جاڭا حابارلار

كوكتوعاي قالاشىعىنىڭ بەت-بەينەسىندە ەلەۋلى وزگەرىس تۋىلدى

    كەلۋ قاينارى: شينجياڭ حالىق راديو ىستانسياسى    2017-09-11 11:51:25  
التاي اقپارات تورابىنىڭ حابارى: كوكتوعاي اۋدانىنىڭ كوكتوعاي قالاشىعى جاقىنعى 3 جىلدا 186 ميلليون يۋان قارجى جۇمساپ، كونە تۇرعىندار اۋلاسىن وزگەرتىپ، كەن قالاشىعىن كوركەم قالاشىققا اينالدىرىپ، 4 مىڭعا تاياۋ تۇرعىندى يگىلىككە كەنەلتتى.
كوكتوعاي قالاشىعىندا وتكەن عاسىردىڭ 50-، 60-جىلدارى سالىنعان كونە عيماراتتاردىڭ سۋمەن قامداۋ، سۋ ىعىستىرۋ، جىلۋمەن قامداۋ قۇبىر تورابى كونەرىپ، سىرتقى قابىرعالارى دا ۇزاق جىلدار بويى جوندەلمەي، توبەسىنەن سۋ ءوتىپ، بۇقارانىڭ تۇرمىس قاجەتىن قاناعاتتاندىرا الماي قالعان ەدى. دەربەس ونەركاسىپ-كەن رايونىن وزگەرتۋ، كوشىرۋ قىزمەتىنىڭ اتقارىلۋىنا بايلانىستى، قازىر كوكتوعاي قالاشىعى جاسىل جەلەك جامىلعان شاعىن ساياحات قالاشىعىنا اينالدى.
بەت-بەينەسى تاماشا قالاشىق كوركەم قالاشىق سانالادى، ال قونىستانۋ مەن كاسىپپەن اينالىسۋعا جايلى بولسا ءتىپتى دە كوركەم قالاشىق ەسەپتەلمەك. ونەركاسىپ-كەن رايونى 3 جىل دامىتىلعان سوڭ، ساياحات تانىمالدىعى بىرتىندەپ قالىپتاسىپ، كەن رايونىنىڭ وزگەشە جاراتىلىستىق كورىنىسى مەن گۋمانيتارلىق كورىنىسى قىرۋار ساياحاتشىنى باۋرادى، ساياحات كاسىبىمەن شۇعىلدانعان جەرگىلىكتى تۇرعىنداردىڭ قالتاسى دا قامپيدى.
كوكتوعاي قالاشىعىنىڭ تۇرعىنى ومار قادىر ۇلى: ابزال ساياساتتىڭ ارقاسىندا كوكتوعاي قالاشىعىنا كەلەتىن ساياحاتشىلار مولايدى، كوكتوعاي قالاشىعىندا ساۋدامەن اينالىساتىنداردىڭ كىرىسى ارتتى. فۋجياندىق ساياحاتشى: وسى جەردە تاماقتانىپ ەدىك تاماعى ءدامدى، تاماق ءتۇرى دە ءبىرشاما مول ەكەن.
وتكەن جىلى، كوكتوعاي قالاشىعىندا قابىلدانعان ساياحاتشى سانى ءبىر ميلليون 990 مىڭ ادام رەت بولىپ، ساياحات كىرىسى ءبىر ميلليارد 580 ميلليون يۋان بولىپ، ساياحات كاسىبى ارقىلى جەرگىلىكتى ورىنداعى 4 مىڭنان استام ادام كاسىپتەندى. ادام باسىنا تۋرا كەلەتىن ەل ءىشى ءوندىرىسى جالپى قۇنى 28 مىڭ 154 يۋانعا جەتىپ، جان باسىندىق ورتاشا كىرىس 23 مىڭ 647 يۋاننان اينالدى.
ۇعىسۋعا قاراعاندا، ءۇش جىلدا كوكتوعاي قالاشىعىندا ونەركاسىپ-كەن رايونىن جاپپاي جونگە سالۋعا قاتىستى 6 تۇرگە جاتاتىن 30 نىسان اتقارىلىپ، جيىنى 3 ميلليارد يۋاننان استام قارجى جۇمسالعان. قامتاماسىز ەتۋ سيپاتىنداعى ءبىر مىڭ 56 تۇرعىن ءۇي سالىنىپ، مۇنىڭ ىشىندە 770 ءۇي پايدالانۋعا بەرىلگەن، 2 مىڭ 200 دەن استام ادام لاشىقتار رايونى مەن كونە ۇيلەردەن كوشىپ شىققان؛ كوشە بويىنداعى وتكەن عاسىردىڭ 70-جىلىنان 90-جىلى ارالىعىنداعى سالىنعان 33 كونە عيماراتتاعى 600 كاسپورىن قىزمەتكەرى وتباسىنىڭ 30 مىڭ 760 شارشى مەتر كەلەتىن تۇرعىن ءۇيى كورىكتەندىرىلدى، جارىقتاندىرىلدى جانە ەنەرگيا ۇنەمدەۋ بويىنشا وزگەرتىلدى، سونىمەن بىرگە سۋمەن قامداۋ، سۋ ىعىستىرۋ، جىلۋمەن قامداۋ، قوقىر-قوقسىقتى ءبىرجاقتى ەتۋ، جولداردى جالپىلىق وزگەرتۋ سەكىلدى نىساندار اتقارىلدى، وسى حالىق تۇرمىسى نىساندارىنىڭ اتقارىلۋىنان بۇقارا ءار دارەجەلى پارتكوم مەن ۇكىمەتتىڭ قامقورلىعى مەن قولداپ-قۋاتتاۋىن اڭعاردى.
كوكتوعاي اۋدانى كوكتوعاي قالاشىق پارتكومىنىڭ مۇشەسى، قالاشىقتىڭ ورىنباسار باستىعى ما ۋىنلۇڭ: ەندى، ەكولوگيالىق ساياحات ۇلگىسى بويىنشا، نىساندارعا سۇيەنۋ ارقىلى تەحنيكالىق دەڭگەيدى جوعارلاتىپ، ورتانى جونگە سالۋ قىزمەتى تەبىنىن ارتتىرىپ، ەگىنشى-مالشىلاردىڭ ساياحات كاسىبىنە ات سالىسۋىنا جەتەكشىلىك ىستەيمىز، ءسۇيتىپ، كوكتوعاي قالاشىعىن ساياحاتتىڭ قۇت مەكەنگە اينالدىرامىز.

بەرىپ كەت ورامالىڭدى

دوستار

الىستاعى اق ەركە