەمىرەتكىنى كەتىرۋ ءۇشىن دە قولدانىلادى.ول ءۇشىن تەمىرەتكىنىڭ بەتىن سپيرتپەن، اينالاسىن شەمەنمەن شاباقتاپ، سار سۋىن شىعارىپ، بىرنەشە كۇن بويى جاعادى.
 .3شاشتىڭ اراسىنا ۇساق بورتكەن تۇسكەندە، شاشتى قىرعىزىپ، ونان سوڭ سابىنداپ جۋىپ، ارتىنان سۋمەن سۇيىلتىلعان وتپەن جۋسا، بورتكەن جوعالادى.
قويدىڭ توق ىشەگى
جاس بالالاردىڭ كوك باۋىر قىزمەتىنىڭ قالىپسىزدىعىنان بولاتىن اۋرۋدى ەمدەۋ ءۇشىن تۋ قويدىڭ نەمەسە ەركەك قويدىڭ توق ىشەگىن، شاجىرقاي مايىن سىپىرماي، دوڭگەلەنگەن كۇيىندە ناۋقاس بالانىڭ كىندىگىنىڭ ۇستىنە قويىپ، جىلىلاپ وراپ جاتقىزادى.ەگەر ىشەكتىڭ جىلۋى تومەندەسە، تورسىققا جىلى سۋ قۇيىپ ۇستىنەن جىلۋ وتكىزەدى.بالا تەرلەپ، راقاتتانادى.وسى ەم بىرنەشە رەت جاسالسا، بالا جازىلادى.بۇل بوبەكتەردە بولاتىن «جەل شەتپە» دەپ اتالاتىن اۋرۋدىڭ ەمى.
قوي قارنى
جەل − قۇزدان بولاتىن اسقازان، ىشەك جولدارىنىڭ اۋرۋىنا، ايەلدەر اۋرۋىنا جانە قۇياڭعا قولدانىلادى.
ەمدەۋ ءادىسى: سەمىز تۋ قويدى سويىپ، ناۋقاس ادامنىڭ استىن جۇمساقتاپ، توسەككە ەكى اياعىن كوسىلتىپ وتىرعىزادى دا، سويىلعان قويدىڭ قارنىن جىلى كۇيىندە دەرەۋ ناۋقاس ادامنىڭ قۇرساعىنا قويىپ، جىلى وراپ تاستايدى.شامامەن جارتى ساعاتتان كەيىن ادامنان اعىل-تەگىل تەر شىعادى. ادام سۇيسىنەدى، شولدەسە، ءالسىن-ءالسىن سۋسىن ىشكىزەدى. شامامەن 2 − 3 ساعات مولشەرىندە قارىننىڭ جىلۋى قايتادى.وسى كەزدە ادامدى شىعارىپ الىپ، تازالاپ جۋىندىرادى (سۋىق تيۋدەن ساقتانۋ كەرەك). بويعا جىلۋ بەرەتىن، تەز قورىتىلاتىن تاعامدار ىشكىزىلەدى، بىرنەشە كۇن سورپالانىپ كۇتىلەدى.
ءان الەمى

جول توسىلىپ قالدى

تۇلپارىم