جاڭا حابارلار

جالپى حالىقتىڭ دەنساۋلىعىن تەكسەرۋ ينجەنەرياسىنان حالىقتىڭ يگىلىككە كەنەلۋ سەزىمى مەن باقىتتى سەزىنۋ كورسەتكىشى بارىنشا ارتتى

    كەلۋ قاينارى: شينجياڭ حالىق راديو ىستانسياسى    2017-09-10 18:50:19  
ستانسيامىزدىڭ تىلشىلەرى لان تيان مەن ديڭ شياۋداننىڭ حابارىن تىڭداڭىزدار: 2-رەتكى جالپى حالىقتىڭ دەنساۋلىعىن تەكسەرۋ ينجەنەرياسى بيىل ماۋسىمدا ىركەس-تىركەس باستالعاننان 8-قىركۇيەككە دەيىن، 6 ميلليون 985 مىڭ ادامنىڭ دەنساۋلىعى تەكسەرىلىپ ارحيۆ تۇرعىزىلىپ، دەنساۋلىق تەكسەرۋ مىندەتىن ورىنداۋ مولشەرى %37.44 كە جەتتى. وڭتۇستىك شينجياڭداعى ءۇش ايماق، ءبىر وبلىستاعى حالىقتىڭ دەنساۋلىعىن تەكسەرۋ مىندەتىن ورىنداۋ مولشەرى %50 تەن استى.
9-قىركۇيەك تۇستەن بۇرىن، ءتىلشى قاراقاش اۋدانى ءتوۋات اۋىلى دەنساۋلىق ساقتاۋ ورنىنداعى دەنساۋلىق ساقتاۋ تۇيىنىنە بارعاندا، اپتا سوڭعى بولعانىمەن، دەنساۋلىق ساقتاۋ ورنىنداعى ۇلكەن زالدىڭ، دەنساۋلىعىن تەكسەرۋدى كۇتىپ تۇرعان قىستاق ديحاندارىنا لىق تولعانىن كوردى. قىستاق ديحانى توقتىمامەت ءماتنۇر دەنساۋلىق تەكسەرتۋ كەستەسىن الىپ، شيپاگەردەن بيىلعى دەنساۋلىق تەكسەرۋ ءتۇرىن ەگجەي-تەگجەيلى ۇعىستى. وتكەن جىلى قاراشادا، جالپى حالىقتىڭ دەنساۋلىعىن تەكسەرۋ قيمىلىندا، توقتىمامەت ماتنۇردە باۋىر مايلاسۋ، قاننىڭ ماي قۇرامىنىڭ جوعارى بولۋ، ءوت قابىنۋ سياقتى ناۋقاستار بار ەكەنى انىقتالدى، جارىم جىل ەمدەلۋ جانە تۇرمىس ادەتىن رەتتەپ كۇتىنۋ ارقىلى ناۋقاس جاعدايى تىزگىندەلدى. ول: قىستاق كادرى دەنساۋلىعىمىزدى تەگىن تەكسەرتۋىمىزگە بولاتىنىن ايتقاندا، مەن تەكسەرتۋدىڭ قاجەتى جوق دەپ ويلاعان ەدىم، قازىر ويلاسام شىنىندا تالەيىم بار ەكەم. دەركەزىندە ەمدەلدىم، شيپاگەر تاعى ازىقتانۋ جونىندە ۇسىنىس بەردى. قازىر دەنساۋلىق تەكسەرتۋدىڭ پايداسىن ءبىلدىم، سوندىقتان دا بيىل جالپى حالىقتىڭ دەنساۋلىعىن تەكسەرۋ قيمىلىنا ىرىقتىلىقپەن قاتىناسىپ وتىرمىن،-دەدى.
ءتىلشى دەنساۋلىق ساقتاۋ ورنىننىڭ ەمدەۋ ۇيىنە كىرگەندە، B ءتيىپتى اسىرە دىبىس تولقىنى، تۇتاستاي اۆتوماتتى بيولوەيالىق، حيميالىق ەمدەۋ جابدىعى سياقتىلاردىڭ تولىق ەكەنىن كوردى. 52 جاستاعى قىستاق تۇرعىنى الىمجان روزى دەنساۋلىعىن تەكسەرتكەندە جۇرەك اۋرۋى بار بولىپ شىعىپتى، شيپاحاناعا جاتۋ راسمياتىن ءبىتىرىپ جاتىر ەكەن، ول تىلشىگە: دەنساۋلىق ساقتاۋ ورنىنىڭ عيماراتى دا جاڭا، جابدىقتارى دا تولىق، 100 يۋان كەپىل اقى تاپسىرسام جاتا بەرەمىن، ۇيىمنىڭ الدىندا قالپىنا كەلتىرۋ ەمدەۋىن ىستەتەمىن، تاعى جۇمسالعان اقشانى ەسەپتەن كوتەرەدى،-دەدى.
حوتان ايماقتىق دەنساۋلىق ساقتاۋ جانە جوسپارلى تۋىت كوميتەتى پارتگرۋپپاسىنىڭ شۋجيى، ورىنباسار مەڭگەرۋشىسى رابيا ابدىراحمان تىلشىگە، جالپى حالىقتىڭ دەنساۋلىعىن تەگىن تەكسەرۋ، «ناۋقاستى ەرتە بايقاۋ، ەرتە دياگنوز قويۋ، ەرتە ەمدەۋ» رولىن اتقارۋمەن بىرگە، بۇقاراعا ارحيۆ تۇرعىزىپ، كارتشكا تاراتىپ، حالىق بۇقاراسىنىڭ دەنساۋلىق جاعدايىن جاپپاي انىقتاۋدىڭ بەرىك نەگىزىن قالاعانىن، جالپى حالىقتىڭ دەنساۋلىعىن تەكسەرۋ ينجەنەرياسىنىڭ ونىمدىلىگىنىڭ كورنەكتى بولعانىن ايتا كەلىپ، بىلاي دەدى: ءبىر ادامنىڭ دەنساۋلىعى تەكسەرىلسە، ءبىر ادامعا ارحيۆ تۇرعىزىلىپ، سول ادام جۇيەگە ەنگىزىلەدى، دەنساۋلىق تەكسەرۋمەن بىرگە، تەكسەرۋ ناتيجەسىن باعالاپ جانە وعان تالداۋ جاساپ، بۇقارانىڭ ءوزىنىڭ ناۋقاسىن بىلۋىنە مۇمكىندىك جاسالادى. اۋىرۋحاناعا جاتقاندارعا ىركىلىسسىز ارنا اشىلىپ، اۋىرۋحاناعا دەرەۋ جاتقىزىلادى، سوزىلمالى ناۋقاستار وسى ناۋقاس ءتۇرىن باسقارۋ جۇيەسىنە ەنگىزىلىپ، قالاعان ۋاقىتتا ەمدەلۋىنە مۇمكىندىك جاسالادى. ەلەكتروندى ارحيپتى جۇيەگە دەركەزىندە كىرگىزۋ تالاپ ەتىلەدى. الدىن الۋ نەگىز، ەمدەۋ قوسىمشا ەتىلىپ، ناۋقاسى تۇراقتانعاننان كەيىن، حوتان ايماعى جاي اۋرۋ، كوپ كەزىگەتىن اۋرۋ، سوزىلمالى اۋرۋ دەپ تۇرلەرگە ءبولىپ ەمدەپ، اۋرۋىنىڭ قايتالانۋىن، ەرەكشە اۋىر ناۋقاسقا اپارىپ سوعۋىن ازايتادى.
ساندى مالمەتتەگى جەتىستىكتەر: 2016-جىلى قىركۇيەكتە، رايونىمىز جالپى حالىقتىڭ دەنساۋلىعىن تەكسەرۋ ينجەنەرياسىن باستاپ، جيىنى ءبىر ميلليارد 490 ميلليون يۋان قارجى قوسىپ، 2 مىڭ دانادان ارتىق كولەمدى دەنساۋلىق تەكسەرۋ جابدىعىن ىسكە قوسىپ، 36 مىڭ 400 شيپاگەردى جىبەرىپ، 4 ايدا 17 ميلليون 500 مىڭ ادامنىڭ دەنساۋلىعىن تەكسەردى. تۇتاس رايونىمىز حالقىنا دەنساۋلىق ارحيۆبىن تۇرعىزۋ مولشەرى %90.03 كە جەتتى. بيىل ماۋسىمدا، 2-رەتكى جالپى حالىقتىڭ دەنساۋلىعىن تەكسەرۋ ينجەنەرياسى باستالدى، شينجياڭداعى جىلجىمالى حالىق سانى مەن جوعارى مەكتەپ وقۋشىلارى دا دەنساۋلىق تەكسەرۋ كولەمىنە ەنگىزىلدى، مۇندا ءبىر ميلليارد 785 ميلليون يۋان قارجى قوسىلاتىنى، 21 ميلليون ادامنىڭ دەنساۋلىعىن تەكسەرتەتىنى مەجەلەنىپ وتىر.
مامانداردىڭ جاساعان تۇسىنىگى: اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ نەگىزگى ساتى دەنساۋلىق ساقتاۋ باسقارماسىنىڭ ورىنباسار باستىعى ليۋ جيانزى اۆتونوميالى رايوننىڭ ەمدەۋ جاعىنداعى حالىققا تيىمدىلىك جاساۋ ينجەنەرياسى رەتىندە، جالپى حالىقتىڭ دەنساۋلىعىن تەكسەرۋ ينجەرنەياسى جۇرت جۇرەگىن جىلتۋ ينجەنەرياسى بولىپ قالماستان ءارى جۇرت جۇرەگىن توعىستىرۋ، حالىق قالاۋىنان شىعۋ، حالىق بۇقاراسىنىڭ تيىمدىلىككە كەنەلۋ سەزىمىن كۇشەيتۋ ينجەنەرياسى ەكەنىن، اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ جەر-جەردى اداميلانعان قىزمەت ەتۋمەن ويداعىداي قامتاماسىزداندىرىپ، دەنساۋلىق تەكسەرۋ قىزمەتىنىڭ جۇيەلى، جوعارى ءونىمدى جۇرگىزىلۋىن ىلگەرىلەتىپ، شىندىققا جۇگىنىپ ناقتىلى ىستەر ىستەپ، جاقسى ءىستى ويداعىداي ىستەپ، بۇقارانىڭ باقىتتى سەزىنۋ كورسەتكىشىن شىنىمەن ارتتىرۋعا قۋزايتىنىن ايتا كەلىپ، بىلاي دەدى: جەر-جەر باقىلاۋ-جەتەكشىلىك ەتۋ تەكسەرۋ تەبىنىن ارتتىرىپ، اۋرۋدى تىزگىندەۋ مامان تەحنيكا قىزمەتكەرلەرىن تاربيەلەدى، ساپاعا كەپىلدىك ەتۋ العى شارتىندا، اياق الىستى مۇمكىندىكتىڭ بارىنشا تەزدەتىپ، پارتيا 19-قۇرىلتايى اشىلۋدان بۇرىن، رايونىمىز حالقىنىڭ بۇرىنعىدان دا كوپ، جاقسى، ءبىر تۇتاس ولشەمدى جالپى حالىقتىڭ دەنساۋلىعىن تەكسەرۋ نىسانىنان يگىلىكتەنۋىنە مۇمكىندىك جاسايدى.

بەرىپ كەت ورامالىڭدى

دوستار

الىستاعى اق ەركە