جاڭا حابارلار

التايدىڭ ەكولوگيالىق ورتاسى بارىنشا جاقساردى

    كەلۋ قاينارى: شينجياڭ حالىق راديو ىستانسياسى    2017-09-08 12:40:15  
التاي اقپارات تورابىنىڭ حابارىن تىڭدايىق: التاي ايماعىنىڭ بايلىعى مول، شينجياڭداعى ءٴبىرىنشى تابيعي ورماندى ءوڭىر، مەملەكەتتىك ءٴتۇيىندى ەكولوگيالىق فۋنكتسيالىق رايون، شينجياڭداعى ماڭىزدى مال شارۋاشىلىق جانە حايۋانات-وسىمدىك بازاسى، شينجياڭداعى ماڭىزدى سۋ قاينارى زاپاس رايونى جانە سۋ قاينارى رايونى، وندا، شينجياڭداعى ايگىلى قاناس پەن كوكتوعايداي ەكى مەملەكەتتىك 5A دارەجەلى كورىنىس رايونى بار.
قايتكەندە جاسىل تاۋ مەن ءمولدىر سۋدى قورعاپ، كوركەم كارتينا سالۋعا بولادى؟ التايلىقتار بۇعان ٴىس جۇزىندىك ارەكەتتەرى ارقىلى جاۋاپ بەردى. 2013 ـ جىلدان بەرى، ايماق جيىنى 18 ميلليارد يۋاننان استام قارجى قوسىپ، 246 مىڭ مۋ جەرگە اعاش ەگىپ، 377 مىڭ مۋ جەردەگى ورماندى، وزەن اڭعارىنداعى 26 مىڭ مۋ ورماندى قورشاپ ءٴوسىرىپ، ايماقتىڭ ورمانمەن كومكەرىلۋ مولشەرىن %22.6 كە جەتكىزدى.
2013-جىلى 1-شىلدەدەن باستاپ «التاي ايماعىنىڭ قورشاعان ورتانى قورعاۋ ەرەجەسى» رەسىمي اتقارىلعاننان بەرى، ايماق اۆتونوميالى رايوندىق سۋ يگىلىگى مەڭگەرمەسىمەن، ەرتىس وزەنى قۇرىلىسىن باسقارۋ مەكەمەسىمەن سايكەسىپ، ەرتىس وزەنىنىڭ ورتا، تومەنگى اعارىنداعى جەرلەردى كولكىتە سۋارۋدىڭ ۇزاق ءٴونىمدى مەحانيزمىن قۇرىپ، ەرتىس وزەنىنىڭ ورتا، تومەنگى اعارىنداعى ەكولوگيالىق ورتانى ءونىمدى قورعادى.
التاي قالاسى شىرىكشى اۋىلىنداعى 74 جاستاعى قارت پارتيا مۇشەسى يموللا ەرتىس وزەنىنىڭ جوڭگىلە اققان اساۋ تولقىندارىنا كوز سالىپ، وتكەن ىستەردى ەسكە الىپ، ٴءتىلشىنىڭ سۇراۋىنا جاۋاپ قاتتى. ول: «جاقىن جىلداردان بەرى كولكىتە سۋارعاندىقتان، وزەن ماڭى ەكولوگياسىندا زور وزگەرىس تۋىلدى، ەكولوگيالىق ورتا الدىڭعى عاسىردىڭ 70 ـ جىلدارداعى بەينەسىنە قايتا ورالدى»،-دەدى.
شينجياڭداعى ماڭىزدى مال شارۋاشىلىق جانە حايۋانات-وسىمدىك بازاسى سانالاتىن جايلىمنىڭ التاي ايماعى جونىنەن العانداعى ماڭىزدى ورنىن ايتپاساق تا بەلگىلى. جاقىنعى جىلداردان بەرى، ايماقتىڭ جايلىم ەكولوگياسى بارعان سايىن قورعالىپ، قالپىنا كەلدى. 2013 ـ جىلدان قازىرگە دەيىن، 20 ميلليون 250 مىڭ مۋ جەردە مال جايۋعا تيىم سالىپ، 85 ميلليون 800 مىڭ مۋ جەردە جايلىم مەن مالدىڭ تەپە-تەڭدىگى ساقتالىپ، 580 مىڭ باس مال ازايىپ، جايلىم ەكولوگياسىن قورعاۋعا ءبىر ميلليارد 320 ميلليون يۋان سيلىق قوسىمشا قاراجات تاراتىلىپ، بۇدان 31 مىڭ مالشى وتباسى يگىلىكتەندى. ءۇستىرت-سۋىق شالعىندى جايلىمنىڭ، قوڭىرجاي جايلىمنىڭ جانە قوڭىرجاي شولەيت جايلىمنىڭ وسىمدىكپەن كومكەرىلۋ مولشەرى جەكە-جەكە %76، %45، %33 كە جەتتى.
بۇگىنگى كۇنى، قالا، اۋىلدىڭ قونىستانۋ ورتاسى دا كورنەكتى جاقساردى. ۇعىسۋىمىزشا، التاي ايماعىنىڭ قالا رايونىن جاسىلداندىرۋ مولشەرى %25.1 كە، قالا-قالاشىقتى سۋمەن قامداۋدى جالپىلاستىرۋ مولشەرى %88 كە، لاس سۋدى شوعىرلى ءبىرجايلى ەتۋ مولشەرى %51.8 كە، تۇرمىستىق قوقىر-قوقسىقتاردى زالالسىز ءبىرجايلى ەتۋ مولشەرى %18.5 كە جەتكەن. 2013 ـ جىلدان بەرى، جيىنى ءبىر ميلليارد 569 ميلليون يۋان قارجى قوسىپ، «كورىكتى اۋىل-قىستاق» قۇرىلىسىن ىلگەرلەتىپ، مەملەكەت دارەجەلى 4 ەكولوگيالىق قىستاق، اۆتونوميالى رايون دارەجەلى 2 ەكولوگيالىق اۋدان، 16 ەكولوگيالىق اۋىل-قالاشىق قۇردى.

بەرىپ كەت ورامالىڭدى

دوستار

الىستاعى اق ەركە