جاڭا حابارلار

اقسۋ تەحنيكتەر ينستيتۋتىنىڭ كۇشار اۋدانى وچا قالاشىعى 2-وچا الەۋمەتتىك اۋماعىندا تۇراتىن قىزمەت اترەتى قيىنشىلىعى بارلارعا كومەكتەسۋ قيمىلىن ورىستەتتى

    كەلۋ قاينارى: شينجياڭ حالىق راديو ىستانسياسى    2017-08-25 17:35:19  
كۇشار راديو ستانسياسىنىڭ ءتىلشىسى حاۋ جۇنفىڭنىڭ حابارىن تىڭداڭىزدار: 23-تامىزدا، اقسۋ تەحنيكتەر ينستيتۋتىنىڭ كۇشار اۋدانى وچا قالاشىعى 2-وچا الەۋمەتتىك اۋماعىندا تۇراتىن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى وقۋعا، قيىنشىلىعى بارلارعا كومەكتەسۋ قيمىلىن ورىستەتىپ، الەۋمەتتىك اۋماقتاعى 13 كەدەي ستۋدەنتكە جانە ەرەكشە قيىنشىلىعى بار 13 وتباسىنا 160 مىڭ يۋاننان ارتىق جىلۋ اتادى.
كۇشار اۋدانى وچا قالاشىعى 2-وچا الەۋمەتتىك اۋماعىنىڭ تۇرعىنى رىزپام قۇرباننىڭ ۇلى مەن قىزى بيىل جەكە-جەكە شينجياڭ ينجەنەريا ينستيتۋتى مەن انحۇي قازىنا-ەكونوميكا ۋنيۆەرسيتەتىنە ەمتيحان بەرىپ وتەدى، وسى رەت قىزمەت گرۋپپاسى ونىڭ ەكى بالاسىنا جىلۋعا 20 مىڭ يۋان كەدەيلەردى سۇيەمەلدەۋ وقۋعا كومەكتەسۋ قارجىسىن اتادى، ول: «ەگەر وسى اقشا بولماعان بولسا، بالالارىم وقي الماۋشى ەدى، قىستاقتا تۇرعان قىزمەت اترەتىنە ەرەكشە العىس بىلدىرەمىن»-دەدى.
وسى رەت، قىزمەت گرۋپپاسى الەۋمەتتىك اۋماقتاعى 9 وتباسىداعى 13 كەدەي ستۋدەنتتىڭ ءار بىرەۋىنە كومەككە 10 مىڭ يۋاننان اقشا بەردى، كومەككە يە بولعان ءاديلا نياز بەن ءسىڭلىسى جەكە-جەكە شىن-ياڭ ءدارى-دارمەك بىلىمدەرى ۋنيۆەرسيتەتى مەن شينجياڭ مەديتسينا ۋنيۆەرسيتەتىنە ەمتيحان بەرىپ وتكەن بولاتىن. ءاديلا نياز بىلاي دەدى: «مەن 12 جاسىمدا رايونىمىز ىشىندەگى ورتالاۋ مەكتەپ كلاسىنا ەمتيحان بەرىپ ءوتتىم، ودان كەيىن ىشكى ولكەدەگى شينجياڭ ورتا مەكتەپ كلاسىنا ءوتتىم، مەن پارتيا مەن ۇكىمەتتىڭ كومەگىندە وقىپ كەلەمىن، بۇگىنگى كۇنى تاعى جوعارى مەكتەپكە وتكەنىمدە قىزمەت اترەتىنىڭ وقۋعا كومەكتەسۋ قارجىسىن تاپسىرىپ الدىم، مەن قاتتى قۋاندىم. بۇدان كەيىن كاسىپتىك بىلىمدەردى ءسوز جوق جاقسى ۇيرەنىپ، مەملەكەتتىڭ قۇرىلىسىنا ءوز كۇشىمدى ارنايمىن».
وسى رەت قىزمەت گرۋپپاسى تاعى الەۋمەتتىك اۋماقتاعى ەرەكشە قيىنشىلىعى بار 13 وتباسىنا 600 يۋاننان جىلۋ اتادى. الداعى بەس جىلدا، ەرەكشە قيىنشىلىعى بار وسى 13 وتباسىنىڭ ءار بىرەۋىنە 3 مىڭ يۋاننان جىلۋ اتاۋدى جوسپارلاپ وتىر. اقسۋ تەحنيكتەر ينستيتۋتىنىڭ كۇشار اۋدانى وچا قالاشىعى 2-وچا الەۋمەتتىك اۋماعىندا تۇراتىن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى يىن شۋانچۇن بىلاي دەدى: «2-وچا الەۋمەتتىك اۋماعىنان بيىل 27 وقۋشى جوعارى مەكتەپكە ءوتتى، مۇنىڭ ىشىندە وتباسىندا قيىنشىلىعى بارلارى 9 وتباسىنداعى 13 ادام، بۇدان سىرت، ەرەكشە قيىنشىلىعى بار 13 وتباسى بار. ينستيتۋت قارجىنىڭ ءبىرازىن شىعارسا، وقىتۋشى، جۇمىسشى-قىزمەتكەرلەر ءبىرازىن شىعاردى، بۇل كوپشىلىكتىڭ پارتياعا ىلەسۋ سەنىمىم بەكەمدەدى».

بەرىپ كەت ورامالىڭدى

دوستار

الىستاعى اق ەركە