جاڭا حابارلار

قىزمەت اترەتى جيناعان 440 مىڭ يۋان ءوسىمسىز كومەك قاراجاتتى 27 قىستاق تۇرعىنىنا تاراتىپ بەردى

    كەلۋ قاينارى: شينجياڭ حالىق راديو ىستانسياسى    2017-08-31 14:43:22  
اقسۋ ايماقتىق راديو ستانسياسىنىڭ ءتىلشىسى جاۋ شياۋحۇڭ مەن شايار اۋداندىق راديو ستانسياسىنىڭ ءتىلشىسى تيان ۋىنتياننىڭ حابارىنا قۇلاق تۇرىڭىزدەر: قۇربان ايىت مەرەكەسى قارساڭىندا، اقسۋ ايماقتىق قازىنا مەكەمەسىنىڭ شايار اۋدانىنىڭ شايار قالاشىعى جاڭا قىستاعىندا تۇراتىن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى جيناعان 440 مىڭ يۋان ءوسىمسىز كومەك قاراجاتتى 27 قىستاق تۇرعىنىنا تاراتىپ بەرىپ، ولاردىڭ ەگىمشىلىك، باعىمشىلىق كاسىبىن دامىتۋىنا كومەكتەستى.
كومەك قارجى تاراتۋ سالتىندا، قىستاقتاعى قىزمەت اترەتى 27 قىستاق تۇرعىنىنا جەكە-جەكە 10 مىڭ، 5 مىڭ جانە 3 مىڭ يۋاننان اقشا تاراتتى. قىستاق تۇرعىنى ليۋ فۋچىن: الما باعىمىز سوڭعى باپتاۋ مەزگىلىنە ءوتتى، وعان تىڭايتقىش بەرىپ، قارجى قوسۋعا تۋرا كەلىپ تۇرعان شەشۋشى ساتتە قىزمەت اترەتى بىزگە كومەكتەسىپ، ءوسىمسىز كومەك قاراجاتتان 10 مىڭ يۋان قارجى بەردى. مەن وسى اقشانى الما باعىنا جۇمسايمىن،-دەدى.
بيىل اقسۋ ايماقتىق قازىنا مەكەمەسىنىڭ شايار اۋدانىنىڭ شايار قالاشىعى جاڭا قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى قىستاق تۇرعىندارىنىڭ شارۋاشىلىقتى دامىتۋىنا قولداۋ كورسەتۋ ءۇشىن، بارلىق كادر-جۇمىسشى قىزمەتكەرلەردى جۇمىلدىرىپ، اينالىمعا سالاتىن 440 مىڭ يۋان كومەك قاراجات جينايدى. قىزمەت اترەتىنىڭ باس جەتەكشىسى ياڭ يىنۋي: ءبىز ولاردىڭ قارىز اقشا الۋ ماقساتى، قايتارۋ قۋاتى، اۋقاتتانۋ تىلەگى سياقتى جاقتارعا جان-جاتىلى باعالاۋ جۇرگىزدىك. قازىرگى وسى ءادىستى قولدانۋداعى ماقساتىمىز ــــ باعىمشىلىق، ەگىمشىلىك ءىرى وتباستارى ارقىلى كەدەي وتباستارىن جەتەلەپ، سوڭىندا بىرلىكتە اۋقاتتانۋ نىساناسىنا جەتۋ،-دەدى.

بەرىپ كەت ورامالىڭدى

دوستار

الىستاعى اق ەركە