جاڭا حابارلار

سانجى وبلىسىنداعى اۋدان-قالالار جاسىلداندىرۋ، كورىكتەندىرۋ قىزمەتىنىڭ اياق الىسىن جاپپاي تەزدەتتى

    كەلۋ قاينارى: شينجياڭ حالىق راديو ىستانسياسى    2017-08-30 12:54:57  
سانجى راديو ستانسياسىنىڭ تىلشىلەرى چاڭ ي-ي مەن جيە ۋيجياننىڭ حابارىن تىڭداڭىزدار: سانجى وبلىسىنداعى اۋدان-قالالار «وڭتۇستىكتە تيانشاندى قورعاۋ، سولتۇستىكتە قۇمدى تىزگىندەۋ، ورتادا جاسىل القاپ قۇرۋ» ەكولوگيالىق قۇرىلىس جوباسىنا ساي، جاسىلداندىرۋ، كورىكتەندىرۋ قىزمەتىنىڭ اياق الىسىن جاپپاي تەزدەتتى.
العاشقى كۇز مەزگىلىندە، قۇتىبي اۋدانىنىڭ جينحۋا داڭعىلىنداعى كاننا گۇلى جايقالا اشىلىپ، جولدىڭ ەكى جاعالاۋىنداعى تىكەن جاپىراقتى قاراعاش پەن قىزىل جاپىراقتى قاراعاش سامال جەلمەن ىرعالادى. كەشتە، جاقىن ماڭداعى تۇرعىندار وسىندا كەلىپ جاياۋ ءجۇرىپ، سالقىنداپ، دەنە شىنىقتىرادى، تۇرعىن تاۋ جىنان: جايشىلىقتا قىزمەتتەن تۇسكەننەن كەيىن، وسىندا كەلىپ جاياۋ ءجۇرىپ، سەيىلدەيمىن، اۋاسى نەداۋىر جاقسى، ءارى سالقىن، جول بويىنداعى اعاشتارعا، گۇل-شوپتەرگە قاراساڭىز، كوڭىل-كۇيىڭىز سەرپىلىپ قالادى،-دەدى.
سانجى وبلىسىنىڭ ەكولوگيالىق قۇرىلىس جوباسىن ارقاۋ ەتىپ، اۋدان، قالالار ناقتىلى جوبا جاسادى، سانجى قالاسى 390 ميلليون يۋان قارجى قوسىپ قۇرعان قالا ەكولوگيالىق باقشا قۇرىلىس نىسانىنىڭ %70 ءى ءبىتتى، قالا رايونىنداعى ءىرى باقشالار، شاعىن رايونداردا سالىنعان سەيىلدەۋ ورىندارى بۇقارانىڭ دەمالىپ سەيىل-سەرۋەن قۇراتىن ورنىنا اينالدى. قۇتىبي اۋدانى 300 مىڭ مۋ كەلەتىن قالانى قورشاعان ەكولوگيالىق جاسىلداندىرۋ ينجەنەرياسىن اتقاردى. بوعدانىڭ باۋرايىنداعى فۋكاڭ قالاسى قازىرگە دەيىن جيىنى ءبىر ميلليارد 700 ميلليون يۋان قارجى قوسىپ، وڭتۇستىك تاۋلى رايوننان 300 مىڭ مۋلىق ەكولوگيالىق ءوڭىر قۇردى. نىسان سالىنىپ بولعاننان كەيىن، تيانشان بوعدا، جوعارى قارقىندى تاس جول، قالا رايونىنداعى اۋىل-قىستاق تاس جولى ءوزارا تۇتاسقان اينالمالى ەكولوگيالىق جۇيە قالىپتاسادى. شينجياڭداعى «قۋاڭ جەر» اتالعان شونجى اۋدانى ءۇش جىلدا 500 مىڭ مۋ ەكولوگيالىق ورمان، كورىنىس ورمانىن قالىپتاستىرۋدى جوسپارلادى. سانجى وبلىستىق ورمان شارۋاشىلىعى مەكەمەسىنىڭ ورىنباسار باستىعى جۋ يۇنچۋان بىلاي دەدى: مەملەكەت نىسانىنان پايدالانىپ، قوعامدىق قارجىنى ورمان وتىرعىزۋعا باۋراپ، ەگىس اتىزىنىڭ ماڭىنداعى، تاس جولدىڭ بويىنداعى ىقتاسىن ورماننان پايدالانىپ، كولەمدەنگەن ورماندى ءوڭىر قالىپتاستىرامىز، تاراۋلار جان-جاقتىلى سەلبەسىپ بىرلىكتە قۇرادى. «13-بەسجىلدىق» پلان كەزىندە، اۋدان-قالالاردىڭ ماڭىنان ورمان باقشاسىن، سازدىق باقشاسىن، ءشول باقشاسىن، شولدەگى ساياحات كورىنىس قورىعىن قۇرادى، الداعى بىرنەشە جىلدا وسى بويىنشا جۇمىس جۇرگىزىلەدى.

بەرىپ كەت ورامالىڭدى

دوستار

الىستاعى اق ەركە