جاڭا حابارلار

سانجى وبىلىسى «تازا سۋ جۇيەسى» ارەكەتى جوسپارىن اتقاردى، سۋ بايلىعىنان بارىنشا ۇتىمدى پايدالاندى

    كەلۋ قاينارى: شينجياڭ حالىق راديو ىستانسياسى    2017-08-27 00:35:13  
سانجى راديو ستانسياسىنىڭ ءتىلشىلەرى چاڭ ي-ي مەن جيە ۋيجياننىڭ حابارىن تىڭداڭىزدار: مەملەكەتتىڭ ولشەمى بويىنشا، سانجى وبىلىسىنىڭ كىسى باسىنا تۋرا كەلەتىن سۋ بايلىعى جالپى مولشەرى ءبىر مىڭ 600 تەكشە مەتر بولىپ، شينجياڭ بويىنشا سۋ ەڭ تاپشى 3 ايماق، وبىلىستىڭ ءبىرى ەسەپتەلدى. وڭىردەگى سۋ بايلىعىنىڭ نەداۋىر تاپشى، سۋدان پايدالانۋ نەداۋىر جەتكىلىكسىز سياقتى ماسەلەلەرگە قاراتا، سانجى وبىلىسى ەكونوميكا، اكىمشىلىك، عىلىم-تەحنيكا، باعا سياقتى شارادان جان-جاقتىلى پايدالانىپ، بۇكىل وبىلىس كولەمىندە سۋ ۇنەمدەپ، سۋدى تىزگىندەۋدى اتقارىپ، سۋ بايلىعىنان بارىنشا ۇتىمدى پايدالاندى.
«تەلەفوندى اشقاننان كەيىن جەرىمىزدىڭ نەشىنشى ءنومىرلى ەكەنىن كورە الامىز، قازىر ءبىز 8-ءنومىرلى جەردى سۋارىپ جاتىرمىز».
سوڭعى مەزگىلدە، ماناس اۋدانى لو تويى قالاشىعى شاڭجۋاڭزى قىستاعىنىڭ تۇرعىنى ۋ شينمين ءوزى ەككەن پاميدوردى ساتۋمەن قاربالاس بولدى، پاميدوردى ساتقان ارەدىكتە ول تاعى قول تەلەفوننىڭ اقىلدىق APP ى ارقىلى ماقتا اتىزىن سۋارۋ جاعدايىن مەڭگەردى. بيىل، ول 3 مىڭ مۋدان ارتىق جەردى كوتەرىپ الىپ، وعان پاميدور جانە ماقتا ەكتى. ول بىلاي دەدى: «وتە جاقسى بولدى، اۋەلى اتىز باسىنا بارمايتىن بولدىق، ۇيدە دە، سىرتقا شىققاندا دا مەڭگەرۋگە بولادى، قاقپاقشانى اشۋ، الدە جابۋ بولسىن بارىنە جەتتىك بولدىم. كوپ ۋاقىت ۇنەمدەلىپ، قولايلى بولدى».
بيىل، ماناس اۋدانى 65 ميلليون يۋان قارجى جۇمساپ، تاسىرقاي اۋىلى، لو تويى قالاشىعى، باۋجياديان قالاشىعى سياقتى جەرلەرىندە وسىزاماندانعان سۋرارۋ ۇلگى رايونىن الدىمەن قۇرىپ، اۋىل شارۋاشىلىعىندا سۋدى اقىلدىق تىزگىندەۋدى اتقاردى. ماناس تاسىرقاي وزەنى اعارى باسقارماسى سۋ باسقارۋ بولىمشەسىنىڭ باستىعى جۋ ۋي بىلاي دەپ تانسىتىردى: سۋارۋ رايونىنىڭ جوبالانعان كولەمى 120 مىڭ مۋ، مەجەمەن5 جىلدا سالىپ بولامىز، قازىر 33 مىڭ مۋلىق سۋ بايلىعىن ءونىمدى پايدالانۋ، جەردى شوعىرلى پايدالانۋ، كولەمدەنگەن ەگىمشىلىك شوعىرلانعان وسىزاماندانعان اتىز ۇلگى رايونىن قۇردىق. مۇندا نەگىزىنەن ينجەنەريا سيپاتتى سۋ ۇنەمدەۋ، جابدىق ارقىلى سۋ ۇنەمدەۋ جانە تەحنيكا ارقىلى سۋ ۇنەمدەۋدى اتقاردىق، اتىزدىڭ اۆتوماتتانعان قۇرىلعىسى سۋ مەن تىڭايتقىشتى بىرىكتىرىپ، ءار مۋ اتىزدىڭ سۋ ۇنەمدەۋ مولشەرىن 80 تەكشە مەترگە جەتكىزدى.
اۋىل شارۋاشىلىعى جاعىندا سۋدان پايدالانۋ تاسىلىنە جاڭالىق اشۋمەن بىرگە، سانجى وبىلىسى ءبىرتۇتاس جوبالاپ، وبىلىس بويىنشا سۋ بايلىعى جاعدايىن باقىلاۋ-ولشەۋ تورابىن قۇرىپ، 60 ميلليون يۋاننان ارتىق قارجى قوسىپ، وبىلىستاعى 7 مىڭ 582 اۋىل شارۋاشىلىعى سۋارۋ قۇدىعىنىڭ سۋ الۋدى ولشەۋ قۇرىلعىسىنىڭ دارەجەسىن جوعارىلاتىپ وزگەرتتى، سونىمەن بىرگە زاڭسىز سۋ الۋ ماتورلى قۇدىعىن قازۋشىلارعا قاتاڭ سوققى بەردى. فۋكاڭ قالالىق سۋ ىستەرى مەكەمەسى سۋ اكىمشىلىگى ءبولىمىنىڭ ورىنباسار مەڭگەرۋشىسى ۋاڭ چيرۇڭ تىلشىگە بىلاي دەدى: « وسى شارالاردىڭ اتقارىلۋى جەر استى سۋىن بارىنشا پايدالانۋعا جانە ۇنەمدەۋگە مۇمكىندىك جاراتتى، سوڭعى ءۇش جىلدان بەرى، فۋكاڭ قالاسىنىڭ جەر استى سۋ دەڭگەيى جالپى 33 سانتيمەتر جوعارىلادى. قۇدىق پەن ەلەكتر مولشەرىن بىردەي تىزگىندەۋ قۇرىلعىسىن ورناتىپ، سۋدان پايدالانۋ مولشەرىنىڭ قىزىل سىزىق كورسەتكىشىنەن اسىپ كەتكەن-كەتپەگىنىن ۇنەمى دەر كەزىندە مەڭگەردىك، قۇدىق پەن ەلەكتردى ءۇرتىس ءۇش جىل تىزگىندەۋ ارقىلى، فۋكاڭ قالاسىنىڭ جەر استى سۋ دەڭگەيى جىل سايىن جوعارىلادى».
ونەركاسىپ جاعىندا سۋدان پايدالانۋدا، سانجى وبىلىسىنىڭ قورشاعان ورتانى قورعاۋ، سۋ يگىلىگى سياقتى بىرنەشە تاراۋى بىرلەسىپ، كاسىپورىنداردى ونەركاسىپتەگى جاراقسىز سۋدان پايدالانۋ مولشەرىن جوعارىلاتىپ، سۋدان اينالمالى پايدالانۋدى جۇزەگە اسىرۋعا قۋزادى. سونىمەن بىرگە، سانجى وبىلىسى 10 مىڭ يۋاندىق ىشكى وندىرىستىك جالپى ءونىم قۇنى بويىنشا سۋ قۇراۋى كورسەتكىشى سياقتى سۋدان پايدالانۋ ونىمدىلىگىن باعالاۋ جۇيەسىن بەلسەنە قۇرىپ، سۋ قۇراۋى جوعارى كاسىپتىڭ سۋ الۋ جاعىنداعى ۇلەس ولشەمىن كەمەلدەندىرىپ، توقتام تۇزىمىندەگى سۋدان پايدالانۋدى جالپىلاستىرىپ، 10 مىڭ يۋاندىق ىشكى وندىرىستىك جالپى ءونىم قۇنى بويىنشا سۋدان پايدالانۋ مولشەرىن 2016-جىلدىڭ ۇقساس مەزگىلىندەگىدەن %5 تىڭ ۇستىندە تومەندەتتى. سانجى وبىلىستىق سۋ يگىلىگى مەكەمەسىنىڭ ورىنباسار باستىعى كان شيڭحۋا بىلاي دەدى: «بيىل جىل باسىنا دەيىن، وبىلىس بويىنشا ءونىمدى سۋ ۇنەمدەۋ جەر كولەمى 5 ميلليون 820 مىڭ مۋعا جەتتى؛ 2-، 3-كاسىپتىڭ سۋدان پايدالانۋ مولشەرىن ولشەۋ مەن باقىلاۋدى %100 جالپىلاستىردىق؛ سۋ باعاسىن اتقارۋ تەبىنىن كۇشەيتۋ ارقىلى، قوعام، كاسىپورىن جانە جەكە بولىپ سۋ ۇنەمدەيتىن جاعدايدى قالىپتاستىردىق».

بەرىپ كەت ورامالىڭدى

دوستار

الىستاعى اق ەركە