باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ازيا نەگىزدىك قۇرىلعىلارعا قارجى قوسۋ بانكەسىنىڭ باستىعى جين ليچۇن اۆتونوميالى رايونىمىزداعى ورگان كادرلارىنا بايانداما جاسادى

    كەلۋ قاينارى: xjbs    2017-08-12 19:55:45  

 ءتىلشىمىز جاۋ جىيۇن 10 - تامىزدا ۇرىمجىدەن حابارلايدى.

 10 - تامىز تۇستەن كەيىن، اۆتونوميالى رايوندىق پارتكوم مەن حالىق ۇكىمەتىنىڭ ۇسىنىسىنا ساي، ازيا نەگىزدىك قۇرىلعىلارعا قارجى قوسۋ بانكەسىنىڭ باستىعى جين ليچۇن رايونىمىزداعى ءىشىنارا ورگان كادرلارىنا بايانداما جاسادى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر بايانداما جاساۋ ءماجىلىسىن باسقاردى.

  باياندامادا جين ليچۇن ازيا نەگىزدىك قۇرىلعىلارعا قارجى قوسۋ بانكەسىنىڭ رولىن ساۋلەلەندىرۋ، ازياداعى ەلدەردىڭ نەگىزدىك قۇرىلعىلارعا قارجى قوسۋى، قارجى توعىستىرۋى جاعىنداعى كىلتەڭ ماسەلەلەردى شەشۋ، «ءبىر بەلدەۋ، ءبىر جول» قۇرىلىسىندا شينجياڭنىڭ وزەكتى رايوندىق ستراتەگيالىق رولىن ساۋلەلەندىرۋىن قولداۋ سياقتى جاقتاردان تارتىمدى بايانداما جاسادى.

   شوكىرات زاكىر مىنانى اتاپ كورسەتتى: بانكە باستىعى جين ليچۇننىڭ بايانداماسىنىڭ ءبىلىمدىك دەڭگەيى جوعارى، ەگجەي - تەگجەيلى، كوز اياسى كەڭ، تۇسىنىگى وزگەشە، عىلمي قۇنى جوعارى، شابىتتاندىرۋ رولى زور بولدى، ءبىزدىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، شينجياڭ قىزمەتىن مۇنان دا جاقسى ىلگەرىلەتۋىمىز جونىنەن ماڭىزدى جەتەكشىلىك ءمان الادى.

  شوكىرات زاكىر مىنانى باسا دارىپتەدى: فينانس − وسى زامانعى ەكونوميكانىڭ قانى، ەكونوميكانى دامىتۋدىڭ «جەبەۋشىسى»، شينجياڭ ەكونوميكاسىنىڭ ورنىقتى، اقاۋسىز دامۋى فينانستىق قولداۋ مەن قامتاماسىزداندىرۋدان قول ۇزە المايدى. شينجياڭ جىبەك جولى ەكونوميكالىق بەلدەۋىندەگى وزەكتى رايون جانە باتىسقا ەسىك اشۋداعى ماڭىزدى ءتۇيىن تۇرعىسىنان، ەسىكتى ونان ارى ايقارا اشۋ ارقىلى فينانس سالاسىن سىرتقا اشىق ۇستاۋدى ورنىقتى ىلگەرىلەتىپ، جىبەك جولى ەكونوميكالىق بەلدەۋىندەگى وزەكتى رايوننىڭ وڭىرلىك فينانس ورتالىعىن قۇرۋدى جەدەلدەتىپ، «ءبىر بەلدەۋ، ءبىر جول» قۇرىلىسىنا قۇلشىنا تىڭ ۇلەس قوسۋ كەرەك.

  شوكىرات زاكىر بىلاي دەدى: وسى ءبىر ماڭىزدى قىزمەت جاۋاپكەرشىلىگى مەن بورىشتى ويداعىداي ارقالاۋ ءۇشىن، بانكە باستىعى جين ليچۇننىڭ بايانداماسىنىڭ يدەيالىق ءنارىن مۇقيات ۇيرەنىپ، يگەرىپ، شىنايى ءتۇسىنىپ، ۇعىنىپ، امالياتقا جەتەكشىلىك ەتۋىمىز كەرەك. فينانستى جاسامپازدىقپەن دامىتۋدان جازباي، فينانس رەفورماسىن تەرەڭدەتىپ، قارجى توعىستىرۋ قۇرىلىمىن ۇزدىكسىز ساپالىلاندىرىپ، كەدەيلەردى فينانستىق جاقتان دالمە - ءدال سۇيەمەلدەۋدى ۇتىمدى ىلگەرىلەتىپ، جاسىل فينانس سىناق رايونىندا ناقتى ونىمدىلىككە قول جەتكىزۋىمىز كەرەك. جۇيەلىك سيپات العان فينانس حاۋىپ - قاتەرىنەن ىرىقتى تۇردە ساقتانۋدى جانە ونى شەشۋدى اناعۇرلىم ماڭىزدى ورىنعا قويىپ، ءتۇيىندى سالالاردا حاۋىپ - قاتەردەن كۇش سالا ساقتانىپ جانە ونى شەشىپ، فينانستىق حاۋىپسىزدىكتىڭ ساقتىق شەگى مەن حاۋىپ - قاتەردى شۇعىل ءبىر جايلى ەتۋ مەحانيزمىن بار كۇشپەن كەمەلدەندىرۋ كەرەك. ورنىقتى ارتتىرۋدىڭ، قۇرىلىمدى رەتتەۋدىڭ، جالپى مولشەردى مەڭگەرۋدىڭ بايلانىسىن ويداعىداي ءبىر جايلى ەتىپ، جەرگىلىكتى ۇكىمەت قارىزىنىڭ ارتۋىن قاتاڭ تىزگىندەپ، فينانس بازارى تارتىبىنە اۋىر نۇقسان جەتكىزەتىن ارەكەتتەردى باتىل وڭاپ، فينانس بازارى ءتارتىبىن قاتاڭ ارناعا ءتۇسىرۋ كەرەك. فينانستىق قولداۋدىڭ جەرگىلىكتى ەكونوميكانىڭ دامۋىنداعى رولىن ۇتىمدى ساۋلەلەندىرۋ ارقىلى شينجياڭنىڭ ەكونوميكاسى مەن قوعامىنىڭ ءارى جاقسى، ءارى تەز دامۋىن قۇلشىنا جەبەپ، اۆتونوميالى رايوننىڭ جاپپاي دوڭگەلەك داۋلەتتى قوعام قۇرۋ نىساناسىن بۇكىل ەلىمىزبەن تەڭ قادامدا جۇزەگە اسىرۋى، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋى جولىندا تالىقپاي قۇلشىنىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.  

 اۆتونوميالى رايوننىڭ باسشىلارىنان نايىم ياسىن، نۇرلان ءابىلماجىن ۇلى، لي پىڭشين، تيان ۋىن، لو دۇڭچۋان بايانداما جاساۋ ماجىلىسىنە قاتىناستى.

كەلۋ قاينارى : شينجياڭ گازەتىنەن

ءان الەمى

جول توسىلىپ قالدى

تۇلپارىم