جاڭا حابارلار

ءبىر-بىرىنە كومەكتەسىپ، سەلبەسىپ اۋقاتتانۋمەن بىرگە، ارالارىندا تەرەڭ سۇيسپەنشىلىك ورنادى

    كەلۋ قاينارى: شينجياڭ حالىق راديو ىستانسياسى    2017-09-03 19:17:59  
اقسۋ راديو ستانسياسىنىڭ ءتىلشىسى جاۋ شياۋحۇڭ مەن توقسۋ راديو ستانسياسىنىڭ ءتىلشىسى ۋاڭ جۇنۋيدىڭ حابارىن تىڭداڭىزدار: توقسۋ اۋدانى تاسارىق اۋىلى كونەبوز قىستاعىندا، حانزۋ قىستاق تۇرعىنى وۋياڭ-ليلي مەن ۇيعۇر قىستاق تۇرعىنى وسمان قادر كورشى وتىرادى، 16 جىلدان بەرى، وسى ەكى وتباسى ىنتىماقتاسىپ ءبىر-بىرىنە كومەكتەسىپ، سەلبەسىپ اۋقاتتانۋمەن بىرگە، ارالارىندا تەرەڭ سۇيسپەنشىلىك ورنادى.
ءدال قازىر ماقتانى باپتاپ-باسقارۋدىڭ شەشۋشى مەزگىلى، وسى بىرنەشە كۇننەن بەرى، توقسۋ اۋدانى تاسارىق اۋىلى كونەبوز قىستاعىنىڭ تۇرعىنى وۋياڭ-ليلي وسمان قادردىڭ ماقتا اتىزىنا بارىپ، ماقتاعا ەگىس ءدارىسىن شاشىپ، حيميالىق تىڭايتقىش بەرۋىنە جەتەكشىلىك ەتىپ، ماقتانىڭ سوڭعى مەرزىمدەگى باپتاپ-باسقارۋىن كۇشەيتتى. ول: ۇنەمى ەگىس اتىزىنا بارىپ ونىڭ ەگىس جۇمىستارىنا جەتەكشىلىك ەتەمىن، ءونىم مولشەرىن ارتتىرىپ، بىرلىكتە اۋقاتتانۋعا كۇش سالامىز،-دەدى.
18 جىلدىڭ الدىندا، وۋياڭ-ليلي حىناننان توقسۋ اۋدانى تاسارىق اۋىلى كونەبوز قىستاعىنا بارىپ، ەگىستىك جەردى كوتەرمەگە الادى، ءارى وسمان قادىرمەن كورشى بولادى. وۋياڭ-ليليدىڭ كومەكتەسىپ جەتەكشىلىك ەتۋىندە، وسمان قادىر وتباسىنىڭ ماقتا ءونىم مولشەرى بارىنشا ارتتى. ول: بۇرىن ءار مۋ ماقتا اتىزىنان 100 دە 150 كيلوگرام ماقتا الاتىنمىن، وۋياڭ -ليليمەن تانىسقاننان كەيىن، ماقتا اتىزىنىڭ ءار مۋىنىڭ ءونىم مولشەرى 350 دە 400 كيلوگرامعا جەتتى، ول قانداي تۇقىم سەپسە، مەن دە سونى سەبەمىن، ەگىس ءدارىسىن دە ول ماعان كومەكتەسىپ ساتىپ الىپ بەرەدى،-دەدى.
العىس ايتا بىلەتىن وسمان قادىر وۋياڭ-ليليدىڭ قارىمجىسىن قايتاردى. 2016-جىلى وۋياڭ-ليليدىڭ 150 مۋدان ارتىق ەگىس اتىزىنداعى ماقتانى شوعىرلى جيناۋعا ادام كۇشى جەتپسەي قينالعاندا، وسمان قادىر قولىنداعى جۇمىسىن قايىرىپ قويىپ، دەرەۋ ادامداردى باستاپ، وعان كومەكتەسىپ ماقتاسىن تەرىستى. وۋياڭ-ليلي: وتكەن جىلى، ماقتا تەرۋشىلەردى تابۋ قينعا سوقتى، وسمان قادىر مۇنى بىلگەننەن كەيىن، قولىنداعى جۇمىسىن قايىرىپ قويىپ، ادامداردى باستاپ كەلىپ، ماعان كومەكتەسىپ ماقتا تەرىستى،-دەدى.
وسمان قادىردىڭ بۇل ارەكەتى، وۋياڭ-ليليدى قاتتى اسەرلەندىرەدى. سونىمەن اۋقاتتانۋ جولىندا، ولار ءتىپتى دە سەلبەسىپ، ءوزارا كومەكتەستى. وسمان قادىر: ونمەن تانىسقاننان كەيىن، بارلىق ءىسىم وڭعا باستى، ول مەنىڭ ماقتا ەگۋىمە جەتەكشىلىك ەتتى، ەگىس اتىزىن دا بەردى، ەگىس داقىلدارىن ەككەننەن كەيىن، كىرىسىم بۇرىنعىدان ارتتى، بۇدان بىلاي دا ونىمەن تۋىسىمداي جاقىن وتەمىن،-دەدى. ليلي: ۇلتتار ىنتىماعى كىشىگىرىم ىستەردەن باستاپ نىعايادى، ۋاقىت ۇزارا كەلە تابيعي تۇردە سۇيسپەنشىلىك ورنايدى، ءوزارا كومەكتەسۋ ۇلتقا ايىرىلمايدى،-دەدى.

بەرىپ كەت ورامالىڭدى

دوستار

الىستاعى اق ەركە