جاڭا حابارلار

شينجياڭنىڭ ساياحات بايلىعى مەن تەمىر جول قاتىناس ابزالدىلىعى ءوزارا ۇشتاستى

    كەلۋ قاينارى: شينجياڭ حالىق راديو ىستانسياسى    2017-08-28 13:04:49  
شينحۋا اگەنتتىگىنىڭ حابارى: قاتىستى تاراۋلار رايون ىشىندە تەمىر جول ساياحاتىن جانداندىرۋ، جولاۋشىلاردى تاۋارمەن جالعاستى قامداۋ ٴءۇشىن، جولاشى پويەزىنان 22.5 ءجۇبىن ۇستەمەلەپ، پويەزبەن شينجياڭدى ساياحاتتاۋ ساياحات تاۋار تۇرلەرىن قالىپتاستىرىپ، شينجياڭنىڭ ساياحات بايلىعى مەن تەمىر جول قاتىناس ابزالدىلىعىن ءوزارا ۇشتاستىردى.
ءۇرىمجى تەمىر جول مەكەمەسىنىڭ تانىستىرۋىنا قاراعاندا، وتكەن جىلدان باستاپ، تەمىر جول تاراۋلارى ابزال ستراتەگيالىق ورنالاستىرۋىن جاساپ، بازارعا سايكەسىپ، پويەزدىڭ قاتىناۋ ۋاقىتىن 14 رەت رەتتەپ، لانجوۋ-شينجياڭ تەز قارقىندى تەمىر جولىن نەگىز ەتكەن، وڭتۇستىك جانە سولتۇستىك شينجياڭ تەمىر جولى قوس باعىتىنداعى تەز قارقىندى قاتىناس تورابىن قالىپتاستىردى. 1-شىلدەدەن باستاپ ۇرىمجىدەن دۇنحۋاڭعا قاتىناعان جولاۋشىلار پويەزى، ءۇرىمجى، تۇرپان، دۇنحۋاڭ ساياحات لەنياسىن جالعاستىرىپ، دۇنحۋاڭدى شينجياڭ تەمىر جولىنىڭ ساياحات تارماعىنا ەنگىزدى.
بۇدان سىرت، بيىل شينجياڭنىڭ تەمىر جول تاراۋى ىشكى ولكەدەگى تەمىر جول تاراۋلارىمەن سەلبەسىپ، ساياحات پويەزدارىنىڭ شينجياڭعا كوپتەپ بارۋىنا جول اشتى. قازىرگە دەيىن، شينجياڭعا ارنايى قاتىنايتىن ساياحات پويەزىنىڭ سانى 88 بولىپ، مەجەمەن بيىل شينجياڭعا ارنايى باراتىن ساياحات پويەزىنىڭ سانى 160 قا جەتەدى ەكەن.
«دۇنحۋاڭداعى يۋەياچۋانعا بارۋدى ويلاپ جۇرگەن بولاتىنمىن، بۇل جولى وسى ارمانىم ورىندالدى». شىنياڭنان كەلگەن ليۋ مىرزا باستاپتا ساۋدا ءىسىن كەڭەسۋ بابىمەن ۇرىمجىدەن دۇنحۋاڭعا بارۋدى جوسپارلاعان بولاتىن، «دۇنحۋاڭدا كەزدەسەيىك» ساياحات پويەزىنىڭ كەشتە اتتانىپ، تاڭەرتەڭ جەتۋ سىندى قاتىناۋ ابزالدىلىعى ونىڭ ساياحاتتاۋعا ۋاقىت شىعارۋىنا مۇمكىندىك تۋدىردى.
شينجياڭنىڭ ىشكى تەمىر جول ساياحات شەڭبەرىن قالىپتاستىرۋ ءۇشىن، شينجياڭنىڭ تەمىر جول تاراۋلارى تاسىمال كولىكتەرىمەن قامداۋدى ۇزدىكسىز مولايتىپ، باسقارۋىنداعى جولاۋشىلار پويەزىنەن 45 ىن كوبەيتىپ، «شينجياڭدى پويەزبەن ساياحاتتاۋ» ساياحات جەلىلەرىن اشۋ ارقىلى شينجياڭنىڭ ساياحات بايلىعىنىڭ تەمىر جول قاتىناسى باسىمدىعىمەن تەرەڭدەي توعىسۋىن جۇزەگە اسىرماقشى.
15-ماۋسىمدا باستالعان «التىن ءۇشبۇرىش» اتتى ساياحات ارناۋلى پويەزىمەن سولتۇستىك شينجياڭدى اينالىپ شىعۋ ماقساتىندا كۇنىنە 2 كەزەكشى پويەز جولعا شىعىپ، قۇلجا، التاي باعىتتارىنا قوس باعىتتا اتتانىپ، ءۇرىمجى، ىلە، التاي «التىن ءۇشبۇرىش» ساياحات شەڭبەرىن تۇتاستىردى. مۇنداعى 25 ءتۇرلى دارالىققا يە، ارنايىلانعان جول جەلىسى، زەر سالا جوبالانعان جول جەلىسى جانە ساپار ۋاقىت كەستەسى ساياحاتشىلاردىڭ تۇندە تىنىعىپ، كۇندىز قاناس كولى، نارات ساحاراسى، سايرام كولى سياقتى ساياحات اۋماقتارىن تاماشالاۋىنا كەپىلدىك ەتەدى. ەركىن ساياحاتتايتىن، قىسقا ارالىققا ساياحاتتايتىن ساياحاتشىلاردىڭ ساپارلاي ءجۇرىپ ساياحاتتاۋىنا دا، جول بويى پويەزدەن ءتۇسىپ-شىعۋىنا دا، اينالمالى قاتىنايتىن پويەزگە وتىرىپ ءبىر جولدا سولتۇستىك شينجياڭنىڭ كوركەم جەرلەرىن ارالاۋىنا دا بولادى.
شينجياڭ تەمىر جول تاراۋى سولتۇستىك شينجياڭدى اينالىپ شىعاتىن «التىن ءۇشبۇرىش» اتتى ساياحات ارناۋلى پويەزىن باستاۋ ءتۇيىنى ەتىپ، سولتۇستىك، ورتا، وڭتۇستىك 3 جەلىدەگى تەمىر جولدىڭ تاسىمال تەبىنىن ارتتىرىپ، شينجياڭنىڭ ساياحات كارتاسىنا جان-جاقتى ورنالاستىرۋ جاساپ، «دۇنحۋاڭدا كەزدەسۋ» ساياحات ارناۋلى پويەزىن، «عاجايىپ وتتى القاپ» جۇردەك پويەزىن دە ىركەس-تىركەس جولعا شىعاردى. جۋىردا شينجياڭ تەمىر جول تاراۋى تاعى دا «وڭتۇستىك شينجياڭدى ارالاۋ» اتتى ساياحات ارناۋلى پويەزىن شىعارۋدى جوسپارلادى، مەجە بويىنشا، بۇل پويەز قىركۇيەكتىڭ سوڭىندا جولعا شىعىپ، وڭتۇستىك شينجياڭنىڭ ساياحات بايلىعىن ىشكەرىلەي اشادى.
مۇنان سىرت، شينجياڭ تەمىر جول تاراۋى بيىل ىشكى ولكەلەردىڭ تەمىر جول تاراۋلارىمەن مەكەمە ارالىق سەلبەستىكتى كۇشەيتىپ، ساياحات ارناۋلى پويەزدەرىنىڭ شينجياڭعا كەلۋىن ءۇرتىس ىلگەرىلەتتى. شىلدەدەن باستاپ، تيانجين، گۋاڭدۇڭ، انحۇي، جىجياڭ، شاڭحاي، حۋبەي سياقتى جەرلەردىڭ ساياحات ارناۋلى پويەزدەرى شينجياڭعا ىركەس-تىركەس كەلىپ، تۇرپان، اقسۋ، قاشقار سياقتى جەرلەردى باسىپ، ساياحاتشىلارعا جىبەك جولىنىڭ كوركەمدىگىن تولىق سەزىندىرىپ، «جۇردەك پويەزبەن اسىقپاي ارالاۋدىڭ» قىزىعىنا باتىردى. قازىرگە دەيىن، شينجياڭعا 88 ساياحات ارناۋلى پويەزى كەلدى، مەجە بويىنشا بيىل شينجياڭعا 160 ساياحات ارناۋلى پويەزى كەلەدى ەكەن.

بەرىپ كەت ورامالىڭدى

دوستار

الىستاعى اق ەركە