جاڭا حابارلار

تەكەس اۋدانى مال تۇقىمىن اسىلداندىرۋ قادامىن جەدەلدەتتى

    كەلۋ قاينارى: شينجياڭ حالىق راديو ىستانسياسى    2017-09-03 20:34:22  
ىرىسالى سىلاميا ۇلى تەكەستەن حابارلايدى: تەكەس اۋدانى مال تۇقىمىن اسىلداندىرۋدى مىقتى يگەرىپ، قارجى قوسۋ تەبىنىن ارتتىرىپ، تەحنيكالىق كۇشتى شوعىرلاندىرىپ، جەرگىلىكتى باسىمدىقتان پايدالانىپ، جوعارى دارەجەلى ورىنداردىڭ نىسان قارجىسىنانپايدالانۋ ارقىلى شينجياڭ قوڭىر سيىرىن توڭازىتىلعان سفەرمامەن ۇرىقتاندىرۋ، قازاق قويىن ءبىرىڭعاي سۇرىپتاۋ، جىلقى تۇقىمىن اسىلداندىرۋ سىندى ماڭىزدى قىزمەتتەردى كۇشەيتىپ، تۇتاس اۋداننىڭ مال تۇقىمىن اسىلداندىرۋ قادامىن جەدەلدەتتى.
بۇل اۋدان شينجياڭ قوڭىر سيىرى تۇقىمىن اسىلداندىرۋدا، قازىنالىق ۇسىنىلىمدى بارىنشا ارتتىرىپ، سىرتتان اسىل تۇقىمدى سيىر مەن وسىزاماندانعان مال ۇرىقتاندىرۋ تەحنيكالىق قۇرىلعىلاردى كوپتەپ ەنگىزدى ءارى جىل سايىن ءتورت ماۋسىم جايلىمدا مالدى ءبىر ورىنعا شوعىرلى باعۋ ءتۇزىمىن جاپپاي اتقارىپ، كۇيت مەزگىلىندەگى سيىرلاردى عىلمي باعىپ-باسقارۋدى كۇشەيتتى. سوڭعى 5 جىلدا، بۇل اۋدان توڭازىتىلعان سفەرمامەن ۇرىقتاندىرىلعان سيىر سانىن 249 مىڭ 90 عا جەتكىزىپ، سيىر تۇقىمىن اسىلداندىرۋ سالىستىرماسىن 2011-جىلعى % 76تەن % 86كە جەتكىزدى. قازىر، سيىر تۇقىمىنىڭ اسىلدانۋى شارۋالاردى يگىلىككە كەنەلتۋمەن بىرگە، بۇقارانىڭ مال تۇقىمىن اسىلداندىرۋ بەلسەندىلىگىن اناعۇرلىم جوعارىلاتتى.
شيلوزەك قالاشىعى اتتىڭتاۋى قىستاعىنىڭ مالشىسى تۇرىمجان وسىدان 3 جىل بۇرىن توڭازىتىلعان سفەرمامەن ۇرىقتاندىرۋ تەحنيكاسىنان پايدالانىپ، جەرگىلىكتى سيىردى اسىل تۇقىمدى شينجياڭ قوڭىر سيىرىنا وزگەرتىپ، تۇسەتىن كىرىستى ەسەلەپ ارتتىردى. تۇرىمجان: بۇرىنعى جىلدارى بۇكىلدەي جەرگىلىكتى سيىر وسىردىك، ونىڭ بازارداعى باعاسى تومەن بولعاندىقتان، دەگەندەي پايدا تابا المادىق. كەيىنگى جىلدارى سيىر تۇقىمىن اسىلداندىرۋعا ويىسىپ، جەرگىلىكتى سيىرلاردى اسىل تۇقىمدى شينجياڭ قوڭىر سيىرىنا وزگەرتىپ، قازىردىڭ وزىندە ءبىر سيىردىڭ بۇزاۋىنان 10 مىڭ يۋان اينالاسىندا پايدا تاۋىپ وتىرمىز. ساپالى مال وسىرسەڭ ودان تاباتىن ەكونوميكالىق كىرىس تە مول بولادى ەكەن. بۇرىنعى جىلدارداعىمەن سالىستىرعاندا، قازىر كىرىس قاينارىمىز نەشە ەسە ارتىپ، اۋقاتتانۋ جولىنا تۇستىك،-دەيدى.
بۇل اۋدان قازاق قويىن تۇرگە ايىرۋ، تۇقىمىن اسىلداندىرۋ قىزمەتىن جەدەلدەتكەننەن بەرى، 3 دارەجەلى قىزمەت وتەۋ جۇيە قۇرىلىسىن ءبىر تۇلعالاندىرۋ قادامىن جەدەلدەتىپ، وزىندىك جەرگىلىكتى ەرەكشەلىككە يە قازاق قويىن جەتىلدىرۋدى ۇزدىكسىز جالپىلاستىرىپ، قوي تۇقىمىن اسىلداندىرۋدى نەگىزگى ولشەمگە جەتكىزىپ، قازاق قويى بازالارىن ىركەس-تىركەس قۇرىپ، كاسىپتىك سەلبەستىك كووپەراتيۆىن تياناق ەتىپ، شارۋالاردىڭ كىرىسىن ارتتىردى. وسىنىڭ ناتيجەسىندە، قازىرگە دەيىن، باعالانىپ ساراپتالعان ساپالى قوشقار 6 مىڭ 14 كە، قازاق قويىنىڭ اسىلدانۋ سالىستىرماسى 2012-جىلعى % 54تەن % 68 كە جەتتى.
شيلوزەك قالاشىعى اتتىڭتاۋى قىستاعىنىڭ مالشىسى تىلەش قازىردىڭ وزىندە 160 تۇياق قازاق ەتتى قويىن ءوسىرىپ، وسى قىستاقتاعى ۇلگىلى كاسىپتىك وتباسىلاردىڭ بىرىنە اينالدى. ول:-تۇقىمى اسىلدانعان قازاق قويىنىڭ ءوسىپ-جەتىلۋى تەز، ىندەتكە قارسىلىق قۋاتى كۇشتى ءارى ەت ءتۇسىمى مول، بازارداعى باعاسى دا ادەتتەگى قويلارعا قاراعاندا نەشە ەسە جوعارى،-دەيدى.
تەكەس اۋداندىق پارتكومنىڭ ورىنباسار شۋجيى، اۋدان اكىمى جاڭارسىن نۇراش ۇلى بىلاي دەدى: اۋدان وسىزامانعى مال شارۋاشىلىعىن دامىتۋ بارىسىندا، ءار ۇلت كادرلارى مەن بۇقارانىڭ ورتاق قۇلشىنۋىندا، وزىق ءادىس-شارالار مەن تاجىريبەلەرگە سۇيەنىپ، مال شارۋاشىلىعىن دامىتۋدا قوماقتى ناتيجەگە قول جەتكىزدىك. مۇندا ىلە قازاق قويى تۇقىمىن اسىلداندىرۋدا ساننان ساپاعا ويىسىپ، باعالاۋ، سۇرىپتاۋ، تۇرگە ايىرۋ قىزمەتىن مىقتى يگەرىپ، ءبىر تۇتاس قازاق قويىن جەتىلدىرەتىن ۇيتقى قوستاردى تاڭداپ، ولارعا اۋدان قازىناسىنان ارناۋلى كومەك قاراجات ءبولىپ، وسى نەگىزىندە بۇقارانىڭ اسىل تۇقىمدى قوي ءوسىرۋ بەلسەندىلىگىن ايتارلىقتاي جوعارىلاتتىق. 5 جىلدىق قۇلشىنىس جاساۋدىڭ ناتيجەسىندە، قازاق قويى تۇقىمىنىڭ اسىلدانۋ مولشەرىن 2012-جىلعى %54 تەن قازىر %68 كە جەتكىزدىك ءارى مۇنى مەملەكەتتىڭ جايلىمدى تىنىقتىرۋ ابزال ساياساتىمەن تىعىز ۇشتاستىردىق. سونىمەن بىرگە، قوي، سيىردى تۇرگە ايىرىپ باعۋ ءوندىرىس فورماسىن قولدانىپ، ءورىس جاڭالاپ باعۋ ءتۇزىمىن بەلسەنە اتقاردىق، سيىردىڭ ءىشتى بولۋ سالىستىرماسىن ءونىمدى جوعارىلاتتىق، وسى ارقىلى بۇقارانى تىڭ يگىلىككە كەنەلتتىك.

بەرىپ كەت ورامالىڭدى

دوستار

الىستاعى اق ەركە