باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

2020- جىلعا بارعاندا كومىرتەگى قوس توتىعىن شىعارۋ كۇشەمەلىلىگى 2015 - جىلداعىدان %12 تومەندەيدى

    كەلۋ قاينارى: xjbs    2017-09-09 17:20:47  

ءتىلشىمىز ۋاڭ يايۇن 7 - قىركۇيەكتە ۇرىمجىدەن حابارلايدى. رايونىمىزدىڭ جاسىل، تومەن كومىرتەكتى، اينالمالى دامۋىن جەبەپ، اتموسفەرانى لاستايتىن زاتتاردى شىعارۋدى قاينارىنان باستاپ ازايتۋ ءۇشىن، اۆتونوميالى رايوندىق حالىق ۇكىمەتى جۋىردا «<13 - بەسجىلدىق> جوبا مەزگىلىندەگى پارنيك گازىن شىعارۋدى تىزگىندەۋ قىزمەتى اتقارۋ جوباسىن» (تومەندە قىسقاشا «اتقارۋ جوباسى» دەلىنەدى) جاريالاپ، 2020 - جىلعا بارعاندا تۇتاس رايونداعى كومىرتەگى قوس توتىعىن شىعارۋ كۇشەمەلىلىگىن 2015 - جىلداعىدان %12 تومەندەتىپ، كومىرتەگىن شىعارۋدىڭ جالپى مولشەرىن ءونىمدى تىزگىندەپ، كومىرتەگى قوس توتىعى ەمەس پارنيك گازدارىن شىعارۋدى تىزگىندەۋ كۇشەمەلىلىگىن ىشكەرىلەي كۇشەيتىپ، كاسىپ قۇرىلىمى مەن ەنەرگيا تۇتىنۋ قۇرىلىمىن بىرتىندەپ كەمەلدەندىرىپ، كومىرتەگىن ءسىمىرۋ قۋاتىن كورنەكتى ارتتىرۋدى ايقىن ورتاعا قويدى.

  ۇعىسۋىمىزشا، ۇزاق ۋاقىتتان بەرى، شينجياڭ ەكونوميكاسىنىڭ دامۋىندا كاسىپ قۇرىلىمى اۋىر ونەركاسىپكە بەيىم، ەنەرگيا تۇتىنۋى لايىقسىز، ەنەرگيانى زور مولشەردە سارىپ ەتەتىن كاسىپتەردىڭ ارا سالماعى زور، 10 مىڭ يۋاندىق GDPگە سارىپ بولاتىن ەنەرگيا جوعارى، كومىرتەگى قوس توتىعى سياقتى پارنيكتىك گازداردى شىعارۋ كۇشەمەلىلىگى زور، قورشاعان ورتانى لاستايتىن زاتتاردى شىعارۋ مولشەرى تىم جوعارى بولۋ سياقتى ماسەلەلەر ساقتالىپ، تۇتاس قوعامنىڭ جاسىل دامۋ ورەسىنىڭ ءبىرشاما كەنجەلەۋى، كەيبىر وڭىرلەردەگى قورشاعان ورتانىڭ لاستانۋى، وتە - موتە، اتموسفەرانىڭ لاستانۋ ماسەلەسى ءبىرشاما كورنەكتى بولۋى بۇقارا نازار اۋدارعان جانە ارىز - شاعىم بەرگەن قىزۋ تۇيىنگە اينالعان.

   «اتقارۋ جوباسىندا» مىنالار اتاپ كورسەتىلدى: «13 - بەسجىلدىق» جوبا مەزگىلىندە، شينجياڭ جاڭا دامۋ ۇستانىمىن بەرىك ورناتىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، كاسىپ قۇرىلىمىن جانە ەنەرگيا قۇرىلىمىن كەمەلدەندىرۋدى، ەنەرگيا بايلىعىن ۇنەمدەۋدى كۇشەيتۋدى، كومىرتەگىن ءسىمىرۋدى كۇشەيتۋدى تەتىك ەتىپ، پارنيك گازىن شىعارۋدى ىرىقتىلىقپەن تىزگىندەپ، كومىرتەگىن كوپ شىعاراتىن كاسىپتەردى تومەن كومىرتەكتەندىرىپ دامىتۋعا كۇش سالىپ، ەنەرگيانى ۇنەمدەۋ ارقىلى اتموسفەرانىڭ لاستانۋىنان ساقتانۋعا جانە ونى جونگە سالۋعا دەم بەرىپ، ەكونوميكانىڭ دامۋى مەن پارنيك گازىن شىعارۋدى تىزگىندەۋدى تەڭ جۇزەگە اسىرۋعا قۇلشىنادى.

  «13 - بەسجىلدىق» جوبا مەزگىلىندە، رايونىمىز پارنيك گازىن شىعارۋدى تىزگىندەۋدە مەملەكەتتىك كەشەندى ەنەرگيا بازاسىن تومەن كومىرتەكتەندىرىپ دامىتۋدى كۇش سالا ىلگەرىلەتەدى. ەنەرگيا ۇنەمدەۋ ستراتەگياسىن زور كۇشپەن جەبەپ، مۇناي - حيمياعا جاتپايتىن ەنەرگيانى جەدەل دامىتىپ، مۇناي - حيميا ەنەرگياسىنان پايدالانۋدى كەمەلدەندىرىپ، «شينجياڭدى ەلەكترلەندىرۋ»، «شينجياڭدى گازدەندىرۋ» قۇرىلىستارىن ىلگەرىلەتەدى؛ جاسىل، تومەن كومىرتەكتى كاسىپ جۇيەسىن بەلسەندىلىكپەن قالىپتاستىرادى. كاسىپ قۇرىلىمىنىڭ تيپىن وزگەرتۋدى تەزدەتىپ، مەشەۋ ءوندىرىس قۋاتى مەن قاجەتتەن اسىپ قالعان ءوندىرىس قۋاتىن زاڭ بويىنشا قاتاردان شىعارىپ، ونەركاسىپ سالاسىنداعى ىعىستىرۋدى قاتاڭ تىزگىندەپ، ونەركاسىپتىڭ، كاسىپورىنداردىڭ ەنەرگيادان پايدالانۋ ونىمدىلىگىن ءۇرتىس جوعارىلاتىپ، تومەن كومىرتەكتى اۋىل شارۋاشىلىعىن زور كۇشپەن دامىتىپ، تابيعي ورمانداردى، جايلىمداردى جانە سازدىقتاردى قورعاۋدى كۇشەيتىپ، ەكولوگيالىق جۇيەنىڭ كومىرتەگىن ءسىمىرۋ قۋاتىن جالعاستى كۇشەيتەدى؛ قالا - قالاشىقتاندىرۋدىڭ تومەن كومىرتەكتەنىپ دامۋىن جەبەيدى. قالا، اۋىلداردى تومەن كومىرتەكتەندىرۋ قۇرىلىسىن جانە ونى باسقارۋدى كۇشەيتىپ، قالا فۋنكتسياسىن جانە كەڭىستىك ورنالاستىرۋىن كەمەلدەندىرىپ، ەنەرگيا ۇنەمدەيتىن قۇرىلىستاردى ىلگەرىلەتىپ، تومەن كومىرتەكتى قاتىناس - تاسىمال جۇيەسىن قالىپتاستىرىپ، الەۋمەتتىك ورگاندار سالاسىنىڭ ىعىستىرۋىن تىزگىندەپ، كەرەكسىز زاتتاردى كادەگە جاراتۋدى جانە تومەن كومىرتەكتەندىرىپ ءبىر جاقتى ەتۋدى كۇشەيتىپ، تومەن كومىرتەكتى تۇرمىس فورماسىن دارىپتەپ، تومەن كومىرتەكتى دامۋ سىناق تۇيىندەرىندە، ۇلگى كورسەتۋ تۇيىندەرىندە جاڭالىق اشادى؛ نەگىزگى قامتاماسىزدىق قىزمەتىن كۇشەيتەدى. كەمەلدى كومىرتەگىن شىعارۋ ساۋداسى بازارى مەن قىزمەت مەحانيزمىن قۇرىپ، تومەن كومىرتەكتى عىلىم - تەحنيكادا جاڭالىق اشۋدى جانە تەحنيكانى جالپىلاستىرۋدى، قولدانۋدى كۇشەيتىپ، زاڭ - ءتۇزىم جۇيەسى مەن كاسىپتىك تەحنيكالىق ولشەمىن كەمەلدەندىرىپ، ورگان جانە دارىندىلار قوسىنى قۇرىلىسىن نىعايتىپ، نىسانالىق جاۋاپكەرشىلىك باعالاۋىن كۇشەيتەدى.

  اۆتونوميالى رايوننىڭ پارنيك گازىن شىعارۋدى تىزگىندەۋ مىندەتىن ورىنداۋ ءۇشىن، 2020 - جىلعا بارعاندا، تۇتاس رايونىمىزداعى ەنەرگيا تۇتىنۋدىڭ جالپى مولشەرى 192 ميلليون توننا ولشەمدى كومىر ىشىندە ۇستالادى، بىرلىك GDPگە سارىپ بولاتىن ەنەرگيا 2015 - جىلداعىدان %15 تومەندەيدى، مۇناي - حيمياعا جاتپايتىن ەنەرگيانى تۇتىنۋدىڭ ارا سالماعى %15كە جەتەدى، كومىر تۇتىنۋدىڭ ارا سالماعى %55تەن تومەن تىزگىندەلەدى، تابيعي گازدى تۇتىنۋدىڭ ارا سالماعى %14 توڭىرەگىنە جەتەدى. سونىمەن قوسا، ايماق، وبلىس، قالا ۇكىمەتتەرىنىڭ (اكىمشىلىك مەكەمەسى) پارنيك گازىن تىزگىندەۋ نىسانالىق جاۋاپكەرشىلىگىنە باعالاۋ جۇرگىزىلىپ، باعالاۋ ناتيجەسى باسشىلىق القانى ۋنيۆەرسال باعالاۋدىڭ، ساراپتاۋدىڭ، كادرلاردى سيلاۋدىڭ، جازالاۋدىڭ، مىندەتكە قويۋدىڭ، مىندەتىنەن الۋدىڭ جانە قىزمەتكە الۋداعى تەكسەرۋدىڭ ماڭىزدى نەگىزى ەتىلەدى.

كەلۋ قاينارى : شينجياڭ گازەتىنەن

ءان الەمى

جول توسىلىپ قالدى

تۇلپارىم