جاڭا حابارلار

شينجياڭنىڭ ەبنۇر كولى ايدىنى 800 شارشى كيلومەتردەن استى

    كەلۋ قاينارى: شينجياڭ حالىق راديو ىستانسياسى    2017-08-26 23:32:09  
شينحۋا اگەنتتىگىنىڭ حابارى: ەكولوگياسىن 2 جىلدىڭ ۇستىندە وڭاۋ ارقىلى تەگىندە ەلىمىزدەگى قۇمدى بوران قاينارلارىنىڭ ءبىرى بولعان شينجياڭنىڭ ەبنۇر كولى قازىر، ايدىنى بىرتىندەپ ۇلعايىپ 800 شارشى كيلومەتردەن استى. وزەندەر سارقىلماي قۇيىلىپ تۇرعاندىقتان كول شەتىندەگى سازدى جەرلەر قالپىنا كەلىپ، تىرشىلىك تىنىسى كورنەكتىلەنىپ، جىل قۇستارى مەن ەبنۇر بۇعىسى سياقتى سيرەك كەزدەسەتىن اڭ-قۇستاردىڭ جايلى مەكەنىنە اينالدى.
ەبنۇر كولىنىڭ ەكولوگيالىق ورتاسىن كۇش سالا قورعاپ، قالپىنا كەلتىرۋ ءۇشىن، بۇراتالا وبىلىسى 2015-جىلدان بەرى ەبنۇر كولىنىڭ اعارىنداعى سۋدىڭ پايدالانۋ احۋالىن ءبىر تۇتاس پارمەندى باسقارىپ، ءىرى سۋ قويماسىن سالۋ ارقىلى ەبنۇر كولىن تولىقتايتىن سۋ مولشەرىن ارتتىردى، تاعى ءبىر جاعىنان ۇنەمشىلدىكپەن سۋارۋ، قۇمايتتانعان جەرلەردەگى جايىلىمدى قالپىنا كەلتىرۋ، ورماندى قالپىنا كەلتىرۋ سياقتى ينجەنەريالاردى اتقاردى.
بۇراتالا وبلىسى بيىل تاعى جەر استى سۋىن اشىپ پايدالانۋعا تيىم سالۋ رايونى مەن شەكتەۋ رايونىن، سونداي-اق مال- ءۇي قۇستارىن باعۋعا تيىم سالۋ رايونىن بەلگىلەۋ، قوقىر-قوقسىقتاردى جيناۋ مەن زالالسىزداندىرىپ ءبىرجايلى ەتۋ، ەگىس داقىلدارىن ۇنەمشىلدىكپەن سۋارىپ، قۋاڭشىلىقتان ساقتانۋ تەحنيكاسى، ورتانى تور جايۋ فورماسىندا باقىلاۋ-باسقارۋدى كۇشەيتۋ سىندى شارالاردى قولدانىپ، ەبنۇر كولىنىڭ ەكولوگيالىق ورتاسىن ۋنيۆەرسال وڭاۋ ٴءتۇيىندى قىزمەتىن قولعا الدى.
ەبنۇر كولىنىڭ ەكولوگيالىق ورتاسىن جالعاستى كەمەلدەندىرۋ ءۇشىن، مەملەكەت جانە شينجياڭ ۇيعۇر اۆتونوميالى رايونى 2016-جىلدان باستاپ 350 ميلليون يۋان اجىراتىپ، ەبنۇر كولىنىڭ اعارىندا لاس سۋلاردى ءبىرجايلى ەتۋ زاۆوتى، وزەن ارناسىنداعى سۋ ەكولوگياسىن وڭاۋ ينجەنەرياسى سياقتى سۋ بىلعانۋىنىڭ الدىن-الۋ ينجەنەريالارىن اتقاردى. بيىل تاعى 670 ميلليون يۋان اجىراتىپ ەبنۇر كولىنىڭ توڭىرەگىندەگى قالا-قالاشىقتاردىڭ لاس سۋلارىن ٴبىرجايلى ەتۋ نىسانى، تۇرمىستىق قوقىر-قوقسىقتاردى ٴبىرجايلى ەتۋ نىسانى قۇرىلىستارىن قولداپ، اعارداعى سۋ ورتاسىنىڭ ۋنيۆەرسالدى كوتەرىمدىلىك قۋاتىن ارتتىردى.
ەبنۇر كولى-سازدى جەرى مەملەكەتتىك ءتابيعي قورىق رايونىن باسقارۋ مەكەمەسىنىڭ باستىعى چيڭ جيانلين بىلاي دەدى: قازىر ەبنۇر كولى ماڭايىنداعى سازدى جەردىڭ اۋماعى 27 مىڭ مۋعا جەتتى، توراڭعى ورمانى قايتالاي جايقالىپ، سۇلۋ ساز قۇستار مەن اڭداردى باۋراپ، ءجاننات مەكەنگە اينالدى.

بەرىپ كەت ورامالىڭدى

دوستار

الىستاعى اق ەركە