باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ تاجىكستاننىڭ زۇڭتۇڭى راحمونمەن كەڭەس وتكىزدى

    كەلۋ قاينارى: شينجياڭ گازەتى    2017-09-03 15:08:06  

 شينحۋا اگەنتتىگىنىڭ 31 - تامىزدا بەيجيڭنەن بەرگەن حابارى. مەملەكەت ءتوراعاسى شي جينپيڭ 31 - تامىزدا حالىق سارايىندا جۇڭگودا مەملەكەتتىك ساپاردا بولاتىن، سونداي - اق بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ كەڭەسىنە قاتىناساتىن تاجىكستاننىڭ زۇڭتۇڭى راحمونمەن كەڭەس وتكىزدى. ەكى ەل باسشلارى جۇڭگو مەن تاجىكستاننىڭ جالپى بەتتىك ستراتەگيالىق سەرىكتەستىك قاتىناس ورناتۋىن، جۇڭگو مەن تاجىكستان قاتىناسىنىڭ جاڭا تاريحي باستامادا اناعۇرلىم زور دامۋىن جۇزەگە اسىرۋىن ءبىراۋىزدان ۇيعاردى.
  شي جينپيڭ بىلاي دەپ اتاپ كورسەتتى: جۇڭگو مەن تاجىكستان ارالارىنان قىل وتپەيتىن دوس كورشى ەل جانە ءبىر - بىرىنە وسكەلەڭ سەنىم ارتقان ستراتەگيالىق سەرىكتەر. ديپلوماتيالىق قاتىناس ورناتقان 25 جىلدان بەرى، ەكى ەل باستان - اياق ءوزارا قۇرمەت ەتىپ، ءوزارا ءتۇسىنىسىپ، ءبىر - ءبىرىن قولداپ، جۇڭگو مەن تاجىكستان قاتىناسىنىڭ دامۋىندا سۇبەلى جەتىستىكتەرگە قول جەتكىزدى. ەكى ەل 2013 - جىلى ستراتەگيالىق سەرىكتەستىك قاتىناس ورناتقاننان بەرى، جوعارى جىكتەگىلەردىڭ بارىس - كەلىسى، ساياسي جاقتاعى ءوزارا سەنىمدىلىگى، ناقتى ىستەردەگى سەلبەستىگى بۇرىن بولىپ كورمەگەن جوعارى ورەگە جەتتى. جۇڭگو تاجىكستانمەن بىرگە ەكى ەل قاتىناسىن جالپى بەتتىك ستراتەگيالىق سەرىكتەستىك قاتىناس دەڭگەيىنە كوتەرۋدىڭ وراي ساتىندە، جۇڭگو مەن تاجىكستاننىڭ سەلبەستىگىن ىشكەرىلەي دامىتۋدى قالايدى.
  شي جينپيڭ مىنانى باسا دارىپتەدى: جۇڭگو تاجىكستاننىڭ «ءبىر بەلدەۋ، ءبىر جول» دارىپتەمەسىن تۋ باستان بەلسەنە قولداعانىن جوعارى باعالايدى. ەكى جاق «ءبىر بەلدەۋ، ءبىر جول» قۇرىلىسىن ىلگەرىلەتۋدى تاجىكستاننىڭ 2030 - جىلدان بۇرىن مەملەكەتتى دامىتۋ ستراتەگياسىمەن ىشكەرىلەي ءتۇيىلىستىرىپ، جۇڭگو مەن تاجىكستاننىڭ سەلبەستىك جوبا باعدارلاماسىن ويداعىداي دايەكتىلەندىرىپ، قاتىناس، ەنەرگيا، شەكارا وتكەلى، ينتەرنەت نەگىزدىك قۇرىلعى قۇرىلىسى سەلبەستىگىن كۇشەيتىپ، جان - جاقتىلى بايلانىس ورناتۋ، حابارلاسۋ جاعدايىن قالىپتاستىرادى. ەكى جاق جاڭا سەلبەستىكتىڭ ارتۋ ءتۇيىنىن قالىپتاستىرىپ، اۋىل شارۋاشىلىعى سەلبەستىگىنىڭ كولەمىن ۇلعايتىپ جانە كۇشەيتىپ، ءوندىرىس قۋاتى سەلبەستىگىن تەرەڭدەتىپ، عىلىم - تەحنيكالىق جاڭالىق اشۋ مەن بارىس - كەلىس ورناتۋدى قولداۋى كەرەك. ەكى جاق ەكونوميكا - ساۋدا سەلبەستىگىن كۇشەيتۋى كەرەك، جۇڭگو تاجىكستاننىڭ جۇڭگونىڭ فينانس قۇرىلىمدارىمەن، جىبەك جولى قور قوعامىمەن، ازيا نەگىزدىك قۇرىلعى قۇرىلىسىنا قارجى قوسۋ بانكەسىمەن سەلبەستىك بايلانىس ورناتۋىن قولدايدى، تاجىكستانمەن ساۋدا جانە قارجى قوسۋ جاعىنداعى جەڭىلدىكتەردى جەبەۋدى قالايدى. جۇڭگو مەن تاجىكستان جىبەك جولىنداعى وركەنيەتتى بايىرعى ەل، مادەنيەت، وقۋ - اعارتۋ، جاستار قاتارلى سالاداعى اۋىس - كۇيىس پەن سەلبەستىكتى كۇشەيتىپ، ەكى ەلدىڭ دوستىق نەگىزىن بەكەمدەۋى ءتيىس.
  شي جينپيڭ بىلاي دەپ اتاپ كورسەتتى: شاڭحاي سەلبەستىك ۇيىمى قۇرىلعان 16 جىلدان بەرى، وڭىرلىك ورنىقتىلىق پەن گۇلدەنىپ - كوركەيۋدى قورعاۋدا ماڭىزدى رول اتقاردى. شاڭحاي سەلبەستىك ۇيىمىنا كەزەكتى ءتوراعا ەل ساناتىندا جۇڭگو تاجىكستانمەن تىعىز سەلبەستىك ورناتىپ، وسى ۇيىمنىڭ ساياسي، حاۋىپسىزدىك، ەكونوميكا، گۋمانيتارلىق، سىرتپەن بايلانىس، مەحانيزم قۇرىلىسى سياقتى جاقتارداعى سەلبەستىگىن تىڭ ساتىعا كوتەرۋدى قالايدى. كەلەسى ساتىدا، شاڭحاي سەلبەستىك ۇيىمى حاۋىپسىزدىك سەلبەستىگىن كۇشەيتۋى؛ ءوزارا بايلانىس ورناتۋ مەن حابارلاسۋدى، ساۋدا جاعىنداعى قولايلىلىق بارىسىن ىلگەرىلەتىپ، وڭىرلەردىڭ توعىسپالى دامۋ جاعدايىن بىرتىندەپ قالىپتاستىرۋى؛ گۋمانيتارلىق اۋىس - كۇيىستى ىلگەرىلەتىپ، ءار ەل حالقىنىڭ ءوزارا ءتۇسىنىسۋىن جانە دوستىق سۇيىسپەنشىلىگىن تەرەڭدەتۋى كەرەك.

  راحمون مىنانى ءبىلدىردى: جۇڭگو تاجىكستاننىڭ تاتۋ كورشىسى، تاماشا سەرىگى، جاقسى باۋىرلاسى. ديپلوماتيالىق قاتىناس ورناتقان 25 جىلدان بەرى، تاجىكستان مەن جۇڭگونىڭ قاتىناسى قارىشتاپ دامىدى، ەكى جاق ساياسي، ەكونوميكا، گۋمانيتارلىق سياقتى ءتۇرلى سالادا تىعىز قاتىناس ورناتتى. ەكى ەل تەرەزەسى تەڭ، ءوزارا قۇرمەت ەتۋ پرينسيبى بويىنشا، ەكونوميكا - ساۋدا، قارجى قوسۋ سەلبەستىگىن ءونىمدى ورىستەتتى. تاجىكستان جىبەك جولى ەكونوميكالىق بەلدەۋ قۇرىلىسىنداعى سەلبەستىكتى بەلسەنە قولدايدى، جۇڭگومەن بىرگە ەكى ەلدىڭ سەلبەستىك جاساسۋ كومەسكى كۇشىن ونان ارى اشىپ، فينانس، اۋىل شارۋاشىلىعى، سۋ يگىلىگى، ءوندىرىس قۋاتى، ەنەرگيا، كەن كاسىبى، عىلىم - تەحنيكا باقشا رايونى، قاتىناس - تاسىمال، بايلانىس جاساۋ، حابارلاسۋ سياقتى سالالارداعى سەلبەستىك اياسىن كەڭەيتۋدى قالايدى. تاجىكستان جۇڭگومەن وقۋ - اعارتۋ، مادەنيەت، جاستار، جەرگىلىكتى ورىننىڭ اۋىس - كۇيىسىن كۇشەيتۋگە ءمان بەرەدى، ەكى ەلدىڭ وڭىرلىك جانە حالىقارالىق ماسەلەلەردەگى سايكەستىكتى جانە زاڭ اتقارۋ، حاۋىپسىزدىك سەلبەستىگىن كۇشەيتۋدى قالايدى. تاجىكستان جۇڭگونىڭ شاڭحاي سەلبەستىك ۇيىمىنا كەزەكتى ءتوراعا ەل بولۋ بورىشىن ويداعىداي وتەۋىن بار كۇشپەن قولدايدى.
  كەڭەستەن كەيىن، ەكى ەل باسشىسى «جۇڭگو مەن تاجىكستاننىڭ جالپى بەتتىك ستىراتەگيالىق سەرىكتەستىك قاتىناسىن ورناتۋ جونىندەگى بىرلەسكەن مالىمدەمەسىنە» بىرگە قول قويىپ جاريالادى، «جۇڭگو مەن تاجىكستاننىڭ سەلبەستىك جوبا باعدارلاماسىنىڭ»، سونداي - اق عىلىم - تەحنيكا، اۋىل شارۋاشىلىعى، ەنەرگيا، نەگىزدىك قۇرىلعى قۇرىلىسى، ادام كۇشى بايلىعى، جەرگىلىكتى ورىن، اقپارات قۇرالدارى سياقتى سالاداعى 10نان استام سەلبەستىك جاساسۋ حۇجاتىنا قول قويۋعا كۋا بولدى.
  كەڭەستەن ىلگەرى، شي جينپيڭ حالىق سارايىنىڭ شىعىس قاقپاسى الدىنداعى الاڭدا راحمونعا ارناپ قارسى الۋ سالتىن وتكىزدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ساياسات زەرتتەۋ كەڭسەسىنىڭ مەڭگەرۋشىسى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى لي جانشۋ، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى شياڭبا پيڭسو، مەملەكەتتىك كەڭەستىڭ جوراسى ياڭ جيەچى، مەملەكەتتىك ساياسي كەڭەستىك ورىنباسار ءتوراعاسى لين ۋىن - يلار قارسى الۋ سالتىنا قاتىناستى.

ءان الەمى

جول توسىلىپ قالدى

تۇلپارىم