جاڭا حابارلار

قازىر شاۋەشەك قالاسىنداعى تىڭنان ارتقان ەگىستىك جەردىڭ اۋماعى 28.39 گەكتارعا جەتتى

    كەلۋ قاينارى: شينجياڭ حالىق راديو ىستانسياسى    2017-08-22 15:08:59  
ستانسيامىزدىڭ ءتىلشىسى لەي ميڭنىڭ حابارىن تىڭداڭىزدار: شاۋەشەك قالاسى جەردى رەتتەپ وڭاۋ قىزمەتىن ىستەگەننەن بەرى، قازىر تۇتاس قالاداعى تىڭنان ارتقان ەگىستىك جەردىڭ اۋماعى 28.39 گەكتارعا جەتىپ، ەگىس داقىلدارىنىڭ ەكونوميكالىق ونىمدىلىگى نىسان اتقارىلۋدان بۇرىنعى كەزدەگىدەن 10 دا %15 جوعارىلادى.
قازىر ەگىس جۇمىسىنىڭ قاربالاس كەزى بولعانىمەن، شاۋەشەك قالاسى بوزداق ەگىس الاڭى پوتاي قىستاعىنداعى مىڭ مۋلىق ەگىس اتىزىنان ونداي ءبىر قاربالاستىق بايقالمايدى. قىستاق ديحانى ليۋ جۇڭ بيىل 90 مۋ جەرگە جاڭادان جۇگەرى ەكتى، بۇرىن ەگىس اتىزىن ەكى ادام تاۋلىك بويى سۋاراتىن، قازىر وسى ەگىس اتىزىن جالعىز ءوزى 15 ساعاتتا سۋارىپ بولادى. ءونىم مولشەرى دە بۇرىنعى 700 كيلوگرامنان ءبىر تونناعا ارتتى. ول: بۇرىن مول سۋمەن باياۋ سۋاراتىنبىز، ءبيدايدان مۋ باسىنان 250 دە 300 كيلوگرام ءونىم الاتىنمىن، قازىر جاپپاي 400 كيلوگرام ءونىم الامىن، جۇگەرىنىڭ ءونىم مولشەرى دە ارتتى، قازىر مۋ باسىنان 800 دە 900 كيلوگرام ءونىم الامىن، ءبىر توننا ءونىم الاتىندار دا كوپ، كوپشىلىكتىڭ كىرىسى دە بارىنشا جوعارىلادى،-دەدى.
ليۋ جۇڭ وسىنىڭ بارلىعى شاۋەشەك قالاسىنىڭ جەردى رەتتەپ وڭاۋ نىسانىنىڭ پايداسى ەكەنىن، قازىر، تۇگەلدەي تامشىلاتىپ سۋارۋعا وزگەرگەنىن، ەگىس اتىزى اراسىنداعى جولداردىڭ توپىراق جولدان شاعىل جولعا اينالعانىن، ەڭبەككۇش ماسەلەسى شەشىلۋدەن سىرت، ءوندىرىس شارت-جاعدايىنىڭ دا بارىنشا جاقسارعانىن ايتتى. پوتاي قىستاعىنىڭ ديحانى جاڭ چيڭ بىلاي دەدى: بۇرىن شەكتەمەگە ۇشىرايتىندىقتان، جەر نەداۋىر بىتىراڭقى ەدى، كەي جەرلەرگە ەگىن ەگۋگە بولعانمەن، كەي جەرلەرگە بولمايتىن، رەتتەلگەننەن كەيىن ارناعا ءتۇستى، بۇرىن وسى ەگىس اتىزىن مول سۋمەن باياۋ سۋاراتىنبىز، ورتا، سوڭعى مەزگىلدە تىڭايتقىش بەرە المايتىن ەدىك، جەر رەتتەلگەننەن كەيىن، تامشىلاتىپ سۋارۋ جابدىعى ورناتىلدى، تىڭايتقىشتى قانشا بەرگىڭىز كەلسە، سونشا بەرەسىز، قانداي تىڭايتقىش كەم بەرىلسە سول تىڭايتقىشتى تولىقتاپ بەرۋگە بولادى، سوندىقتان دا ءونىم مولشەرى جىل سايىن ارتىپ وتىر.
تامشىلاتىپ سۋارۋ جۇيەسىنىڭ جالپىلاسۋى، تىڭايتقىشتىڭ پايدالانۋ مولشەرىن %50، سۋدىڭ پايدالانۋ مولشەرىن %30، ءونىم مولشەرىن %15 ارتتىردى، ورتا ەسەپپەن ءار مۋ جەردەن 40 يۋانداي ادام ىستەتۋ اقىسىن ۇنەمدەۋگە بولادى، بۇل تاعى ءار مۋ جەردىڭ ونىمدىلىگىن ورتا ەسەپپەن 300 يۋان جوعارىلاتتى، ديحانداردىڭ كىسى باسىندىق ارتقان كىرىسى 4 مىڭ يۋانداي بولدى. شاۋەشەك قالاسى مەملەكەتتىك جەر بايلىعى مەكەمەسىنىڭ باستىعى چىن ۋانشين تانىستىرا كەلىپ، بىلاي دەدى: جوعارى ولشەمدى نەگىزگى ەگىس اتىزى قۇرىلىسىن جۇرگىزۋ ارقىلى اۋىل شارۋاشىلىق ءوندىرىس شارت-جاعدايىن جوعارىلاتىپ، استىق حاۋىپسىزدىگىنە كەپىلدىك ەتۋ قۋاتىن ارتتىرىپ، اۋىل-قىستاقتىڭ جەردى ۇنەمدەپ شوعىرلى پايدالانۋ اياق الىسىن ىلگەرىلەتىپ، ەگىس اتىزىنىڭ نەگىزگى ورتاسى جاقسارعاندىقتان، ديحانداردىڭ كىرىسى ءونىمدى ارتتى.

بەرىپ كەت ورامالىڭدى

دوستار

الىستاعى اق ەركە