جاڭا حابارلار

اقسۋ ايماعى اقسۋ وزەنى، وگەن وزەنى الابىنىڭ قوس ءبىر ميلليون مۋلىق ەكولوگياسىن وڭاۋ ينجەنەرياسىن باستادى

    كەلۋ قاينارى: شينجياڭ حالىق راديو ىستانسياسى    2017-08-22 11:54:28  
ءتاڭىرتاۋ تورابىنىڭ حابارى: ورتالىقتىڭ شينجياڭ قىزمەتى جونىندەگى 2-رەتكى اڭگىمە ماجىلىسىنەن بەرى، اقسۋ ايماعى كوكيار جاسىلداندىرۋ ينجەنەرياسىن اتقارۋ نەگىزىندە، جوسپارداعى جالپى اۋدانى 2 ميلليون 337 مىڭ 900 مۋ كەلەتىن اقسۋ وزەنى، وگەن وزەنى الابىنىڭ قوس ءبىر ميلليون مۋلىق ەكولوگياسىن وڭاۋ ينجەنەرياسىن باستاپ، جۇيەلى جاقسارتۋ، تۇتاس تۇلعا بويىنشا قورعاۋ، جاپپاي جونگە سالۋ سياقتى شارالاردى قولدانىپ، وزەننىڭ ەكى جاعالاۋىن جاسىلداندىرۋعا قۇلشىندى.
اقسۋ وزەنى، وگەن وزەنى الابىنىڭ قوس ءبىر ميلليون مۋلىق ەكولوگياسىن وڭاۋ ينجەنەرياسى اقسۋ ايماعىنىڭ «13-بەسجىلدىق» پلان مەزگىلىندەگى ەكولوگيالىق ورتا قۇرىلىسىنداعى ماڭىزدى نىسانى، اقسۋدىڭ تاريحتاعى ەڭ ءىرى حالىق تۇرمىسى جانە ەكولوگيا ينجەنەرياسى.
بۇل جاسىلداندىرۋ ينجەنەرياسىندا، اقسۋ قالاسى جوسپارلاعان جاڭادان ارتاتىن جاسىل جامىلعى اۋدانى 484 مىڭ مۋ، قازىر اقسۋ قالاسى 23 شاعىل زاۆودىن، مىڭنان استام شەبەرحانانى كوشىردى، مىندەتتى اعاش ەگۋ قيمىلىنا جيىنى 632 مىڭ 300 ادام-رەت قاتىناسىپ، اعاش ەگىپ، ورمان وسىرگەن جەر اۋدانى 413 مىڭ 300 مۋعا جەتتى. اقسۋ قالاسى اقسۋ وزەنى ەكولوگيا ينجەنەرياسى قۇرىلىس نىسانى كەڭسەسىنىڭ ورىنباسار مەڭگەرۋشىسى حۋاڭ شىڭلين بىلاي دەدى: 484 مىڭ مۋلىق ەكولوگيانى جاسىلداندىرۋ قۇرىلىسى اياقتاعاننان كەيىن، اقسۋ قالاسىنىڭ باتىس بولەگىندە جاسىل قالتقى قالىپتاسادى. مۇنىڭ ىشىندە ىقتاسىن ورمانى دا، ەكونوميكالىق ورمان دا بار، ەكونوميكالىق ورمان 5 تە 8 جىلعا دەيىن ءونىم بەرىپ، شارۋالاردىڭ كىرىسىن ارتتىرادى.
اقسۋ ايماعى وگەن وزەنى الابىندا، كۇشار اۋدانىن، شايار اۋدانىن، توقسۋ اۋدانىن ءتۇيىن ەتكەن وگەن وزەنى الابىنىڭ ەكولوگياسىن جاقسارتۋ ينجەنەرياسىن دا قاۋىرت جۇرگىزۋدە. بۇل ينجەنەريانىڭ جوسپارداعى اۋدانى ءبىر ميلليون 74 مىڭ 700 مۋ، ونىڭ وڭايتىن جانە گۇلدەندىرەتىن وزەكتى رايونى مەملەكەتتىك تاس جول، ولكەلىك تاس جول، جوعارى قارقىندى تاس جول بويلارىن، اۋەجايلاردى، سۋ قويمالارىن، 3 اۋداندى تۇتاستىراتىن جولداردى جاسىلداندىرۋ جانە توراڭعى ەكولوگيالىق كورىنىس رايونى بولماق. كۇشار اۋەجايىنا باراتىن يىڭبين جولىنىڭ 2 جاعىنداعى كەڭدىگى 60 مەتر كەلەتىن جاسىلداندىرۋ بەلدەۋى رەتىمەن قاتارلاسىپ، بوراننان ساقتانۋ ىقتاسىن بەلدەۋىن قالىپتاستىردى. 
اقسۋ ايماقتىق پارتكومنىڭ شۋجيى دوۋ ۋانگۇي بىلاي دەدى: ورتالىقتىڭ شينجياڭ قىزمەتى جونىندەگى 2-رەتكى اڭگىمە ءماجىلىسى اشىلعاننان بەرى، ءبىز جاسىل دامۋ تانىمىن بەرىك ورناتىپ، قورشاعان ورتانىڭ ساپاسىن جاقسارتۋدى وزەك ەتىپ، ەكولوگياسى كوركەم اقسۋ قۇرىلىسىن ىلگەرىلەتىپ، قوس ءبىر ميلليون مۋلىق ەكولوگيانى وڭاۋ ينجەنەرياسىن باستاماشى ەتكەن ەكولوگيانى وڭاۋ مىندەتىن الدىمەن ورىندايتىن رايون قۇرىلىسىن جەبەپ، تۇتاس قوعامنىڭ كۇشىن جۇمىلدىرىپ، اعاش ەگىپ، ورمان ءوسىرىپ، بوراننان ساقتانىپ، قۇمدى تىزگىندەپ، ەكولوگياسى كوركەم اقسۋ قۇرۋعا كۇش سالدىق.

بەرىپ كەت ورامالىڭدى

دوستار

الىستاعى اق ەركە