جاڭا حابارلار

اۋات اۋدانى ءتۇرلى شارانى قاتار قولدانىپ، اتىزداعى سولياۋ جارعاق بىلعانىشىن وڭادى

    كەلۋ قاينارى: شينجياڭ حالىق راديو ىستانسياسى    2017-08-22 12:02:56  
ستانسيامىزدىڭ ءتىلشىسى ايبىنحازى راحىمان ۇلى مەن اقسۋ راديو ستانسياسىنىڭ ءتىلشىسى ليۋ شينجىنىڭ حابارىن تىڭداڭىزدار: اۋات اۋدانى ءتۇرلى شارانى قاتار قولدانىپ، «سۋلياۋ جارعاقتىڭ لاستاۋىنا» حوش ايتىپ، وسى «ماقتا قالاسىنىڭ» جەرى جاسىل، سۋى تۇنىق بولۋىنا مۇمكىندىك جاسادى.
اۋات اۋدانى تامتوعىراق اۋىلى جوعارعى تامتوعىراق قىستاعىنىڭ ديحانى تۇرسىن موللاوشىر ەگىستىك جەرىنەن جيناپ الىنعان سۋلياۋ جارعاقتى، تاڭەرتەڭ اۋات اۋدانى حۇيشين سۋلياۋ جارعاق شەكتى جاۋاپكەرلىك سەرىكتەستىگىنىڭ مانەرلەۋ سەحنا اپاردى. جاراقسىز سۋلياۋ جارعاق سەرىكتەستىككە جەتكىزىلدى، مانەرلەنگەن سۋلياۋ تۇيىرشىكتەرى جىجياڭ، جياڭسۋ سياقتى جەرلەرگە جەتكىزىلىپ قۇنىتتاپ مانەرلەنىپ، جاڭادان وندىرىلگەن سۋلياۋ جارعاق بازارعا سالىنادى، تۇرسىن موللاوشىر: قازىر سۋلياۋ جارعاق جيناپ الىنادى، ءبىر ادامنىڭ ءبىر شارشى مەتر جەردەگى سۋلياۋ جارعاقتى وپ-وڭاي جيناپ الۋىنا بولادى، ەگەر تراكتورمەن جينالاتىن بولسا، ءتىپتى تەز ءارى تازا جينالادى، جۇمىسى از، ءونىمدى دە جاقسى، قالدىق زات قالمايدى،-دەدى.
اۋات اۋدانى ماقتا وندىرەتىن ءىرى اۋدان، ءارى سۋلياۋ جارعاقتى مولىنان پايدالاناتىن اۋدان. تۇتاس اۋدانداعى ماقتا ەگەتىن اۋماق ءبىر ميلليون 400 مىڭ مۋدان اسادى، 2015-جىلدان بەرى، جىلىنا پايدالانىلاتىن سۋلياۋ جارعاقتىڭ مولشەرى 8 مىڭ 400 توننادان استى. «سۋلياۋ جارعاقتىڭ لاستاۋىنىڭ» الدىن الۋ كەزەك كۇتتىرمەيتىن ماڭىزدى ماسەلەگە اينالدى، 2015-جىلى اۋات اۋدانى «سۋلياۋ جاراعاققا قاتىستى تيىم سالۋ بۇيىرىعىن» جاريالاپ، ولشەمگە جەتپەيتىن سۋلياۋ جارعاقتى ساتۋعا، قامداۋعا جانە ونى پايدالانۋعا تيىم سالۋمەن بىرگە، جاراقسىز سۋلياۋ جارعاقتى جيناپ مانەرلەۋ كاسىپورنىن ەنگىزىپ، اۋىل-قىستاق دارەجەلى سۋلياۋ جارعاق جيناۋ تۇيىنىنەن 20 نەشەسىن قۇرىپ، سيلاۋ مەحانيزىمى ارقىلى ديحانداردىڭ بەلسەندىلىگىن ارتتىرعاندىقتان، سۋلياۋ جاراقتى جيناۋ مولشەرى %80 كە جوعارىلادى.
جاسىلداندىرۋ ينجەنەرياسى دا سۋلياۋ جارعاقتىڭ لاستاۋىن وڭاۋمەن قاتار جۇرگىزىلدى. اۋات اۋدانى ورماندى قالپىنا كەلتىرۋ، قورشاپ جاسىلداندىرۋدىڭءبىرسپىرا ەكولوگيالىق ينجەنەرياسىن اتقارىپ، مەملەكەتتىڭ 33 مىڭ مۋ ورماندى قالپىنا كەلتىرۋ مىندەتىن ورىندادى، مۇنىڭ 30 مىڭ 378.7 مۋى ەكولوگيالىق ورمان، 2 مىڭ 621.3 مۋى ەكونوميكالىق ورمان. اۋات اۋداندىق ورمان شارۋاشىلىعى مەكەمەسى ورمان باسقارۋ پونكيتى نىسان كەڭسەسىنىڭ مەڭگەرۋشىسى جياڭ جۇن بىلاي دەدى: الدا قالپىنا كەلتىرگەن ورماندى جاقسارتىپ، ءونىم ءتۇرىن ءتىپتى دە ساپالاندىرامىز. تاماشا ەكولوگيالىق ورتانى ساقتاۋمەن بىرگە، ەگىنشى-مالشىلاردىڭ ەكونوميكالىق كىرىسىن اناعۇرلىم ارتتىرامىز.

بەرىپ كەت ورامالىڭدى

دوستار

الىستاعى اق ەركە