جاڭا حابارلار

اقسۋ ايماعىنىڭ باي اۋدانى قونىستانۋعا قولايلى، شارۋاشىلىقتى شالقىتۋعا ىڭعايلى بولۋدى ارقاۋ ەتە وتىرىپ قۇرىلىس جۇرگىزۋگە كۇش سالدى

    كەلۋ قاينارى: شينجياڭ حالىق راديو ىستانسياسى    2017-08-30 11:26:35  
باي اۋداندىق راديو-تەلەۆيزيا مەكەمەسىنىڭ ءتىلشىسى سۇي يۇييۇڭنىڭ حابارىن تىڭداڭىزدار: مەملەكەتتىك كليماتى جانعا جايلى قالا قۇرۋداعى سىناق ءتۇيىنى رەتىندە، اقسۋ ايماعىنىڭ باي اۋدانى قونىستانۋعا قولايلى، شارۋاشىلىقتى شالقىتۋعا ىڭعايلى بولۋدى ارقاۋ ەتە وتىرىپ قۇرىلىس جۇرگىزۋگە كۇش سالدى، «سۋدى قالاعا باستاۋ» جانە «سۋ قالادا بولۋ» قۇرىلىسىن اتقارۋ ارقىلى ءار ۇلت حالقىنىڭ تابيعاتقا ءتىپتى دە جاناسىمدى بولىپ، تۇرمىستان ءلاززاتتانۋىنا مۇمكىندىك جاسادى.
ءار كۇنى كەشتە، قۇربان سىمايىل ۇيىنە جاقىن باي اۋداندىق كىتاپحانانىڭ قاسىنداعى حۋانحۋ الاڭىنا بارىپ سەيىلدەيدى، وسىندا جاپ-جاسىل اعاشتار جايقالا ءوسىپ، سىلدىراپ سۋ اعىپ جاتادى، جانعا جايلى. قۇربان سىمايىل: سۋ جەتكىزىلگەننەن كەيىن، قورشاعان ورتا جاقسارىپ، اۋا تازاردى. وسىندا كەلىپ اڭگىمە دۇكەنىن قۇرىپ، سەيىلدەيمىز،-دەدى.
قالانى جوبالاۋ جانە قۇرۋ بارىسىندا، باي اۋدانى اۋدان قالاشىعىن كورىنىس رايونى رەتىندە باتىس بولەكتەگى كورىنىسى كوركەم شاعىن قالاشىق ەتىپ قۇرۋعا بەلسەنە كۇش سالدى، ىلگەرىندى-كەيىندى ءبىر ميلليارد 500 ميلليون يۋان قارجى قوسىپ، سەنتىرلى باقشا، قاپسالاڭ وزەنى باقشاسى سياقتى ءبىر قىدىرۋ حالىققا ءتيىمدى حالىق تۇرمىسىن جاقسارتۋ، تۇرعىنداردىڭ قونىستانۋ ورتاسىن جاقسارتۋ نىسانىن اتقاردى. قازىر باي اۋدان قالاشىعىندا، ءار 300 مەتر ارالىقتا بىردەن كوگال، 500 مەتر ارالىقتا بىردەن سەيىلدەۋ ورىنى، 800 مەتر ارالىقتا بىردەن باقشا سالىنىپ، اۋدان قالاشىعىنىڭ باۋ-باقشا، جاسىلدانۋ اۋماعى 366 گەكتارعا جەتىپ، جاسىلدانۋ مولشەرى %40 كە تايادى.
سونىمەن بىرگە، باي اۋدانى كونە قالا رايونىن جاڭالاۋ ينجەنەرياسىندا، سالىنعان جانە پايدالانۋعا بەرىلگەن 2.2 كيلومەترلىك سۋ جۇيەسى بەلدەۋى كوپتەگەن تۇرعىندار شاعىن رايونى مەن تۇرمىستىق قىزمەت ەتۋ ءوڭىرىن ءوزارا ۇشتاستىردى، جاڭبىر سۋىمەن جەردى ىلعالداندىرۋ، رەتتەۋ كولشىگى، باقشا سياقتىلاردى ءوزارا سايكەستىرۋدىڭ ناتيجەسىندە، تۇتاس اۋدان قالاشىعى بەينە ءبىر بىلپىلداق تارىزدى جاڭبىر سۋىن سىمىرىپ، جيناپ، ساقتاپ، تازارتتى ءارى سۋ اعىنىن باسەيتتى. باي اۋداندىق تۇرعىن ءۇي جانە قالا-اۋىل قۇرىلىسى مەكەمەسى جوبالاۋ كەڭسەسىنىڭ مەڭگەرۋشىسى شيە لانحى بىلاي دەدى: «وسى سۋ جۇيەسى بەلدەۋى ارقىلى جوعارعى اعارداعى سۋ جەتكىزىلگەننەن كەيىن، اۋدان قالاشىعىندا اينالمالى 2.2 كيلومەترلىك سۋ جۇيەسى بەلدەۋى تۇتاس تۇلعالىق جاقتان قالىپتاسىپ، اۋدان قالاشىعىن قونىستانۋعا قولايلى، شارۋاشىلىقتى شالقىتۋعا ىڭعايلى ەتىپ قۇرۋعا وتە ءتيىمدى بولدى».

بەرىپ كەت ورامالىڭدى

دوستار

الىستاعى اق ەركە