باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

پارتياعا ءوزىن ارناپ، وتان ءۇمىتىن اقتايتىن ادال جاۋىنگەر بولامىن، كادرلار قوسىنى اراسىنداعى «ەكىبەتكەيلەردى» باتىل الاستايمىن

    كەلۋ قاينارى: شينجياڭ گازەتى    2017-09-12 15:51:22  

اۆتونوميالى رايوندىق قاتىناس-تاسىمال مەڭگەرمەسى پارتكومىنىڭ ورىنباسار شۋجيى، مەڭگەرمە باستىعى زۇلپيا ءابدىقادىر

 باتىل ءۇن قاتىپ، ايقىن پوزيتسيا ءبىلدىرۋ قيمىلىنىڭ ىشكەرىلەي ورىستەتىلۋىنە بايلانىستى، يدەيام ۇزدىكسىز جاڭاردى، پارتيالىلىعىم اناعۇرلىم شىڭدالدى. باس نىسانانى دايەكتى تياناقتاندىرۋ جانە يدەولوگيا سالاسىندا بولشەكتەۋشىلىككە قارسى تۇرۋ كۇرەسىن ىشكەرىلەتۋ جونىندە ءتىپتى دە تەرەڭ تۇسىنىككە جانە تانىمعا يە بولدىم.
  شينجياڭنىڭ قوعام ورنىقتىلىعى مەن باياندى تىنىشتىعىنا ىقپال جاسايتىن كورنەكتى ماسەلەلەردى شەشۋدىڭ تەتىگى پارتيادا، تۇبىرىنەن العاندا، پارمەندى كادرلار قوسىنىنا سۇيەنەمىز. قىرۋار فاكتىلەر كادرلار قوسىنى اراسىنا جاسىرىنعان «ەكىبەتكەيلەردىڭ» «ءۇش ءتۇرلى كۇشتىڭ» قولشوقپارى ەكەندىگىن سىپاتتادى، ولار «ءۇش ءتۇرلى كۇشپەن» اۋىز جالاسىپ، ىمىرالاستى. زورلىقتى كۇش لاڭكەستەرى مەن ۇشقارى ەلەمەنتتەر كورنەۋدە لاڭ سالىپ، دۇربەلەڭ تۋدىرسا، «ەكىبەتكەيلەر» پەردە ارتىندا جوبا جاساپ، ءجون كورسەتىپ، جاۋعا بولىستى. «ەكىبەتكەيلەر» ويىنا كەلگەنىن ىستەپ، لاڭ سالاتىن زورلىقتى كۇش لاڭكەستەرىنەن دە وتكەن الاياق، ءتىپتى دە زىميان، زاردابى ءتىپتى دە ۇزاق. «ەكىبەتكەيلەردىڭ» قاسكۇنەمدىگى الدىندا، ءبىز، ءسوز جوق، وسكەلەڭ قىراعىلىقتى ساقتاۋىمىز، وي - سانانى سەرگەك ۇستاۋىمىز، تۋىمىز ايقىن تۇردە ادىلەت ءۇنىن جاڭعىرتىپ، سۇرقيالىقتى جازالاۋ سەمسەرىن سەرت ۇستاپ، ولاردى باتىلدىقپەن تارتىپ شىعارىپ، باتىل الاستاۋىمىز قاجەت.
  1. ساياسيدى دارىپتەپ، استە «ءدۇدامال ادام» بولمايمىن، ايقىن پوزيتسيا بىلدىرەتىن ەرجۇرەك قورعاۋشى بولامىن
  «ەكىبەتكەيلەر» اۋىز جۇزىندە ەلدەن ەرەك وزانداتىپ ۇران سالعانىمەن، كومەسكىدە وتان تۇتاستىعىن ءبۇلدىرۋ، ۇلتتىق وشپەندىلىككە جەلىكتىرۋ، ءدىني ۇشقارى يدەيانى تاراتۋداي سۇرقيالىقپەن شۇعىلدانادى. وتان تۇتاستىعى مەن ۇلتتار ىنتىماعىن قورعاۋ، ۇلتتىق بولشەكتەۋشىلىككە قارسى تۇرۋداي ۇلكەن دۇرىس پەن ۇلكەن بۇرىس ماسەلەسى ولاردىڭ كاپەرىنە كىرىپ تە شىقپايدى، بويىن اۋلاققا سالادى، ءىشى - سىرتى بىردەي ەمەس، جوعارى مەن تومەندى بىردەي الدايدى، كورنەۋدە ءبىر ءتۇرلى، كومەسكىدە ءبىر ءتۇرلى بولادى، جۇرت كوزىنشە ءبىر ءتۇرلى، جۇرت كوزىنەن تايعاندا تاعى ءبىر ءتۇرلى بولادى؛ «ءدىن» تونىنا ورانىپ، ۇلتتىق بولشەكتەۋشىلىككە جانە ءدىني ۇشقارىلىققا ساياتىن ءسوز - ارەكەتتەردى سىن تەزىنە المايدى، ايقىن پوزيتسيا بىلدىرمەيدى، جوعارىعا مالىمدەمەيدى، ونىڭ ەسەسىنە بولشەكتەۋشى ەلەمەنتتەرگە سىبىس بەرىپ، حابار جەتكىزەدى، ولاردى جاسىرىپ، قانات استىنا الادى، بولشەكتەۋشى ەلەمەنتتەردى ىرقىنا جىبەرەدى.
  ءبىز، ءسوزسىز، وي - سانانى سەرگەك ۇستاۋىمىز، سوزىنەن گورى ىستەگەن ىسىنە قاراۋىمىز، دوس پەن دۇسپاندى ايقىن پارىقتاپ، استە «ءدۇدامال ادام» بولماۋىمىز كەرەك؛ باتىلدىقپەن كەۋدە كەرە العا شىعىپ، ولاردىڭ سۇرقيا كەيىپ - كەسپىرىن اشكەرەلەۋىمىز، جاۋىز ماقساتتارىن ءپاش ەتىپ، ولارمەن سوڭىنا دەيىن قاندى شايقاس جۇرگىزۋىمىز؛ ساياسي قاعيدا مەن ساياسي تارتىپكە قاتاڭ بويسۇنىپ، ساياسي تۇرعى مەن ساياسي سانالىلىقتى جوعارىلاتۋىمىز، ساياسي ءتارتىپتى استە بالانىڭ ويىنىنا، ساياسي قاعيدانى استە قۇر قاڭقاعا اينالدىرماۋىمىز، ساياسي ماسەلەدە، ءتىپتى، قۇبىلمالىق ىستەمەۋىمىز ءتيىس؛ ساياسيدا تومەنگى شەكتەن اۋىتقىماۋىمىز، ساياسيدا اڭعارلى ادام بولۋىمىز، «ءۇش ءتۇرلى كۇشپەن» استە ىمىرالاسپاۋىمىز، ولاردى ەركىنە جىبەرمەۋىمىز، ولارعا جاعاتسىماۋىمىز، ءتىپتى، قول ۇشىن بەرمەۋىمىز كەرەك؛ مۇرات - سەنىمدى بەكەمدەپ، بولشەكتەۋشىلىككە قارسى تۇرۋ كۇرەسىنىڭ ءتارتىبىن قاتاڭ اتقارىپ، استە ەكى كەمەنىڭ قۇيرىعىن ۇستاماۋىمىز، ساياسيدا ورايشىلدىققا سالىنباۋىمىز، جاعاتسىماۋىمىز، مۇرات - سەنىمنەن ايرىلماۋىمىز، ساياسي تۇرعىدان جازباۋىمىز، ساياسي سانالىلىقتى جوعالتپاۋىمىز كەرەك.
  2. ءتارتىپتى دارىپتەپ، «ماقۇلباي» بولماي، ەرلىكپەن سايىس جاريالايتىن جاۋىنگەر بولامىن
  مەملەكەتتىڭ زاڭ جانە زاڭ - ەرەجەلەرىنە بويسۇنۋ − ءاربىر ازاماتتىڭ بورىشى. جۇڭگودا ءارقانداي ادامنىڭ، ءارقانداي ءدىننىڭ، ءارقانداي ورىننىڭ جانە ءارقانداي ۇلتتىڭ زاڭنان تىسقارى قالۋىنا استە جول جوق، مەيلى كىم بولۋىنا قاراماستان، ەگەر دە زاڭعا قايشى كەلەدى ەكەن، ءسوزسىز، زاڭنىڭ قاتاڭ جازاسىنا تارتىلادى.
  تالاي جىلدان بەرى، ءبىزدىڭ «ءۇش ءتۇرلى كۇشپەن» اراداعى كۇرەسىمىز ءبىر ءسات تە تولاستاماعانىمەن، جاعدايدى ورنىقتىرۋدا ءالى دە تۇبەگەيلى بۇرىلىس بولا قويعانى جوق، «ەكىبەتكەيلەردىڭ» ادا - كۇدە الاستالماۋى مۇنداعى باستى سەبەپتەردىڭ ءبىرى. مەن ءوزىمدى قامتىعان بارلىق ۇيعۇر پارتيالى باسشى كادرلارىن بۇدان بىلاي ءلام - مەم دەمەي، ءۇن - ءتۇنسىز قالاتىن «باسىم كوپشىلىك» بولماي، مەنىمەن ەشقانداي قاتىسى جوق دەپ قايىرىپ قوياتىن «ماقۇلبايلىق» يدەيانى باتىل جەڭىپ، كورسە دە كورمەسكە سالىناتىن كەرەناۋ ستيلدى باتىل جويىپ، كۇڭگىرت تانىمعا قاراتا باتىلدىقپەن اق پەن قارانى ايىرىپ، قاتە يدەيالار مەن كوزقاراستارعا باتىل ءۇن قاتىپ، ايقىن پوزيتسيا ءبىلدىرىپ، باتىل دا بەرىك تۇردە «ەكىبەتكەيلەرمەن» بەتپە - بەت كۇرەسۋگە؛ وتباسىمىزداعىلاردى جانە دوس - جاراندارىمىزدى «ءۇش ءتۇرلى كۇشپەن» جانە «ەكىبەتكەيلەرمەن» باتىل كۇرەس جۇرگىزۋگە بەلسەنە باستاپ، ادىلەتتى ءۇنىمىز، بىرلىككە كەلگەن اياق الىسىمىز ارقىلى بارلىق بولشەكتەۋ يدەياسى مەن ءسوز - ارەكەتتەرگە بەرىك، بەكەم تۇرعىدا سايىس جاريالاپ، «ءۇش ءتۇرلى كۇشتىڭ» تارالۋ جولىن كەسىپ، «ەكىبەتكەيلەردىڭ» ءومىر ءسۇرۋ ءورىسىن جويۋعا شاقىرامىن. «ەكىبەتكەيلەردى» ىشتەي قۇپتاۋدىڭ ءوزى دە «ءۇش ءتۇرلى كۇشتى» قولداعاندىق.
  ءمۇبادا،ءسىز ءبىر ۇيعۇر بۇقاراسى بولساڭىز، ادىلەت ءۇنى، ادامگەرشىلىك قاسيەتىڭىز بار بولسا، باتىلدىقپەن كەۋدە كەرە العا شىعۋىڭىز، ماڭايىڭىزداعى زورلىقتى كۇش لاڭكەستەرىن اشكەرەلەپ، كادرلار قوسىنى اراسىنداعى «ەكىبەتكەيلەردى» ءپاش ەتۋگە قاقىلىسىز. ءبىز كىمدەردىڭ شينجياڭداعى ءار ۇلت حالقىنىڭ وڭاي - وسپاق قولعا كەلمەگەن باقىتتى تۇرمىسىن ءبۇلدىرۋ ويى بار ەكەندىگىن، كىمدەردىڭ پەردە ارتىنداعى قارا قولدار ەكەندىگىن اڭعارۋىمىز كەرەك. ەگەر ءسىز ءبىر پارتيالى كادر بولساڭىز، بەرىك سەنىمگە يە، جاۋاپكەرشىلىك ارقالاي الاتىن ۇيعۇر پارتيالى باسشى كادر بولساڭىز، العاشقى ساتتە - اق كەۋدە كەرە العا شىعۋىڭىز، ماڭايىڭىزداعى «ەكىبەتكەيلەردى» جانە ۇيعۇر كادرلارى اراسىنداعى بەرەكە بۇزۋشىلاردى جىعا تانىپ، «ءۇش ءتۇرلى كۇشتىڭ» ارتىنداعى «سۇيەنىشتەرىنىڭ» كوزىن ادا - كۇدە جويۋىڭىز شارت.

  3. ادالدىقتى دارىپتەپ، استە «ەكىبەتكەي» بولمايمىن، قۇربان بەرۋدەن تايسالمايتىن قايسار جاۋىنگەر بولامىن
  پارتيا مۇشەسى رەتىندە پارتياعا ادال بولۋ ەشقانداي ۇلتتىق جانە ءدىني ءتۇس المايدى، وندا ءارقانداي جەكە نىساي جانە بوگدە وي بولمايدى. پارتياعا ادالدىق پارتياعا سەنىمدەگى ادالدىقتا ايگىلەنەدى، پارتيانىڭ نازارياسى مەن لۋشيان، باعىت - ساياساتتارىنا ادالدىقتا ايگىلەنەدى، لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە پارتيا مەن مەملەكەتكە ادالدىقتا ايگىلەنەدى، باس نىسانانى جۇزەگە اسىرۋدا اقتىق دەمىنە دەيىن قىزمەت ەتۋدە ايگىلەنەدى. الايدا، كادرلار قوسىنىمىز اراسىندا ءىشىنارا ادامدار كورىنىستە ۇلتتار ىنتىماعى دەپ جار سالعانىمەن، ءىس جۇزىندە ولاردىڭ كوكەيىندە تار ءورىستى ۇلتتىق يدەيا ساقتالعان؛ كورىنىستە پارتيا مۇشەسى جانە ۇكىمەت قىزمەتكەرى بولعانىمەن، ءىس جۇزىندە كوكەيىندە بولشەكتەۋشىلىك يدەياسى جاسىرىنعان؛ كورىنىستە پارتيا ءۇشىن قىزمەت ەتىپ جاتقانداي كورىنگەنىمەن، ءىس جۇزىندە ۇقىعىنان پايدالانىپ، «ءۇش ءتۇرلى كۇشتىڭ» كەۋلەپ كىرۋى مەن مولايۋىنا شارت - جاعداي ازىرلەگەن. «ەكىبەتكەيلەر» ۇيعۇر ۇلتىنا الاپات اكەلدى، ءار ۇلت جۇرتشىلىعىنا الاپات اكەلدى، ءبىز، ءسوزسىز، «ەكىبەتكەيلەردى» اياۋشىلىق ەتپەي اشكەرەلەپ، ولاردىڭ ءبىزدىڭ جاساپ جاتقان وسىناۋ توپىراعىمىزدى لاستاۋىنا استە جول قويماۋىمىز كەرەك.
  ادال، پاك، جاۋاپكەرشىلىك ارقالاي الاتىن پارتيالى كادرلار قوسىنى − لاڭكەستىككە قارسى تۇرىپ، ورنىقتىلىقتى قورعاۋ كۇرەسىندەگى پارمەندى كەپىل. قاتاڭ سوققى بەرۋ كۇرەسىنىڭ ىشكەرىلەي ورىستەتىلۋىنە بايلانىستى، ءىشىنارا «ەكىبەتكەيلەر» اشىققا شىعا كەلگەنىمەن، الايدا ءالى تالايلاعان «ەكىبەتكەيلەردىڭ» ءار ۇلت كادر - جۇرتشىلىعىنىڭ اراسىنا بۇقپانتايلاپ جاسىرىنىپ، قاستىق سايلاپ، جەلىكتىرىپ جانە ءار ءتۇرلى ءبۇلدىرۋ ارەكەتتەرىن جوسپارلاپ جاتقاندىعىن كەسەتىپ ايتۋعا بولادى. ۇيعۇر پارتيالى باسشى كادر رەتىندە مەيلى ءبىز نەندەي مىندەت اتقارىپ، نەندەي قىزمەت ورنىندا ىستەسەك تە، ءسوزسىز، «ەكىبەتكەيلەردى» باتىلدىقپەن شارشى توپ الدىنا تارتىپ شىعارىپ، ولارعا «كوشەدەن قاشقان تىشقاندى ۇر - ۇردىڭ استىنا الۋدىڭ» كەبىن كيدىرۋىمىز ءتيىس. مەن مىزعىماس پارتيالىلىعىمدى كەپىل ەتە وتىرىپ، استە كورنەۋدە ءبىر ءتۇرلى، كومەسكىدە ءبىر ءتۇرلى بولاتىن «ەكىبەتكەيلىككە» سالىنبايمىن، استە جۇرت كوزىنشە ءبىر ءتۇرلى، جۇرتتىڭ كوزىنەن تايعاندا تاعى ءبىر ءتۇرلى بولاتىن «ەكىبەتكەي» بولمايمىن، بەكەم تۇرعىدا سەنىمى بەرىك «اڭعارلى ادام»، ءىشى - سىرتى بىردەي «ادال ادام»، تارتىپكە قاتاڭ بويسۇناتىن «ءجون - جوسىقتى ادام» بولامىن، بۇل كوممۋنيستىك پارتيا مۇشەسى بولعان مەنىڭ بەكەم پوزيتسيام.
  رەالدىق بىزگە «ەكىبەتكەيلەردى» الاستاپ، «ءۇش ءتۇرلى كۇشتەردىڭ» سارقىندى ۋلارىن ادا - كۇدە جويۋدىڭ شينجياڭداعى قازىرگى ەڭ كوكەي تەستى مىندەت ەكەندىگىن ەسكەرتتى. مەن جۇڭگو كوممۋنيستىك پارتياسىنىڭ پارمەندى باسشىلىعىندا، ءار ۇلت جۇرتشىلىعىنىڭ تىعىز ىنتىماقتاسۋىندا بارلىق سۇرقيا كۇشتەردىڭ، بارلىق زورلىقتى كۇش لاڭكەستەرىنىڭ ارەكەتتەرىنىڭ تۇگەلدەي «ءالىن بىلمەگەن الەك بولادىنىڭ» اياعىن قۇشاتىندىعىنا كامىل سەنەمىن. بۇل شينجياڭداعى ءار ۇلت حالقىنىڭ بىردەي جۇرەك جاردى ءۇنى. ءبىز، ءسوزسىز، ىرىقتىلىقپەن جاۋاپكەرشىلىك ارقالاپ، الدىڭعى شەپتە اتويلاپ الدا ءجۇرۋىمىز، ءسوزسىز، رولىمىزدى بەلسەنە ساۋلەلەندىرىپ، جانقيارلىقپەن شايقاسۋىمىز، ءسوزسىز، باتىلدىقپەن كۇرەس جاساپ، قۇربان بەرۋدەن تايىنباۋىمىز كەرەك! كادرلار قوسىنى اراسىنداعى «ەكىبەتكەيلەرگە» سىلەيتە سوققى بەرىپ، ادا - كۇدە كوزىن جويىپ، تۇبەگەيلى الاستاۋىمىز، ولارعا تيتتەي دە وراي بەرمەۋىمىز، شىعار جول قالدىرماي تۇيىققا تىرەۋىمىز، بارار جەر، باسار تاۋ قالدىرماۋىمىز، ءسويتىپ، ولاردى حالىقتىق شايقاستىڭ تەلەگەي تەڭىزىنە باتىرۋىمىز كەرەك.

  4. جاۋاپكەرشىلىكتى دارىپتەپ، «قۋىس قۋراي» بولماي، ورشەلەنە ورگە جۇزەتىن سارباز بولامىن
  قاتىناس - تاسىمال جۇيەسىندەگى پارتيالى كادر رەتىندە، ءبىز نازاردى باس نىساناعا شوعىرلاندىرىپ، باس نىساناعا قىزمەت ەتىپ، باس نىسانانى امالياتتا ايگىلەۋىمىز، «ەكىبەتكەيلەرمەن» باتىل كۇرەس جاساپ، كوممۋنيستىك پارتيا مۇشەلەرىنىڭ ايبىندى سەرتىن ىستىق قانىمىز جانە ادالدىعىمىز ارقىلى ايگىلەۋىمىز؛ يدەيامىز بەن ارەكەتىمىزدى پارتيا ورتالىق كوميتەتىنىڭ شەشىم، ورنالاستىرۋلارىمەن جانە اۆتونوميالى رايوندىق پارتكومنىڭ ورنالاستىرۋ - تالاپتارىمەن اناعۇرلىم بىرلىككە كەلتىرۋىمىز، مەڭگەرمە پارتكومىنىڭ قىزمەت ورنالاستىرۋلارىمەن ۇشتاستىرىپ، جالىندى جىگەرمەن جۇمىس اتقارىپ، قىزۋ ىنتامەن قىزمەت ىستەپ، كاسىپ سالاسى مەن قوعام ورنىقتىلىعىن كۇش سالا قورعاپ، اۆتونوميالى رايونىمىزدىڭ قاتىناس - تاسىمال قىزمەتىن جاپپاي دامىتۋدى جەبەۋگە، قاتىناس - تاسىمال قۇرىلىسىندا قامال الۋدىڭ زور شايقاسىندا جەڭىسكە جەتۋگە كۇش سالىپ، سايكەستى كاسىپ سالاسىنىڭ دامۋىن ىلگەرىلەتىپ، ەڭبەككۇشتەردى جۇمىسقا ورنالاستىرۋدى، ەگىنشى - مالشىلاردىڭ كىرىسىن ارتتىرىپ، كەدەيلىكتەن قۇتىلدىرۋدى جەبەۋىمىز؛ تاس جول قاتىناس قۇرىلىسى نىسانىن ۇلتتار ىنتىماعى جولى، كەدەيلەردى سۇيەمەلدەۋ، قيىنشىلىعى بارلارعا كومەكتەسۋ جولى، شەكارانى قورعاۋ، ساقتانۋ جولى جانە تىلەكتى ۇيىستىرىپ، كۇش توپتاۋ جولى ەتۋدى كۇش سالا ىلگەرىلەتىپ، ءار ۇلت بۇقاراسىن قاتىناس - تاسىمال ىستەرىنىڭ دامۋىنان كەلگەن باقىتتى تۇرمىستان يگىلىكتەندىرىپ، پارتيانىڭ مەيىر - شاپاعاتى مەن وتان ۇلى شاڭىراعىنىڭ جىلىلىعىن سەزىندىرىپ، ءىس جۇزىندىك ارەكەتىمىز ارقىلى شينجياڭنىڭ قوعام ورنىقتىلىعى مەن باياندى تىنىشتىعىنىڭ نەگىزىن بەرىك قالاۋىمىز كەرەك.

ءان الەمى

جول توسىلىپ قالدى

تۇلپارىم